*,*~.·°¯`·.)) قصصكم اليومية . . لنتعايش ونستفيد .. وترويح عن النفس (( .·`¯°·.~*,*

[عروووبة]

بالموضوع
نريد ان نتعااايش مع بعض
عن طريق رواية قصص والمواقف التي
نمر فيها باليوم
في . . . . . .
البيت
العمل
المدرسة
الشارع
.
.
طبعا يفضل ان تكون القصص
طااازجة
.
.

سوااء كانت قصص
مضحكة
مفرحة
حزينة
مسااعده
. . . . . . . . . . . .

وكيف تصرفت بذلك الموقف
حتى يكون الموضوع
من جهه للتسلية والترويح عن النفس
ومن جهه الاستفادة بكيفية التصرف بتلك المواقف
يالله افيضواا علينا
.
.
.
دمتم
فـــــــــــ امان الكريم ــــي
وعلى قصص الخير نلتقي

[عروووبة]

سأبدا
طبعا انا كنت مندمجة اعد موضوع
وانا اذا اندمجت اندمجت
<<< راحت السالفة كلها دمج المهم

المهم الا تدخل اختى تقول جتنا خااالتي . .
يوووه صدمة
لأني مااا اقدر افرك
دايم احن عليهااا سيري سيري
المهم العصر
والشعب نيم
<<< غابطتهم هالطلااااب اكل ومرعى وقلت صنعا


المهم راحت اختى الملقبه بنعمااان
لأنها على وشك ولاااادة
ادعولهااا ربي يقومهااا بالسلااامة

قالت راح اسوي شاااي وانتي قومي فزي ضبطي القهوة
فكرة وفكرة
قلت مالها الا بابا

وانا اروح اتسلل لمجلسه بالحوش << اجل بالسطح
المهم بابا مايحب نتعبث بدلاله
دخلت متسلحه بابتسامتي
الا ابوي خاااش جو ثاااني .. هو اذا مسك دفتره الازرق ينسى الدنيا
وقاعد يكتب شعر . .

المهم قلتله : بابا >> ملاااحظة انا اناااديه بابا من باب تدليعه . .
ابى القمقم مادرى وش تقولوله . . . مطبااخة القهوه
اهلى دائم يهزؤني يقولون وشو قمقم . . . سمعتها من وحدة واعجبتني .
قال وشوله : قلت ابى اسوي قهوه
قال خوذي الدله توني مسويه
وانا اكشر ذيك الكشره
يوم قلت بنفسي : ياليتني طالبتن شي يسوى.
قلت : ((طبعا ماعنده الى بقلبه تقوله) قلت كنت ذاله منك خفت تهاوشني
قال : اهااوش الى يهاوشك
يوم قام يأزني شيطااني
بغيت اعطيه قاائمة باسمااء العائلة الكريمة كلهم . . .
وانا اقشع الدله وطيرااان للمطبخ
اختي : وشلون خذيتيه يويلك من ابوي
قلت : هو عطانياها
واصفيها بالترمس
واشلعبهااا ارض جو لخااالتي
كني انا مسويتهاا
.
.
لكن امي جابتبي العيد
من ذاقتها قالت هذي قهوت ابو فلااان
.
.
<<< طراااخ طاااح وجهي
لكن اشوى ربي معطينى انى مااعرف اكذب
ولا قلت اني مسويتها
لاانى اامن ان الكذب يفضح راعيه

وسلااااامتكم
.
.
الفااائدة
(( المسلم لايكذب وفعلا الصدق منجاااه وينقذك من الاحرااج. . . الشي الثاني كلن يعتمد على نفسه مو كل يوم تلقى احد يسوي عنك شي ))

[kermalk]

وراح أكون أنا الثاني

بول الفايت البعيد نويت أشب العصر وماأتصلت ألا على واحد بحكم أنه توه على الصلاه وقلت الباقين بعد الصلاه أتصل بهم وجيت أبي أحمس القهوه وهي تطري علي فكره يمار عندي العود ألازرق وقلت خلن أشوف شلون تصير ريحه حمسه القهوه مع العود واجيب الفحم وأحطه على حدى عيون الغاز وشب عليه والعود عندي وأجيب بريق المعدن حق الحمس مخصخص والقهوه بحكم أنه غاليه أخذ بالكيلوا ومذهوبه من جبال طيبه ماله جنس لياهالحين أستخدمه وأجي أبي أعبي البريق وكيس القهوه يذوب من العين اللي عليه الفحم وهي تنكب على المنقل والفرشه قلت هين وأنا أحمسه وشوي ولعت الفحمه وأنا أحط العود عليه والله ياريحته طلعت شي مايوصف ويوم خلص الحمس قلت خلن أجيب المكنسه وأكنس القهوه المنتثره على المنقل والفرشه والمكنسه اللي عندي اللي زي الفار يابانيه مذهوبه واشيل الراس حقه على شان تشفط اللي بالمنقل والفحمه على العين ومدري شلون قلت وهي تشفط الفحمه ياعلك ماتعودين وهي تدخن وافزع وأجيب كيس بلاستك وأخذ كيسه وأحطه بالكيس لياهي مليانه وهي تغدي الديوانيه والمقلط عجاجه من الغبار وأنا أحوس البيت واركض للمطبخ وأكبه بالمغسله ليا هكا اليوم ماتبي حالي وش ينظف هالحوسه اللي عملته وأنا أزعل على حالي وأشوى الرجال اللي عزمته أمون عليه يوم جاني قلت له وش رايك ننهج للمخيم أنفه وأخذ القهوه وأعلمه بالسالفه

والعروبه خوش موضوع وعندي غرابيل واجد لي نكسه أن شاء الله وخوش موضوع الله يوفقكي الوفق الطيب

[عروووبة]

اضحك الله سنك وربي متت ضحك
يا انت حست الدنياااا
الله يعين

اما اول الفايت
والمذهوبة
يسعدك ربي اخوي كرمالك

ننتظر بقية مغااامراتك

استفدت من قصتك
(( ان الواحد اذا كان عازم ناااس لايسوي اختراعااات ))

[عقارب]

قصص رائعة لنا عودة

مو عايد

ابو مقبل ( كرمالك ) لا نتسى تسكيرة الباب

[طالب متوسطة]

مشكورة على الموضوع المميز

بكرة اول ايام الدراسة انشاء الله انوع القصص والمقالب اذا صار ت

لي قصة مميز ة انشاء الله اجيبها

[تربوي]

قصص ومواقف رائعة ..
وفكرة مميزة عروووبة ..

[غربة]

هههههههههههههههههههههه


شييييييييييي المواقف والاحلى الفائده ههههههههههههههههه








حلوووووووووووووه الفكره




ان شاء الله لي عوده


وشكرا لك عروووووووووووووبه انتي فعلا مبدعه بهالمنتدى

[ريانه]

عرووبه . عوافي على الذهانه
بس ليه امك تسمي ابوك ( ابو فلان ) !! ليه ماقالت قهوة ابوك ولا قهوة ....( مشفر )
<< رووحي مناك
خخخخخخخخخخخ

عروبه تكفين فديتك وش يقول كرمالك ، احس ان قصته زينه بس مافهمت كل شي

[القنديل]

عروووبة فكرة جداً رائعة وحلو أنها تكون مختومة بفائدة من ذكر القصة

لي عودة إن شاء الله لكن هنا لتوزيع " وسام التميز " على المواضيع المميزة

وهنا حصل هذا الموضوع على وسام التميز

ياليت المشرفة شمالية تحط الوسام في أعلى الصحفة .

[رفحاوي]

كنت سأسأل الأخت عروبة عن الموقف الذي حدث للأخ العزيز كرمالك حتى تشرحه لأنها ضحكت من أعماق قلبها ...
ولكن سأُحيل السؤال لأخي القنديل لأنه أعلن عن تميز الموضوع ...

[عروووبة]

حيالله كل من مر من هنا بإنتظار
قصصكم
.
.
حيااكم

[عروووبة]

هلا ريانة
امي حتى تطلع طيب ابوي أمام النساء
تقول ابو فلان
لكن لحالنا اكيد تبي تقول ابوك
ذهانت حريم
مايقال وراء كل رجل عظيم إمراه
.
.

ريانة ابشري هذي ترجمة لهجتنا
.
.


بول الفايت البعيد ( بالأيام الماضية) نويت أشب ( يصنع شاي وقهوة بمجلس الرجال )العصر وماأتصلت ألا على واحد بحكم أنه توه ( باقي وقت )على الصلاة
وقلت الباقين بعد الصلاه أتصل بهم وجيت أبي أحمس القهوه وهي تطري علي ( خطرت ببالي ) فكره يمار عندي ( إذ عندي )العود ألازرق
وقلت خلن أشوف ( دعني ارئ ) شلون تصير( كيف تصبح ) ريحه حمسه القهوه مع العود واجيب الفحم ( احضر الفحم )وأحطه ( واضعه )على حدى عيون الغاز وشب ( أشعل النار تحته ) عليه
والعود عندي وأجيب ( قلنا معنها سابق )بريق المعدن حق ( بتاع نسيت قصدي يستخدم ) الحمس مخصخص والقهوه بحكم أنه غاليه أخذ بالكيلوا ومذهوبه ( يعنى من زود حلاها يمدحا بان يذهب بها القوم )
من جبال طيبه ماله جنس( ليس لها مثيل )
لياهالحين ( إلي الان )أستخدمه وأجي ( وأتي أو أحضر ) أبي أعبي ( أملئ ) البريق وكيس القهوه يذوب من العين اللي عليه الفحم
وهي تنكب ( تنسكب )على المنقل ( مكان صنع القهوة والشاي ) والفرشه ( السجادة أو الموكيت ) قلت
هين ( طيب )وأنا أحمسه وشوي ولعت الفحمه ( اشتعلت ) وأنا أحط ( أضع ) العود عليه والله ياريحته طلعت شي مايوصف ويوم خلص الحمس ( انتهاء ) قلت خلن ( دعني )أجيب ( احضر )
المكنسه وأكنس القهوه المنتثره على المنقل والفرشه والمكنسه اللي عندي اللي زي الفار يابانيه مذهوبه واشيل الراس حقه على شان تشفط
اللي بالمنقل والفحمه على العين ومدري شلون قلت( لاأعرف ماذا فعلت ) وهي تشفط الفحمه ياعلك ماتعودين ( يعلك ماترجعين )وهي تدخن وافزع ( اى اذهب مسرع )وأجيب كيس بلاستك وأخذ كيسه
وأحطه بالكيس لياهي مليانه ( إذ هيا ممتلئة) وهي تغدي ( تصبح )الديوانيه والمقلط ( مجالس الرجال )عجاجه من الغبار وأنا أحوس ( اعفس أو اقلبه رأس على عقب ) البيت واركض للمطبخ وأكبه ( انثرها )
بالمغسله ليا هكا اليوم ( إلي ذلك اليوم )ماتبي حالي ( لاتتمنى أن تصبح مثلى )
وش ينظف هالحوسه اللي عملته( صنعتها ) وأنا أزعل على حالي وأشوى ( يعنى الحمد لله ) الرجال اللي عزمته أمون عليه ( يعنى مثل أخي لا اخجل منه ) يوم جاني ( اتا إلي ) قلت له وش رايك
ننهج ( نذهب ) للمخيم أنفه ( اشرح للصدر ) وأخذ القهوه وأعلمه بالسالفه

والعروبه خوش ( يعنى حلو الموضوع )موضوع وعندي غرابيل ( قصص من النوع ) واجد ( كثير ) لي نكسه ( عوده )أن شاء الله وخوش موضوع الله يوفقكي الوفق الطيب

[عروووبة]

كنت سأسأل الأخت عروبة عن الموقف الذي حدث للأخ العزيز كرمالك حتى تشرحه لأنها ضحكت من أعماق قلبها ...
ولكن سأُحيل السؤال لأخي القنديل لأنه أعلن عن تميز الموضوع ...

حياااك أخي رفحاوي

يمكنك ظننت أني أجامل أخي كرمالك
أبشرك أني فهمت كل ماقاله وراجع ترجمتي لريانة
.
.
هي من خارج رفحاء لاألومها .
لكن أنت !!!!!
.
.
الشي الأخر
أخي القنديل كفيل بأن يرد
لكن أحب أوضح
يمكن يكون اختياره للموضوع
لأنها تكون مواقف عفوية للأعضاء

وأكثر ما أعجبه الفائدة من القصة
حتى نستفيد عند مرورنا بنفس الموقف وكيف نتصرف

يعنى بالمشرمحي
ليس للتسلية فقط
.
.
همسة (( كنت تقدر تقول رأيك للقنديل بالخاص ))
.
.
لا ابحث عن التميز ولكن أحب لكم الخير
فأن أكون اخر الطابور بفائدة
خير من أن أكون أوله بلا فائدة
.
.
تقبلت رأيك برحابة صدر
فتقبل رأيي
.
.
شاااكره مرورك الكريم
ونتمنى أن نرى مواقفك مع بشاير هنا

[رفحاوي]

حياااك أخي رفحاوي

يمكنك ظننت أني أجامل أخي كرمالك
أبشرك أني فهمت كل ماقاله وراجع ترجمتي لريانة
.
.
هي من خارج رفحاء لاألومها .
لكن أنت !!!!!
.
.
الشي الأخر
أخي القنديل كفيل بأن يرد
لكن أحب أوضح
يمكن يكون اختياره للموضوع
لأنها تكون مواقف عفوية للأعضاء

وأكثر ما أعجبه الفائدة من القصة
حتى نستفيد عند مرورنا بنفس الموقف وكيف نتصرف

يعنى بالمشرمحي
ليس للتسلية فقط
.
.
همسة (( كنت تقدر تقول رأيك للقنديل بالخاص ))
.
.
لا ابحث عن التميز ولكن أحب لكم الخير
فأن أكون اخر الطابور بفائدة
خير من أن أكون أوله بلا فائدة
.
.
تقبلت رأيك برحابة صدر
فتقبل رأيي
.
.
شاااكره مرورك الكريم
ونتمنى أن نرى مواقفك مع بشاير هنا

توقعت سابقاً أن بالقصة ما يُضحك من القلب كما حدث لكِ فسألتكِ فأجبتِ ...
لا أرى مانعاً من إبداء الرأي هنا حتى نستفيد من بعض ...
مافائدة أن تكون الآراء عن طريق الرسائل الخاصة ؟!
همسة (ليس كل طابور يجب عليك الوقوف فيه) ...