قلت لك ياقلب .... اقعد
خله يبعد!



أتركه ... خله في حاله
والهوى .. مالك وماله
ماتشوف شلون صارت حالتك ياقلب ... حاله!؟

أدري انك مهتويه
وادري انك ترتجيه
وادري أنه لاوعدك .تروح تركض . تحتريه !!

وادري مجنون بهواه
وادري ماتلقى بحلاه
بس لو تركد شويه ...مو كذا ... على عماه !!

وش تسمي شخص باعك
شخص يسعى ... في ضياعك
شخص ماقدّر هواك
ولهفتك له .......... واندفاعك

قلت لك خله ... وروح
دام باقي فيك روح
وانت أصلاً منت ناقص ... هم ... وألام ... وجروح

قلت لك هذا لعوووب
يعني أفهم ! .... لاتذوب
ماسمعت ورحت يمه
والمصيبه ................ ماتتوب

قلت لك ماراح ينفع كبريائك
قلت لك ماراح يوصلّه .. ندائك !
وكنك اللي ماسمع
وشوف وش سوى .... غبائك !!






الشاعر

بركات الزوبعي الشمري