الضمان والنيدو

[بنت النشاما]

النيدو والضمان
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
كان يامكان في هذا العصر وبالتحديد برفحاء

بيوم من أيام رمضان كانت فيه عايله من عوايل رفحاء المكونه من 8 أفراد مابين أطفال وشباب ومعهم أمهم
وهم أيتام
وبنص رمضان خلصت مقاضيهم من لحم وشوربه وألخ
أحتارت الام شلوووووون تأمن لأولاده الفطور قال لها أحد أولاده يمه مالنا إلا نشحد ولا متنا من الجوع أنا شفت يايمه حريم عند البنك وعند السوق والناس يعطونهن فلوووووووس
قالت أمهم ياليتني مت قبل لأسمع هالكلام حنا من الأسر المعروفه برفحاء والرسول كان يفطر على تمره وماء
ورفضت أمهم

وما كان عنده إلا خاتم من الذهب قديم وماكانت تحب تبيعه لانه الشي الوحيد الباقي لها من زوجها الله يرحمه
لكنها وعلشان أولادها أضطرت تبيعه والحسره في قلبها
وللأسف كان خفيف الوزن مايجيب لها إلا 50 ريال
وأعطت ولدها الــــــــــ 50 وقالت له جيب كيلو لحم وعلبه شوربه وحده
قال واحد من عياله يمه أنا أبي كريم كراميل وقال الثاني وأنا أبي مهلبيه
قالت لهم ياعيالي إذا نبي نشري كريم كراميل لازم نشري نيدو والنيدو غالي وحنا اللي معنا كله 50 ريال
وحتى المهلبيه يبي لها نيدو
وراح ولده للعثيم وخذا كيلو لحم وحق الشوربه وقبل مايحاسب سمع رجال يتكلمون فيما بينهم
يابو فلان جيت الصرافه اليوم وقال الثاني لا والله ماجيته
قال الاول ابشر أبــــــــــو متعــــــب
دابل الشوون ولما سمعهم الولد قال لحظه لوسمحت لاتحاسب ورااح ركض على الاقدام وهو يبلغ من العمر 13 سنه
ولما وصل امه قال يمه البشاره البشاره
قالت امه وشو ياوليدي الله كريم وش فيه
قال ابو متعب دابل الشوون قالت لا ياوليدي الضمان توي سحبته وراح كله دين لراعي البقاله اللي مارضى بعد ماسددته أخذ دين ثاني مره
قاله ولده بس عطيني الصرافه وراحو للصرافه
ولقوا 4000 ريال
وكان العثيم أقرب لهم من بيتهم وقالت لا لازم أرجع للبيت وأخذ أخوانك كلهم
ولما خذت عياله كلهم
رجعت للعثيم وقالت لهم أنا علي أدف الدراجه وأنتم عليكم تملونه بلي تبون
وقال وليده الصغير يمه ونفصل ثياب للعيد ولا مثل كل سنه بالعيد نغسل ثيابنا ونكويهن
قالت لهم لا ياوليدي اليوم ياخذكم أخوكم وكلكم تفصلون ثياب جديده

وهذي قصه عايله وحده من ملايين العوايل السعوديه المحتاجه
شوفوا شلووون كسب الملك عبدالله من دعاوي هالسنه وأن شاء الله كل سنه يكون بابا عبدالله عند حسن ظن العوايل اللي محتاجته000

[الزعيم]

موضوع جميل

وحفظ الله ابو متعب لأبنائه وشعبه ..






أهلاً وسهلاً وحياك الله في منتدى رفحاء نتمنى لكم ولنا الفائدة

[بنت النشاما]

مشكور الزعيم
حفظ الله لنا أبو متعب



وطول بعمره

[الدب الداشر]

بنت النشاما .. ونعم فيك إسم على مسمى ..


أنا أفكر لو أحد أمه داعية له .. وقبل لا يبيعون الخاتم جايهم ومالي لهم البيت ..

ياويلنا من الله .. بس


بنت النشاما .. ياليت تحطين رقم تليفون لهم والا شي للإخوان ..

عشان يجيهم نصيبهم من أهل الخير ..

[بقايا روح]

بآرك الله فيكِ ~

أختي ياليت تزودينا بهاتف لهم او تحددين مكانهم
حتى يصل إليهم أهل الخير

؛

لاحرمكِ الله الأجر

[سعود الشمري]

جزاك الله خير على الموضوع وكثر الله اهل الخير والقائمين عليه المخلصين


شكرا لك جزيلا

[يونس رعد الربع]

بسم الله الرحمن الرحيم



شكرا لك بنت النشاما على هذه القصه الواقعيه في مجتمعنا


وكان أسلوبك مشوق لإكمال باقي الموضوع



ولكن مثل ماقلتي دام إن هـ العائلة من رفحاء وهم محتاجين

فـ الفقر ليس عيباً


لذلك لابد من معرفة حالة هذه العائلة لدى الجمعية الخيريه ولدى رجال الخير


حتى يتمكنوا من مساعدتهم

وايضا يوجد لجنة رعاية الأيتام من المفترض أن يكونون اولادها مسجلين عندهم


ومن المعلوم إن كذا شخص يريد كفالة ايتام ولكن لم يجد أحد لدى هذه اللجنة


لإن جميع المنتسبين تمت كفالتهم من فاعلين خير



وخادم الحرمين الشريفين جعل عمره طويل ماقصر مع الايتام والارامل



وعسى الله ان يفرج كرب هذه العائلة وجميع العوائل المحتاجه




اخوك يونس بن رعد الربع

[عقارب]

الله يعطيك العافية اختى بنت النشاما


على نتسيق القصة

[النشمي عناد]

تباً لأقلاماً لاتنقل هموم هؤلاء ... ألف شكر لك ... وأطال الله بعمر المليك .

نرجو أن يتم التواصل معهم عبر أختنا أو أحد الأعضاء الأفاضل ... كلاً بما تجود فيه نفسه .


س / شاركنا بنسبة من رواتباً لليتيم في رفحاء ... أين هم وأين ماندفعه لهؤلاء ؟

س / أين الجمعيه الخيريه ومن يتبرعون ويحبون الخير ؟


س / أين خطيب مسجدهم من هؤلاء ؟
أنا أرغب بفتح باب التبرع لهؤلاء ... بما أستطيع

وأرغب أن أترك للأبناء كرت عند أحد محلات الخياطه الرجاليه قبل بدا الدراسه ...

فمن .... بعدي ؟؟ .

[شمشون]

اقسم بالله
اني برمضان ادور واسأل عن هالاسر
لكن والله مالقيت
الي يمشيله شون وتقاعد
واللي يمشي له شون واجارات
واللي واللي
والمشكلة الناس ماعنده عفه الوقت هذا
لو انه ماهو محتاج
اما المحتاجين
ماتلقاهم ولا تسمع بهم

[ابو متعب]

الله يرزقهم من واسع فضله

[ابومحمدالزوبعي]

يعطيك العافيه بنت النشاما

الله يطول لنا عمر ابومتعب على الطاعه
كثير من الأسر الفقيره المتعففه في محافظة رفحاء
قبل الضمان الإجتماعي تعاني الأمرين

[المحقق كونان]

بسم الله الرحمن الرحيم

بنت النشاما شكرا لكي ولحسك الانساني

واعتقد سواء كان المبلغ 4000 ولا 4000000

حق من حقوقهم والشكر لله 0

[بنت النشاما]

شكرا لكل من رد على الموضوع
وأخص بالشكر النشمي عناد
على شهامته وتبرعه
بالثياب الرجاليه لهم شكرا لك

[ماوكلي]

الله يعطيك العافيه اختي بنت النشاما ويجزاك خير
قصه جميله توضح حال بعض العوايل
ولكن عندي سوال
القصه من تاليفك والا هي حقيقيه
لان الخاتم الذهب مستحيل يكون بخمسين ريال
وانتم تعرفون ان غرام الذهب في وقت رمضان تقريبا كان بميه ريال
ومستحيل الخاتم يكون نص غرام
والله يجزاك خير
ويطول بعمر ابو متعب حبيب الشعب