حيالله كل من مر من هنا بإنتظار
قصصكم
.
.
حيااكم
هلا ريانة
امي حتى تطلع طيب ابوي أمام النساء
تقول ابو فلان
لكن لحالنا اكيد تبي تقول ابوك
ذهانت حريم
مايقال وراء كل رجل عظيم إمراه
.
.
ريانة ابشري هذي ترجمة لهجتنا
.
.
بول الفايت البعيد ( بالأيام الماضية) نويت أشب ( يصنع شاي وقهوة بمجلس الرجال )العصر وماأتصلت ألا على واحد بحكم أنه توه ( باقي وقت )على الصلاة
وقلت الباقين بعد الصلاه أتصل بهم وجيت أبي أحمس القهوه وهي تطري علي ( خطرت ببالي ) فكره يمار عندي ( إذ عندي )العود ألازرق
وقلت خلن أشوف ( دعني ارئ ) شلون تصير( كيف تصبح ) ريحه حمسه القهوه مع العود واجيب الفحم ( احضر الفحم )وأحطه ( واضعه )على حدى عيون الغاز وشب ( أشعل النار تحته ) عليه
والعود عندي وأجيب ( قلنا معنها سابق )بريق المعدن حق ( بتاع نسيت قصدي يستخدم ) الحمس مخصخص والقهوه بحكم أنه غاليه أخذ بالكيلوا ومذهوبه ( يعنى من زود حلاها يمدحا بان يذهب بها القوم )
من جبال طيبه ماله جنس( ليس لها مثيل )
لياهالحين ( إلي الان )أستخدمه وأجي ( وأتي أو أحضر ) أبي أعبي ( أملئ ) البريق وكيس القهوه يذوب من العين اللي عليه الفحم
وهي تنكب ( تنسكب )على المنقل ( مكان صنع القهوة والشاي ) والفرشه ( السجادة أو الموكيت ) قلت
هين ( طيب )وأنا أحمسه وشوي ولعت الفحمه ( اشتعلت ) وأنا أحط ( أضع ) العود عليه والله ياريحته طلعت شي مايوصف ويوم خلص الحمس ( انتهاء ) قلت خلن ( دعني )أجيب ( احضر )
المكنسه وأكنس القهوه المنتثره على المنقل والفرشه والمكنسه اللي عندي اللي زي الفار يابانيه مذهوبه واشيل الراس حقه على شان تشفط
اللي بالمنقل والفحمه على العين ومدري شلون قلت( لاأعرف ماذا فعلت ) وهي تشفط الفحمه ياعلك ماتعودين ( يعلك ماترجعين )وهي تدخن وافزع ( اى اذهب مسرع )وأجيب كيس بلاستك وأخذ كيسه
وأحطه بالكيس لياهي مليانه ( إذ هيا ممتلئة) وهي تغدي ( تصبح )الديوانيه والمقلط ( مجالس الرجال )عجاجه من الغبار وأنا أحوس ( اعفس أو اقلبه رأس على عقب ) البيت واركض للمطبخ وأكبه ( انثرها )
بالمغسله ليا هكا اليوم ( إلي ذلك اليوم )ماتبي حالي ( لاتتمنى أن تصبح مثلى )
وش ينظف هالحوسه اللي عملته( صنعتها ) وأنا أزعل على حالي وأشوى ( يعنى الحمد لله ) الرجال اللي عزمته أمون عليه ( يعنى مثل أخي لا اخجل منه ) يوم جاني ( اتا إلي ) قلت له وش رايك
ننهج ( نذهب ) للمخيم أنفه ( اشرح للصدر ) وأخذ القهوه وأعلمه بالسالفه
والعروبه خوش ( يعنى حلو الموضوع )موضوع وعندي غرابيل ( قصص من النوع ) واجد ( كثير ) لي نكسه ( عوده )أن شاء الله وخوش موضوع الله يوفقكي الوفق الطيب
~~~ اللهم أجعل همــي الاخــرة ~~~
تحت الإنشاء
.
.
إن كان رأيك بموضوعي فحيا مرحبا بك
لكن ألا تظن أن رأيك بأن الموضوع يستحق أو لا يستحق يمكن يتحسس منه الشخص
أو يضايقه
أنا هنا لاأتكلم عن عروبة
لأني ولله الحمد والمنة
ليس لي بذلك مطمع ولا شأن
وانأ أريدها لله وبالله
لكن : لأجل عضو يمكن يختار للتميز وترى وأرى انه لايستحق
فهل من حقي وحقك أن نحطمه أو نكسر مجاديفه بآرائنا
.
.
ترى اكتب وانا ابتسم
لأن عروبة صدرها وسيع
وعينيها للغير مو على نفسها
.
.
تعلم أخي رفحاوي
الحوار معك هنا بحد ذاته قصة
يستفاد منها
(( أن ليس مايعجبني يعجب غيري ولكن لنكون معول بناء ))
سرني انك تفاعلت مع الموضوع بدون قصد منك
وهذا ما اريده قصص للفائدة
يمكن جدي الله يرحمه !!
أظن أسلوبي معروف لا أحب أن أتعدى حدود اللباقة مع احد
بخصوص الإملاء وجدت لك موضوع يتكلم عن الأخطاء بالتاء
وموضوع لأحد الأخوان عن استخدام الوورد بتصحيح الإملاء
واستفدت منكما
جزاكم الله خير
ما أقول ان استفدنا من دخولك هنا
الفائدة هالمرة
(( لجميع راجع موضوعك وردودك بالوورد لتصحيح الإملاء . . والصراحة راحة للنفس ))
.
.
<< ماتعرف تكذب
حياااك ايها البطل
تتميزين بسعة الصدر نعم أما الأسلوب وسلامة المفردات فلا ...
إذاً واصلي على نفس هذا الأسلوب الموضح أعلاه ...
حاولي أن تكتبي باللغة العربية الفصحى ...
شكراً لسعة صدرك ...
تسلمين عروبه على الترجمه ، تعبناك معنا
بس فشلتيني ياختي قدام ( الرفحاويون ) مهو لهدرجه مافهمت ، اشدعوى الله لو أني من الغربيه
ههههههههههههههههههههه
عوافي عروبه
لاعدمـ
من هالسنين الأوله قبل الأزمه حصلتي تغريزتين الأوله حول لوقه والثانيه ماهي بعيده عن رفحا بس أكود من الاوله وأنا أنخش خشه ماأنساه طول ماني عايش وكله منزين الحظ وصرت ليا جاء الشتاء أتغربل لياساعتنى هذي وجلست ثلاث سنين وكل سنه بالبرد أردى من اللي عقبه ويوم الله قسم وأنوي أكوي عند أم سعود الله يجعل يديه مايطبن النار ويرضى عليه ويغنيه دنيا وأخرة وهي تكوينن بله خلال خمس مكاوي بظهري وحجبتن عن الحليب والجبن واللحم وقالت لا يشفك الهواء وأدف حالك وأنا أنام هكا الليله بمحلي بالديوانيه وأتغطى بلحاف ويوم وعيت الصبح لياهاذي العافيه يمار تقول لي سنه ماشربت الما عطشان وحلقي يابس وأوجس العافيه بس لثلاث أيام ويجون الخوياء هكا الليله ويغصبوني أقنص معهم وأعلمهم يمار ماحولي أحد وكذبت عليهم وقلت ماعندي فراش البر وجابولي واحد ويوم شاء العزيز وأنا أنهج وهكا الليله نذبح طلي وناكل حميسه وأنا أنام وبالمربعانيه وقتنى ويوم وعيت الصبح ليمار راجعلي بلاي بس أهون من أول وحنا نهد الطير هكا اليوم ونصيد حبارى ونضيع الثانيه ونستانس بس متغربل لياهالحين ورجعت وكويت بس مافيه فايد ليا هالحين عسى الله يكون بالعون والحاصل أنك ماودك تغصب الرفيق ولا ودك الواحد يقول يارجل عساك سالم
عوافي ياخوي ، هالمره فهمت وش تقول وكنهرت الا أني تفجأت برد عروبه !! تعطيك وصفه شعبيه !!!
حق شنو ؟ انت ماوصفت مرضك وحالك ، فعرفت اني مضيعه الطريق وفيه جزء من النص مفقود :(
ياغميضه
>> من يساعدن
وش تقول هنا>>>>وأنا أنخش خشه
ولي نكسه للموضوع
:d
ماشاء الله عليكي الريانه وجازتلي يوم تقولين مكنهره فاهمه الدرس ومطبقته صح
وأنخشيت هذي نزلت برد بالشتاء كايده ماهي هينه وتصير بالعظام ولا ينفع به الأ الكوي بالنار
وأختي الكريمه العروبه وصفتلي علاج يقاله الزاجه يستخدمونه البدوا قبل
وعسى الله يوفقكن كلكن الوفق الطيب والذريه الصالحه
مواقع النشر (المفضلة)