مستحيل نقرأ أي عقد نوقع وبس



من مكتب عقاري او من بنك او من اي محل استقدام ولا غيره



ليه توقع على شي انت ما تدري وش مكتوب فيه بالضبط ولا الدعوه تخليص ورق بسرعه



لازم ننتبه من الي نوقع عليه



??







الرجاء قبل ما توقع العقد اقرأه

وخذه معاك البيت واقرأه على رواقه





كنت استقدم الشغالات من مكاتب في الدمام

وللأسف هالمره قلت بأجرب مكاتب الجبيل



تقدمت للمكتب ودفعت الفلوس ووقعت العقد مثلي مثل اغلب الناس

اللي نوقع وثقتنا كبيره في الناس













وصلت الشغالة بعد خمس شهور

قلنا لعله خير

والخيرة فيما اختارها الله





بعد أسبوع قالت الشغاله : ابغي أسافر

قلت : معصي

ولمن اصرت وديتها المكتب وأدبوها



الأسبوع الثاني جاني اتصال في العمل من البيت

الحق الشغاله هربت

قلت في جهنم وبأس المصير



بعد ألغدا استأذنت من رئيسي في العمل

ورحت شرطة الجبيل ابغي أسوي بلاغ

وصلت الشرطة وقلت لهم الموضوع



قال لي واحد منهم روح تحت الدرج يمكن تشوف شغالتك

وفعلاً لقيتها منسدحه مع شلتها الشغالات ومبسوطة
أخذتها للمكتب وعلمتهم السالفة انها شردت وصادوها الشرطة



قال لي السوداني : سفرها على حسابك وجيب لنا تأشيرة الخروج

على حسابي يالظالم !!! اجل وين الضمان الثلاثة شهور

قال : أنت موقع ( عقد )







أمنا بالله

وسفرتها على حسابي

وجبت للسوداني ورقة الخروج



قال لي ادفع 1800 ريال
قلت له : خير ان شاء الله .. ليه ؟

قال : انت موقع ( عقد )





12- في حالة رفض العمل خلال فترة الضمان يدفع الطرف الثاني 1800 ريال مقابل البديل



بصراحة حسيت خلالها اني استأهل اللي صار لي

بس ما توقعت ان فيه ناس تستغل طيبتنا





ومن زود قهري

رحت للأماره شكاااي

وللأسف ماحولك احد





يمكن تقولون عني غبي

لأني رحت للسوداني وقلت له عطني ورقة التأشيره

وماعاد ابغى منكم شئ



الله لا يسامحكم لا دنيا ولا آخره










يوجد صور من العقد


الى متى ينصبون علينا مكاتب الاستقدام


منقول من ايميل للفائده