رفحاوي مجهول في البحرين (***)

**أبو هيا** · 04 Nov 2009, 04:37 PM

مساكم الله بالخير يالرفحاويين ويالرفحاويات

قبل كم يوم كنت في زياره لصديق عزيز في البحرين وانا في طور البحث عن منزله في المحرق لفت نظري وجود محل بأسم مدينتنا الغاليه..للأسف المحل شك وتطريز واشياء اخرى..واقول للأسف لأنني لم استطع شراء اي شئ دعما لأسم الغاليه رفحا..يعلم الله لو كان سوبرماركت او اي شئ آخر((ماعدا سوق الذهب

)) كان حملنا بخياش منه..

بصراحه حبيت استفسر كيف وليش سما رفحا..لكن من يوم شفت ان اللي في المحل اجنبي وانا مستعجل اساسا قلت خلها بعدين..وهذي دعوه للرفحاويات المغتربات في المنطقه الشرقيه في الرياض والشرقيه انهم لايشترون الا منه..

طبعا العنوان مو المقصود فيه زميلنا رفحاوي..انا اقصد انه شخص اكيد انه يحب رفحا..وانا اقول التوضيح هذا لأني تذكر البدوي اللي مضيع حوار من ابله وسمع في التلفزيون ان فيه حوار بين ليبيا ومصر..قال ول عطاك القوم متى امداك تاصل ليبيا..لذا جرى التنويه وحتى بعد لايزعل علينا ابوركبه المملوح ويرفع قضية تشهير..

بما اني كتبت موضوع احب اني اقول للأخت اقصر طويله الحمدلله على سلامتك ويعلم الله اني فرحت لما قرأت موضوعك اللي اعلنتي في رجوعك بالسلامه..

تحياتي لكم

**ابومحمدالزوبعي** · 04 Nov 2009, 04:57 PM

أكيد صاحب هذا لمحل من أهل رفحاء أو ربما كان من العاملين في التابلاين قديماً
لكن محل شك وتطريز ! يمكن النفنوف الي جابه الأخ رفحاوي منه ههههههههههه

يعطيك العافيه أخي حمود18 والحمد لله على السلامه

**أبو هيا** · 04 Nov 2009, 06:10 PM

المشاركة الأصلية كتبت بواسطة ابومحمدالزوبعي

أكيد صاحب هذا لمحل من أهل رفحاء أو ربما كان من العاملين في التابلاين قديماً
لكن محل شك وتطريز ! يمكن النفنوف الي جابه الأخ رفحاوي منه ههههههههههه

يعطيك العافيه أخي حمود18 والحمد لله على السلامه

هلا بك ابو محمد..

اكيد كذا..الا اذا اسم رفحا تراديشتال عندهم

**سرداب** · 04 Nov 2009, 08:13 PM

المحرق بعيده شوي أخ حمود
لو كان المحل في شارع المعارض
أضمن لك ان الكثيرين سيزورون المحل
دمت بخير

**عروووبة** · 04 Nov 2009, 11:35 PM

عرفت راعي المحل ليكون * العناء *

خابرتها تبي تفتح دكاان

بحق ماقالتلي . . . . .

عودا حميد

**رفحاوي** · 05 Nov 2009, 12:19 AM

مساء النور وخبز التنور مع الفطور ...
الحمد لله على عودتك الحميدة إن شاء الله ...
ليتك سألت صاحب المحل عن سبب التسمية ...
صراحة صيدة حلوة يا أبا هيا ...
أضحك الله سنك وسن أخي أ[و محمد ...

**شمـــاليه** · 05 Nov 2009, 02:46 PM

مساءك خير ..
حقيقه شيء ملفت وارجح راي عروبه يمكن العنا
وووووووووين العنا تجي تقولنا
يعطيك العافيه

**أبو هيا** · 05 Nov 2009, 05:08 PM

المشاركة الأصلية كتبت بواسطة سرداب

المحرق بعيده شوي أخ حمود
لو كان المحل في شارع المعارض
أضمن لك ان الكثيرين سيزورون المحل
دمت بخير

واذا كانت النفوس عظاما
تعبت من مرادها الاجسام

اعجبن هالبيت ياسرداب..

صدقت الله يهديهم لكن النوعيات هذي ماراح تلقاهم في مكان محترم مثل منتدى رفحا

**أبو هيا** · 05 Nov 2009, 05:11 PM

المشاركة الأصلية كتبت بواسطة عروووبة

عرفت راعي المحل ليكون * العناء *

خابرتها تبي تفتح دكاان

بحق ماقالتلي . . . . .

عودا حميد

والله احتمال كبير هذا

عروبه..هالحين ام سعيد وش تصير لجدو

**أبو هيا** · 05 Nov 2009, 05:28 PM

المشاركة الأصلية كتبت بواسطة رفحاوي

مساء النور وخبز التنور مع الفطور ...
الحمد لله على عودتك الحميدة إن شاء الله ...
ليتك سألت صاحب المحل عن سبب التسمية ...
صراحة صيدة حلوة يا أبا هيا ...
أضحك الله سنك وسن أخي أ[و محمد ...

ههههههههههههههههههههه
ههههههههههههههههههههه

اسعد الله قلبك واضحك الله سنك ايها المملوح ابو كوع <<< مليت من ابو ركبه

والله ما امداني لكن اوعدك الا اجيب علومه..هذا انسان وفي...

شكرا ايها الرفحاوي الانيق <<< لاتستانس مو انت راعي المحل المقصود

رفحاوي..انا قرأت ردك علي بسالفة الذود المدعوس برحولهن وراعيهن..صدقني ان كلامك منطقي بسبب انتفاخ بطونهن لكن ضربة القزاز ماتعطي مجال للمناقشه لكن انت عنيد ودب وماتطيع..

على العموم انا اراهنتك من خروف مندي تطلبه من غوزي والحساب علي اذا فيهن فاطسه قبل لايطل عليهن المجرم راعي التريله..

<<< انقهرت حضري من الرياض يناقش بدوي من رفحا نيشن

**أبو هيا** · 05 Nov 2009, 05:37 PM

المشاركة الأصلية كتبت بواسطة شمـــاليه

مساءك خير ..
حقيقه شيء ملفت وارجح راي عروبه يمكن العنا
وووووووووين العنا تجي تقولنا
يعطيك العافيه

ماشاء الله..
اجل تردين على مواضيع المواطنين طال عمرك

الله يعافيك ياشماليه وشكرا لك وننتظر العنا ونبلغها من الآن اننا مستعدين نعوضها عن خسائرها ان كانت خسرانه لاسمح الله..<< نقول لاسمح الله علشان نفتك من التعويض..وبعدين وش هالخساره..مكينة سنجر وتأشيره هندي والسلام

**شمـــاليه** · 05 Nov 2009, 06:43 PM

المشاركة الأصلية كتبت بواسطة hmoud18

ماشاء الله..
اجل تردين على مواضيع المواطنين طال عمرك

الله يعافيك ياشماليه وشكرا لك وننتظر العنا ونبلغها من الآن اننا مستعدين نعوضها عن خسائرها ان كانت خسرانه لاسمح الله..<< نقول لاسمح الله علشان نفتك من التعويض..وبعدين وش هالخساره..مكينة سنجر وتأشيره هندي والسلام

شايف كيف التواضع

**أبو هيا** · 05 Nov 2009, 07:18 PM

المشاركة الأصلية كتبت بواسطة شمـــاليه

شايف كيف التواضع

يارب ثّبتني على الحق والدين
.......// وادمح لي الزلاّت واقبل سؤالي
يامنّزل الفرقان والنور والتين
......... // إغفر ذنوبي ياعظيم الجلالي

لـ شماليه

اللهم آمين

**همّام** · 05 Nov 2009, 08:24 PM

الحمد لله على سلامة العودة أخي الحبيب
ومن طول الغيبات جاب الغنمات
صيد سمين أخوي حمود

هناك عائلة كانت في رفحاء وهي عائلة سعد بن دينه
قد يكون منهم أيضا
أو مثل محلات الفلوجه عدنا برفحاء .. أقصد موقف وتعاطف .. أو شيء خاص

ولك الشكر عزيزي

**أبو هيا** · 05 Nov 2009, 08:37 PM

المشاركة الأصلية كتبت بواسطة همّام

الحمد لله على سلامة العودة أخي الحبيب
ومن طول الغيبات جاب الغنمات
صيد سمين أخوي حمود

هناك عائلة كانت في رفحاء وهي عائلة سعد بن دينه
قد يكون منهم أيضا
أو مثل محلات الفلوجه عدنا برفحاء .. أقصد موقف وتعاطف .. أو شيء خاص

ولك الشكر عزيزي

سعد بن دينه؟

عائله وبحرينيه وفي رفحا؟

ونعم فيهم
ماشاء الله عليك ياهمام هذي بصراحه معلومه جديده اشكرك عليها<<< طلعوا الشيبان

اما الفلوجه نتمنى انهم مايتعاطفون معنا مثلها ان شاءالله..

ويوم الله جابك ياهمام وجمعنا في هالمكان المبارك اتمنى انكم تغيرون اسمي الى ابو هيا بدل حمود18 لأن بعض الاعضاء الله يهديهم يحرجوني لما يقولون لي حمودي يحسبون ان رقم 1 يعني آي بالانجلش وهم معذورين لأنهم شيبان والشوف شجر

آخر المشاركات

الموضوع: رفحاوي مجهول في البحرين (***)

أدوات الموضوع

تقييم هذا الموضوع

عرض

رفحاوي مجهول في البحرين (***)

مواقع النشر (المفضلة)

مواقع النشر (المفضلة)

ضوابط المشاركة