*,*~.·°¯`·.))خبــر زيادة اسعار البانزين [ واللي يبي ينكمش لايقرب(( .·`¯°·.~*,*

[عروووبة]

أنا احوليت يرجاله

عندما قراءة موضوعين كل واحد في اتجاه
تخيلت إني منزلتهم في موضوعين مختلفين

هنا عمو عز الخوي
ماراح يستقعد
إلا يسحب الكلاشنكوف من تحت المرتبة

.
.
اختلط على وتضارب
البطين الأيمن مع الأيسر
<<< هنووو هذولي بالقلب ارتفعي فوق

قصدي تضارب المخ مع المخيخ
.
.
الخبــــــــر الأول
سأقول لكم . . . . .
ألطمو

البانزين يبي يرتفع والمصدر مجهول وملزم أن الخبر صحيح . . لقطته من الساحات
وكلن يولم ورقته وقلمه

يالله حاسة انه يبي يرجع زمن الصورة


ويبداء يحسب
لاتقولون حسابه ولا نحسب بالجوال
لالا
هذا كله صرف ماله داعي
ثمن تعال اشحن الجوال بالكهربا
والعداد شغال
والخمسة بالمية يعل ماتحدر




المهــــــم. .

الخبــــــر الثاني
دعوة لعمل البر بالعيد وخاصة بالشتاء
يقول صاحب الدعوة




اقرءوه تراه أطيب ما بالموضوع

1 -كلنا كان يعاني من البرد القارس في الرياض الايام الماضية وكنت الاحظ ان العمالة التي تغسل السيارات في الشارع يغسلونها وأيديهم عاريه في هذا البرد القاسي
فذهبت الى محل لمواد البناء وأشتريت درزن من القفازات ذات الأكمام الطويلة وهي من البلاستيك السميك ( كلها الدرزن تكلف 30 ريال فقط ) ثم قمت بالمرور على اللي يغسلون السيارات وأعطيتهم القفازات فوجدت منهم القبول والرضى بل وكانوا يدعون لي بعدما أحسوا منها بالدفئ وكان بعضهم مستغرب من فعلي هذا ثم لما فهم انها لوجه الله دعى لي وكنت بعدها ارى بعضهم يرتديها وهو يغسل السيارات فلا تتصورون الأحساس الذي كنت احس فيه


2 -قبل العيد ذهبت الى محلات ابو ريالين واشتريت كمية من الأطياب سعر الطيب 5 ريال فقط مغلف وفي علبة جميلة ورائحته طيبة وقمت بتوزيعه على عمال النظافة - البلدية - في الشارع قبل العيد بعد معانقتهم واخبرتهم انهم وان كانوا بعيدين عن اهلهم فنحن اهلهم واخوانهم في الدين فرأيت في اعينهم معاني لن تصفها لوحة المفاتيح مهما حاولت..!! فالحمد لله الذي تتم بنعمته الصالحات

3 - الشتاء عل الابواب اذهب لمحل جملة واشتر مجموعة من الشالات والقفازات ووزعها على عمال النظافة فهم في اشد الحاجة وراتبهم ضئيل جداً ويتأخر احياناً ..

4 - حــدد لك يوم في الأسبـوع في الصبــاح وانت رايح للــدوام مرلك ع اقرب بوفيه وخذ لك مجموعه سآندويشتات ووزعها ع العماله الي تصادفهــم قال رسول الله صلى الله عليه وسلم: في كل ذات كبد رطبة أجر متفق عليه ..

انتهى الخبر الثاني
.
.
منين يبي يرتفع البانزين وتصكنا أم الركب من الخبر
ومنين نبي نعبي بانزين حتى نسعى بالخير ويمدينا نروح لأبو ريالين
وندور العمالة

يعني حاطة فاصل يركض على الورد تبي تزرع التفائل
.
لكن الرابط بينهن شي
إن الصدقة من الراتب تزيد من بركته

ادري والله العظيم
إنكم مانتم ناقصين نصايح وتوجيه

لكن . . هي مطبلة مطبلة
الكهربا + وفواتير جوال + وطلبات مدارس + وأغراض بيت + ومصاريف خارجية ( استراحة وعزايم أم العيال ) + والولد مريض والمستشفى الحكومي يقول دور العلاج برى + والخاص فاتح افمه +والغسال يبي + والسيارة تبي + والبنك لا ربحهم ربي بالحرام يبون = (( لاو الله ألا أعرستم <<< سودتيها

المهم
اربطوا الجاش
وتحملوا هذي الدنيا
مسودينها فوق ماهي سودا

والسواد الأعظم يوم يدرون أربيعنا
حقين المواد الغذائية <<< ياإننا راح نذكر جبن البقرات الثلاث ذكر . .
ويدور الحوار بين شمالية وعروبة

شمالية : عرووبة تذكرين البقرة الضاحكة
عرووبة : الزرقاء
شمالية : وش زرقاو .. حمرا حمرا .. شكل الزهايمر لاعب فيك
عرووبة :إيه إيه تذكرته .. لاباش كيري
شمالية : لبش عدوك الشر لفاش وش لباش
عرووبة : شو دراني تسأليني عن شي قبل خمسين سنة
أنا عشاي البارح مادرى وشو
شمالية : تعشينا همبرقر من رمش . . ..>> منين مهن عارفات الجبن وتعشن همبرقر



وادعيلكم من كل قلب يسهل عليكم وييسر أموركم
ولا تنكمشون


ولا وصيكم جودوا ذهولي . . ترى القاع باردة
والرماتيز موذي


.
.
إيه يعيال عايد يانعنين
.
.
دمتم
فـــــ أمان الكريم ــــي
والله لايجيب الغلاء

[شامي الدهيمان]

عوافي يا عرووبة

وما كل ما يقال صحيح ياما وياما سمعنا من الآخبار وطلعه في شنغ والله يطول عمر ابو متعب

ما تحس بفرق الاسعار لما تطلع برا الحدود او تمر الاحساء او حفر الباطن يوم الخميس والجمعة وتحصل اهل الخليج يتسوقون عندنا


اما الفقرة الثانية

كما قال الحبيب عليه الصلاة والسلام (( ما نقص مال من صدقة ))

[عقارب]

يعطيك العافيه يا عروبه على الموضوع الشامل

لجميع ما قلتيه ما خليتى لنا شي نسوالف به بعدك

والله لا يهينك

[ريانه]

لحستي مخي ياعروبه
وش تقولين ؟
<< لاتلومونها ماتقهوت

[ابو متعب]

والله ياعروووووبة انك صادقة بكل ما قلتيهـ.....


والحمد لله حنّا أرخص من غيرنا والدليل البارح أهلـ الكويت بعقارية الحفر يتمقضون للعيد

[عروووبة]

عوافي يا عرووبة

وما كل ما يقال صحيح ياما وياما سمعنا من الآخبار وطلعه في شنغ والله يطول عمر ابو متعب

ما تحس بفرق الاسعار لما تطلع برا الحدود او تمر الاحساء او حفر الباطن يوم الخميس والجمعة وتحصل اهل الخليج يتسوقون عندنا


اما الفقرة الثانية

كما قال الحبيب عليه الصلاة والسلام (( ما نقص مال من صدقة ))

يعافيك الكريم
ماكل مايقال صحيح . . مو هنا المشكلة ؟؟ لأنه مسلم بالشي هذا

المصيبة إن مافيه دخان بلاء نار . .
والنار تبي بانزين
والبانزين عند ارامكو
وارامكوا تبي أفلوس
والفلوس عند العروس
والعروس تبي صندوق
والصندوق يبي مفتاح
والمفتاح عند الحداد
والحداد يبي
حطب والحطب يبيله نار
والنار تبي بانزين
.
.
<<< وش تقول هذي

شفت اخوي السلهومي
دارت دارت
وأخر شي رجعنا على مافيه دخان بلاء نار
.
.
أما فرق الأسعار ماحنا ملزمين باللي برى
لأن مثلا يقولون كرتون الطماطم بقطر 80 طيب كم رواتب أهل قطر
بدراسة أن أعلى دخل مواطن خليجي هو القطري
.
.
إلا الأسعار بارتفاع مذهل ووزارة التجارة معطيتها الأذن الصمخا
.
.
يعين ربك
الصدقة الصدقة
لعل الله يرحمنا برحمته
.
وحيااااك الكريم

[عروووبة]

يعطيك العافيه يا عروبه على الموضوع الشامل

لجميع ما قلتيه ما خليتى لنا شي نسوالف به بعدك

والله لا يهينك

لاهنت ولا هان غاليك
إضافات الأعضاء وتعليقاتهم
هي ماتجعل للموضوع روح

فحياكم الكريم

[عروووبة]

لحستي مخي ياعروبه
وش تقولين ؟
<< لاتلومونها ماتقهوت

إذا قرب الصبح
تجيك حالة غياب وعي
فأجد المنتدى فاتح ذراعيه

ويقول : مافيش حاجة ياعروووبة أولي وربنا يحميك يابتي

فتلقيني ماصدق خبر
ولما أرجع أقراء الموضوع في فترات غير الصبح

أقول وش تقول هذي . . أنسى انه أنا
.
.
أحب أخربش وترى أحيان يكون ورى الموضوع أكثر من شي
واترك الحرية لكل شخص يفهم
اللي يبيه

هذا علم جديد اخترعته
أسمه . . خربشات بلا حدود . . وياعين لاتبكين
.
.
بدت تو الصبح ماجا

حياك .. ريونه

[عروووبة]

والله ياعروووووبة انك صادقة بكل ما قلتيهـ.....


والحمد لله حنّا أرخص من غيرنا والدليل البارح أهلـ الكويت بعقارية الحفر يتمقضون للعيد

صدقك ربك

وبعدين
وأنا أخت المصلين
ياعيال عايد يالنعنيين


يتمقضون بالحفر . . يزاحمونا على بنت الديك
هي دجاجة مجمدة من سنة جدي
.
.
لا والله ألا بلشنا
أقول الله يحفظهم وييسر لهم
ولا يجيب الغلاء
.
.
وحياااااك