قريباً جداً : مول تجاري برفحاء

[نـازف]

السلام عليكم ورحمة الله وكل عام وأنت بألف خير
أخبار مؤكدة ومصادر موثوقه تشير إلى قرب البدء بتنفيذ مشروع ترفيهي عبارة عن مجمع تجاري ( مول )
بمحافظتنا الحبيبة رفحاء يحتوي على محلات تجارية لماركات شهيره ومطاعم وترفيه عائلي للأطفال
وتشير ذات المصادر إلى أن المول مكون من ثلاث أدوار تعود ملكيته لمستثمره سعودية وقعت العقد مع الجهة المالكة للموقع
ولم يتبقى إلا وضع حجر الأساس للمشروع ومن ثم البدء في تنفيذه
وعمار يارفحاء

[ابو متعب]

وعليكم السلام......


الله يبشرك بالخير يا نازفــ

ابرك لنا ندوج بهالوغيدان وعمار يا رفحاء

[أبو هيا]

خبر ممتاز وياليت تفاصيل اكثر مثل الموقع والتوجه العام للسوق

[رفحاوي]

وعليكم السلام ورحمة الله وبركاته ...
وأنت بخير أخي نازف ...
أهم شيء السعر المناسب ...
شكراً لك ...

[ابومحمدالزوبعي]

وعليكم السلام ورحمة الله وبركاته
خبر مفرح جداً بارك الله فيك أخي نازف وكل عام وانت بخير

[عروووبة]

وعليكم السلااام ورحمة الله وبركاته
استعينوا على أعمالكم بالكتمان
.
.
ياخوف قلبي
يجيه ما جاء العثيم والمستشفى
والحكير إن كان الخبر صحيح
.
.
هم إذا حطوا الأساس
خلوهم يشتغلون بالليل
ويطفون الكهربا
حتى محد يفطن
.
.
الله يعين
ويكتب مافيه خير
وشكرا على الخبر

[نـازف]

أهلا بالجميع وبشركم الله بما هو خير منه
ابو هيا / بالنسبة للموقع بجوار قصر الثريا بأراضي نادي التضامن
جاري العزيز رفحاوي / الأسعار ماندري عنها لكن طبيعي لو كان المحل
لماركة شهيره فالأسعار غالية ولكن الجودة عاليه ومافي فرق يذكر
بين نصب اليمانيه والسوريين اللي بالعلاوي ع الأقل الغالي ثمنه فيه
عروبه / بالنسبه للمجمع هو تجاري وليس حكومي لذلك لاداع للقلق
لأن رؤس الموال والتجار حريصين لرضى العميل
ولد الطايع وأبو محمد شكراً لكم

[الدب الداشر]

ولو صرت راعي ماركات عقب هالعرس ..


خخخخخخخخخخخخخخخخخخخخ


وفقك الله حبيبي ..

[عروووبة]

فيه سالفة تقرقع لكن مو قادرة أقولها
خوف إن احد يتضرر خاصة العامل المسكين
.
.
لكن أبي أقولها والأجر على الله
.
.
محل فتح برفحاء في زمن من الأزمان <<< تمويه
والمحل هذا اسعااار رخيصة مرة مرة
المهم فجأة ارتفع أسعاره
سأله شخص يقربلي
وش جاك طرت مثل ربعك
تدري شو قال العامل
(( بابا هذا فيه محلات وناس يجي أنا . . يقول أنت لازم في غير أسعار ولا تشوف شي مو كويس ))

اللي مستغربه منه كيف صاحب المحل يرضى بالكلام هذا
أما إذا مأجر على العامل
فكيف يرضون يشاركون المسلم رزقه
.
.
شفت كيف صارت قوت العين والتلاعب بأرزاق الخلق
.
.
صراحة لو عندي خلفيه جيده عن الموضوع وصحة ماقاله العامل
كان سويت جنجان بالمنتدى
.
.
ليه الأرزاق بدينهم
وأنا اخت المصلين

[ماوكلي]

يا عريس عيدك مبارك وعساك بخير والله يبشرك بخير
المستثمر الله يسلمك يقولون محمد عبيد التومي
ودي انشدك
تهقاااوه يكمل المشوار او لا

[نـازف]

شكراً لمن مر من هنا
ماوكلي أبو باقيرا : في واحد كتب موضوع وقال نفس كلامك لكن مصادرنا تقول أن
المول ملكيته تعود لمستثمرة سعودية شهيره بعالم البزنس وليست تاجر مبتدئ
ليس لديه ميزانية تكفي لبناء مول من ثلاث أدوار والله أعلم

[رررعددد]

السلام عليكم ورحمه الله وبركاته
ولله فى خلقه شئون
عندى سؤال للاخ نازف بما أنك لديك مصادر موثوقه عن هذا المول أن تتحرى الدقه في ماتنقله بهذا المنتدى المعروف بنقل الاخبار الصحيحه والاكيده عموما
أفيدك / أولا بأن المستثمر / محمد عبيد التومى وفقه الله ويستاهل كل خير ابو أكرم
ثانيا المبنى من دورين وانا شاهدت التصميم عنده فى منزله قبل فتره
فأملى بالله وبك بنقل الاخبار لهذا المنتدى الاكيده لا حكى مجالس فاضيه
ولك تحياتى

[الدب الداشر]

شكرا ً لك نازف على الخبر ..

رررعددد .. ما ادري ليش معصب ؟


الرجال جاب الخبر اللي عنده وانت عصبت ؟

بارك الله فيه على الخبر الراائع ..

[رررعددد]

شكراً لمن مر من هنا
ماوكلي أبو باقيرا : في واحد كتب موضوع وقال نفس كلامك لكن مصادرنا تقول أن
المول ملكيته تعود لمستثمرة سعودية شهيره بعالم البزنس وليست تاجر مبتدئ
ليس لديه ميزانية تكفي لبناء مول من ثلاث أدوار والله أعلم

الدب الداشر ههههههههههه ليش حكمت على انى زعلان بالعكس انا حبيت اوضح الخبر لخوى نازف ولو لا حظت ماكتبه بكل صراحه حز فى خاطرى
بس تدرى الله يوفق الجميع

[نور الصباح]

يعطيك العافيه اخوي نازف
مول تجاري حتى لو دورين اذا بدو سلالم متحركه
ولفتات وحركات مولات
بيكلف كثير بالملايين يعني
الله يوفقهم