هذي قصيده فكاهية للشاعر خالد العنزي.. ينقد فيها على اهل الحداثة وبعض خريطهم الفاضي
رهيبه القصيدة.. ليت نزار قباني حي عشان اقراها عليه..






كهرمانه‎ ‎دثّيريني‎ ‎دثّريني‎ ‎كهرمـانه‎
ابتدت‎ ‎اول فصول (النقنـقه) بالمسـرحية‎
‎
يحكم (الطاغـوت الاكبـر) في براءة موبذانه‎
ينحسر حلـم الشوارع في‎ ‎امتداد المزدكـيـه‎
‎
سيسبانة حلم شاعـر شاعـر وخانه زمانه‎
منشفية جرح غائر تفتـري بالبلشفية‎

لملمة اشياء لكن‏‎ ‎زوبعـة في (اٍستكانه‎)
بعثرة اشياء لكـن في حـدود الفوضـويّه‎

كهـرمانه ياحياتي وش فهمتي بالأمانه ؟‎
‎ ‎صاحت بوجهي‎ ‎وصدّت قالت (الشرهه عليّه‎)
‎
جالسـه اسمع حبيبي قلت ابشبـع من‎ ‎حنانه‎!
اذكر انّه لا تغزّل يستثـير الشوق فيّـه‎
‎
خرّبـوك أهل الحداثة جعلهم بالخيزرانـه‏‎
قلت هدّي وافهميني‎ ‎واسمعي شرح القضيّـه‎
‎
هقوتك‎ ‎لو عاد (عقبة) كيف يعرف‎ ‎قيروانه‎
هـذي الدنيا تغيّـر مالنـا‎ ‎ذنب وجنيّـه‎
‎
‎ ‎للأسف انتي قديمه‎ ‎حد فهمـك (ليل دانه‎(‎
وان تطورتي بفهمـك‎) ‎عذّبيـني يابـدويّه‎)
‎
قالت اصبر زين ابفهم أيش يعني سيسبانه؟‎
زين‎ ‎خل السيسبانه‎ ‎أيش يعني منشفيّـه؟‎
‎
بالأمـانه انت فاهـم ماتقولـه بالأمـانه ؟‎
العـب بكيفـك‎ ‎حبيبي‎ ‎بس لا تلعـب عليّه‎
‎
قلت ( في قلبي ) غديت‎ ‎ورزلتني‎ ‎كهرمانه‎
لعنبـو جد الحداثـة حقّطتـلي هالغبيّـه‎ ‎
‎
‎
‎
‎