[poet font="Simplified Arabic,4,darkblue,normal,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
المراجل .. والنقا .. والطيب .. وسلوم القبيله
هي طموحي ياطموحي بالعمـر اول وتالـي
الهوى لك ياعريبه مـن خفوقـي سلسبيلـه
اشربيني وسكبيني .. عاشقك قلبـه خيالـي
عاشقـك مثـل كلُيب..وتضحياتـه للجليلـه
ابـدويٍ مايحـب الكبـر وسلـوب التعالـي
الخفيفه من حمولـه شالهـا عقـب الثقيلـه
قد تعود..من صغر سنـه يشيلـك يالثقالـي
كلمتك تجرح وقلب المسلـم الناضـج دليلـه
درستنـي ياعريبـه مدرسـة سـود اليالـي
تحسبين ان كل شخصٍ لاطلب شيـن يجيلـه
بنت نعمه مانلومك عايشـه عيشـة دلالـي
ولا انا يابنت مثلي عزتي لـه عزتـي لـه
عزتي للي حموله لاصغرت مثـل الجبالـي
ان ضحك قلبه يجامل... ما شكا حر المليلـه
شاربٍ مر الحياة .. وشرّبك يابنـت حالـي
في زمانٍ ما يقـدر وقفـة الخـل ال خليلـه
كل عاشق بانين حلمه على جـرفٍ هيالـي
نزوةٍ في وسط صـدره نـزوةٍ دايـم تجيلـه
ان رفعها مار فعها عن حـدودك يالخمالـي
بس انا يابنت غير الناس عشـاق الاصيلـه
عاشقٍ يجزي الجزيلـه ياعريبـه بالجزالـي
شاعرك ان شال صوت وعتزا بسـم القبيلـه
من سعاطير الشجاعـه طوحولـه بالعقالـي
[/poet]