قصة شرطوخ.. الحوت الأحول.. اللي باله طويل.. واللي باله مو طويل برضه .. يدخل..

**المرجوجه** · 11 Sep 2003, 01:56 AM

السلالالالالالالالالالالام.....
شخباركم..؟؟؟ ان شاء الله تمام..؟؟؟
اليوم .. قررت أهبلكم شوي.. وأقص لكم قصتي مع اخوي...

شوفوا يا حلوين ..
ذاك اليوم جاني واحد من خواني وقال انتي يا الرجه قولي لي قصه ...
طبعا انا ورطت.. ماعندي سالفه ..
قلت أألف له قصه أرجه فيها ..
قلت له .. بقول لك قصة شرطوخ.. الحوت الأحول..!!!
طبعا اخوي تنح.. وعيونه صارت كبر الصاله.. مين شرطوخ هذا...؟؟؟؟ لا وحوت وأحول...!!
ماعلينا..
قلت له انت ما عليك الا انك تسمع.. واذا فيه استفسار اسأل.. وأنا أخترع لك الاجابه زي ما اخترعت لك القصه.. (( فاضيه يومها .. وقاعدة له )) ..

المهم ..
قلت له .. كان الحوت شرطوخ .. يتمشى .. يتمشى .. يتمشى في البحر.... ما لقيته الا ناط وقال حوت يتمشى ...!!! الحوت وبالبحر.. يسبح..!! قلت أمري لله .. صحيح .. ولا تزعل.. كان شرطوخ يسبح .. بالبحر.. فجأه جاته السمكه سلطعونه .. (( الأسماء رايحه فيها .. معليه .. مالقيت لها اسم غير كذه... )) كانت سلطعونه سمكة منشار زي اللي تجي بالكرتون .. راسها زي المنشار.. (( شسوي رجه و24ساعه مقابله الكرتون .. )) المهم .. هذي السمكه تصير جارتهم.. بيتهم الجدار بالجدار..
جاته ركض... بعدين انتبهت وقلت .. أوووووووووووبس.. أقصد جاته سباحه.. وقالت له أبوك يبيك بسرررررررررررعه
وراحت وقالت له الحقني..

المهم هو مستعجل بيروح له الا وفي سفينه كبيرررررررررررررره ومرساتها بالرمل والأخ طااااااير وما انتبه لها .. وطعععععععععععععععععععع صدم فيها...

طبعا هنا اخوي

قال .. مرجوجه... انتي شايفتني عمري خمس سنين والمصاصه بفمي..!!!! أي حوت اللي يسبح عند المرساه تحت..!! لا وصدم فيها .. !! كان راحت فيها السفينه!!.. انا هنا ورطت . وما لقيت لها حل.. قمت طنشته وقلت له .. مو مهم هذي عديها.. اللي جاي ألعن .. ركز معاي .. ولا تقاطعني .. واحنا بخير...

سلم أمره .. وقال اوكي.. عديناها.. كملي .. ونشوف آخرتها..
قلت له نتيجة الصدمه هذي حولت عيون شرطوخ.. وصار شرطوخ الأحول.. .. قال الحوت أصلا عيونه كل وحده بجنب شلون صار أحول..؟؟؟؟؟؟؟؟؟؟؟؟

طنشته وقلت ماعليناااااااا... سكت.. (( والله اني جننته بس هو الغلطان .. أحد قاله يجي برجوله ويقول أبي قصه..؟؟؟ )) المهم .. قلت له يوم حولت عيونه ضيع الطريق..!! وجاته سلطعونه مره ثانيه .. وقلت له::: ويييييينك؟؟؟؟ يوم طلعت بعيونه قالت انت مو شرطوخ نات واحد ثاني .. شرطوخ مو أحول...!!!!!!!

قالها الا انا شرطوخ حتى شوفي الوشم حقي..!.!!!!!!!!!!!!!! طبعا اخوي هنا قال.. مرجووووووووووووووجه بس عاد .. خلالالالالاص وصلت حدي...!!! وشم على حوت وبالبحر..!!!!

احم.. احم.. احم .. .

من وين أجيب لها صرفه هذي الحين... . .
ايه .. أصلا انت ما تدري..
يوم ان شرطوخ صغير باللفه .. كان في سفينه صادته وخذته وربوه الناس اللي لقوه .. ويوم صار كبير على مسبحهم .. حطوا له وشم ورموه مكان ما لقوه .. لا والرافعه اللي رفعوه فيها وهو باللفه حاولت سلطعونه تنشرها بمنشارها.. فانكسر لأنها حديد... ويوم رجع سلطعونه عرفته وودته لأبوه.. وكانت أمه ماتت وقتها..... احم.. احم... ((( فرحانه .. لفقتها له .. )))
اخوي قال.. . حوت وباللفه .. ومسبح بعد... !!!!!
قلت له انت ايش فهمك بالأشياء هذي...
اسمع .. بس اسمع..
المهم شافت الوشم وقالت ايه والله هذا انت.. تعال لأبوك يشوف لك حل...
وراحوا له .. هذاك برضه تنح.. وانت ومو انت .. لين صدق..
وقاله يالدي يا حبيبي بسوي لك search على النت .. وان شاء الله ألقى لك دكتور حوتات (( جمع حوت.. ما عرفت أجمعها له شسوي..

)) يسوي لك عملية عيونك وتتسنع ..
طبعا اخوي ماتكلم.. لأنه يأس.. وانا هنا خذت راحتي يوم شفته ساكت .. قلت فرصه.. أقول اللي أبيه ومافي أحد يورطني...

ماعلينا.....
قلت له قالت سلطعونه .. خلاص ولدي سلط لط .. اسمه كذه.. سَلَطْ لَطْ .. يالله بالحركات بعد ..
المهم .. سلط لط .. في نفس عمر شرطوخ .. ومعاه بالمدرسه .. خليه يروح ويجي معاك عشان ما تتوه.. (( ما أدري ايش دخل الحول بأنه معد يعرف طريقه .. بس معليه .. خذوني على قد عقلي.. )) .. المهم ..

راح مع سلط لط المدرسه .. ويوم الأبو يسوي search بالنت لقى دكتور تحفة .. وأرسل سلطعونه تجيب شرطوخ من المدرسه .. راحت له .. ومارضى المدرس يطلعه .. قال لها عنده quiz وانتي جايه تطلعينه لأنه مو مذاكر .. وماخلاها تاخذه.. وراحت تنتظره بره لين يخلص.. بعد الــ quiz .. انحاش هو وسلط لط من المدرسه .. ونطوا سور المدرسه.. (( كيفي مدرسه وبالبحر .. ولها سور .. عاااااادي جدا.. ماجات على هذي يعني ..

))
راحوا من مقهى لمقهى.. وسوالف وضحك.. وبعدين وهم راجعين البيت .. في الطريق جات سفينه برضه .. ونزلت الشبكه حقتها عشان تصيد شرطوخ .. ورمت الشبكه فعلا.. وصادته فيها .. وما صادت سلط لط لأنهم خير شر ماشافوه.. وبعدين صغير على الشبكه.. وبعدين ما يبونه .. وبعدينه القصه عن شرطوخ.. ماهي عن سلط لط!!!! ..
طار سلط لط ينادي ابو شرطوخ... هذاك جن جنونه .. ابني حبيبي.. إهئ إهئ إهئ.. طبعا انتوا تتسائلون ليه ما تحرك وقام شاف له حل......
لأنه مشلووووووووول... هنا اخوي كان بيموتني...

قال حرااااام عليك جننتيني ورجيتيني الله يرجك.. حوت ومشلول...!!! طيب شلون بحث بالنت وهو مشلول ومايتحرك.. (( ينقاله صادني.. ))
سكت وبعدين قلت له .. جات على هذي
.....؟؟؟ الحين صدقت انه عندي كمبيوتر.. وما صدقت انه بحث وهو مشلول...!!!!!
عديها يا قلبي زي غيرها...

ماااااعلينااااااااااااا
قلت له هو انشل يوم خطفوا شرطوخ المره الأولى.. وقلت له لعلمك عاد .. السفيه اللي خطفته أول .. واللي سببت له حول.. واللي خطفته الحين .. هي نفس االسفينه ... (( والله صابر علي اخوي .. وانتوا بعد صابرين علي.. ))
أدري طالت السالفه .. خلاص الحين بتنتهي القصه ..
هونوها وتهون ..

المهم أبو شرطوخ من خوفه على ولده.. انفكت عقدته وحالته . . وصار مو مشلول.. وسبح طيراااااااان.. لين وصل لولده وصدم السفينه .. وطاحت الشبكه عنه .. وحضنه .. وقاله ابني حبيبي.. وهذاك قاله بابا.. انت مشيت.. قصدي .. سبحت .. قاله لقيت له دكتور يا ضناياااااااااااا .. (( طلع مصري هذا..

))
ماعلينا...
المهم.. وسوا شرطوخ العمليه . رجع طبيبي وصار شرطوخ الحوت اللي موأحول.. وانتهت ..
وتوته توته خلصت الحدوته.....

أدري.. تقولون الحمدلله .. أخيرا .. زي ماقال أخوي..
وندم.. أشد الندم لأنه جاني برجوله وقال قولي لي قصه...

وبسسسسسسسس
طولت عليكم أدري...
يعطيكم العافيه ............
سلالالالالالالالالالالالالالالالالالالالالالالالال الالالالالالالام

المرجوجه.....

**الدب الداشر** · 11 Sep 2003, 03:40 AM

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

حجيه مرجوجه والله ثلاث مراات اكتب ردوود طويله وبعدين امسحهاا واعدل فيهاا
إلين تووصلت إلى الرد الأخير

توووني تأكدت انك إلى الآن على رجتك سااابقا"
وانه مااازاال ماالك علالالاج

وان شااء الله ابي اكتب لكم قصة معانااة رفحاووي يوم انه صغير مع القصص
كان رفحااوي يجيه واحد يقوول له القصه ويجوم اربعه يفهموونه القصه

THE END

CAST
الدب الدااشر

**المرجوجه** · 11 Sep 2003, 12:01 PM

هلا فيك اخوي الدب الداشر..
من ناحية العلاج.. تعبوا أهلي .. ومافي فايده فيني..

والحمدلله انك صبرت على القصه ... وطولت بالك على الأرانب اللي كنت أقولها بقصتي...

أشكر لك مرورك.. ويعطيك العافيه ............

**ابو شنب** · 12 Sep 2003, 02:05 AM

ههههههههههههههههه هههههههههههه ههههههههههههه

ماشاء الله عليك

يابعد قصص رفحاوي اللي من تريترا وجاي

**حنين الماضي** · 12 Sep 2003, 04:15 AM

لووووووووووووووووووووووووووووووووول مرجوجه والله انتس على رجتي إلى الحين
ههههههههههههههههههههههههههه
قعدت اضحك إلين تفتقت ضلوعي

**المرجوجه** · 12 Sep 2003, 04:24 AM

هلا فيك اخوي ابو شنب..
ان شاء الله تكون عجبتك قصتي...

أشكرلك مرورك وتعليقك......

**رفحاوي** · 12 Sep 2003, 01:06 PM

غريبة اني ما سجلت اعجابي باسلوب اختي الغير مرجوجة وخيالها الخصب ...
ما شاء الله عليها ...

ابو شنب ...

محد يعرف تريترا هالايام
الناس تطورت وصارت تعرف البس والفار وابو ذنيب وافلام كرتون جديدة ماعرف اساميه بالضبط ...
بعدين تعال كم مرة قلت لك خل شاربك الايسر يصفر؟!!
ليه اقعدته؟!!

**المرجوجه** · 13 Sep 2003, 02:27 AM

هلا فيك اخوي رفحاوي..
احم.. خيالي الخصب.. أخاف قصدك .. أرانبي ..

...

**المزيونه** · 17 Sep 2003, 09:02 PM

اسلوب قصصي ممتاز

والله يعين اخوك

وعساه يتشجع ويكون قلبه قوي ويجي يقول لك قصي لي قصه

حتى نستمتع بقصصك

لووووووووووووووووووووووووووول

**الحلوه أم قصه** · 17 Sep 2003, 09:45 PM

لوووووووووووووووول المرجوجه القصه هذي بتطلع عيووووووووووني

ما في فايده صدقيني تراها حلوه بس ناقصها شئ لازم تحاولين تشوفين لك ممثلين يمثلون القصه

وانا مستعده اشااارك في التمثيل اختاري الاعضاء من المنتدى شوفي عاد مين يلعب دور البطوله

ما اتوقع انه فيه احد احسن مني هنااااا وانتي صيري المخرجه حقتناااا

عاد وشوفي نفسك علينااا

واذا نجح العمل عاد انتي وشطارتك لازم تألفين لنا قصه جديده

تحياتي لك معك قصتك الرجه اللي مثلك لووووووووووووووووووووول

**المرجوجه** · 18 Sep 2003, 07:20 AM

هلا المزيونه...
أبشرك .. أخوي من يومها.. كره نفسه .. معد يجي يقول قولي قصه والا سولفي...
شكله تعقد ..

...

أم قصه ..
الله يهديك بس الناس خالصين منها قصه .. بعد .. تبين تمثلينها..
عموما.. خذي دور البطوله .. والا ودك تكونين سلطعونه ..؟؟؟

آخر المشاركات

الموضوع: قصة شرطوخ.. الحوت الأحول.. اللي باله طويل.. واللي باله مو طويل برضه .. يدخل..

أدوات الموضوع

تقييم هذا الموضوع

عرض

قصة شرطوخ.. الحوت الأحول.. اللي باله طويل.. واللي باله مو طويل برضه .. يدخل..

السلااااااااااااااااااام

مواقع النشر (المفضلة)

مواقع النشر (المفضلة)

ضوابط المشاركة