قطره + قطره

**نايف عايد** · 05 Oct 2009, 02:55 PM

يومكم رايق

جمعت بحر الغلا قطره على قطره
وابحرت في قارب الذكرى ووداني
.
لأول شواطي غيابك واتسع فطره
خفوقي اللي على ذكراك خلاني
.
اخم قميصك كذاء وستبخر بعطره
الين راح العطر من دمع تحناني
.
قومت قاف الغلا لين انكسر شطره
وجبرته بما يجوز الجبر بألحاني
.
حالي بعد غيبتك ياملهمي خطره
وانا كتاب ٍ مصير الموت يقراني
.
ياغلا امل زود القطره على القطره
ارجع اعروش القوافي مالها ثاني
.
انا احبك كذا..... يعني على الفطره
مالي بذنب العتب والدمع واحزاني
.
نايف الذعذاع

**شمـــاليه** · 05 Oct 2009, 03:06 PM

.
حالي بعد غيبتك ياملهمي خطره
..........// وانا كتاب ٍ مصير الموت يقراني

شاعر جزل يالذعذاع ..
صح لسانك وعلى شانك تسعدني متابعة ماتكتبه
دمت متألق..
ننتظر الجميل القادم

**عقارب** · 05 Oct 2009, 05:00 PM

صح لسانك على القصيدة الجميل والله لا يهينك

**TWIX** · 05 Oct 2009, 05:11 PM

اقول والله من السرق

**نايف عايد** · 06 Oct 2009, 12:08 AM

توكس
سلامات قلب؟
اثبت ومالك الا الحق يا صلك

**نايف عايد** · 06 Oct 2009, 12:09 AM

شماليه
مرورك تشريف طال عمرك

تحياتي

**نايف عايد** · 06 Oct 2009, 12:11 AM

عقارب

ياهلا وغلا

مرورك نور متصفحي

تحياتي

آخر المشاركات

الموضوع: قطره + قطره

أدوات الموضوع

تقييم هذا الموضوع

عرض

قطره + قطره

مواقع النشر (المفضلة)

مواقع النشر (المفضلة)

ضوابط المشاركة