من روائع الحكم - قصيدة بركات الشريف ينصح ابنه مالك

[رفحاوي]

قصيدة رائعة جدا وتشمل كثيرا من النصائح والحكم والدعوة للاتصاف بالخصال الحسنة ... اهديها لاخي الغالي / هرطمان ولجميع الاخوة واتمنى ان يحوز اختياري على اعجابهم ...

[HR]

[poet font="Tahoma,3,black,bold,normal" bkcolor="transparent" bkimage="" border="double,4,chocolate" type=0 line=200% align=center use=ex length=0 char="" num="0,black" filter=""]
يامرقب بالصبح نطيت راقيك=ما واحد قبلى خبرته تعــلاك
وليت ياذا الدهر ما أكثر بلاويك=الله يزودنــا السلامه من اتلاك
يللى على العربان عمت شكاويك=وليت يا دهر الشقا ول مقواك
ولا يوم ها الكانون غاد شبـابيك=تلعب به الأرياح من كل شبـاك
يا مالك اسمع جابتى يوم أوصيك=واعرف ترى يابوك بآمرك وانهاك
وصية من والد طــــامع فيك=تسبق على الساقه لسانه لعلياك
أوصيك بالتقوى عسى الله يهديك=لهـــا وتدركها بتوفيق مولاك
الله بحق أجــدادك الغر يعطيك=مرضاته مع ما تمنيته أمنــاك
احفظ دبشك اللى عن الناس مغنيك=اللى إليا بأن الخلل فيك يرفـاك
واعرف ترى مكه ولاها بناخيـك=لو تشحذه خمسة ملاليم معطاك
اجعل دروب المرجلة من معانيك=واحذر تميل عن درجها بمرقاك
لاتنسدح عنها وتبغينى أعطيك=جميع ما يكفيك ما حاصل ذاك
أدب ولدك إن كان تبغيه يشفيك=واستسعفه من بعد مرباه بالاك
اما سمج واستسمجك عند شانيك=ويفر من فعله صديقك وشرواك
وإلا بعد جهله ترى هو بياذيــك=لو زعلت أمه لا تخليه يــالاك
واحذر تضيع كل من هو ذخر فيك=معروفه لاتنساه وأوفه عـرفاك
ترى الصنايع بين الأجواد تشريك=اليا طمعت بغرسهــا لا تعداك
واحذر سرور بغبة البحر يرميك=ولاعنده أفلس من تشكيك وأبكاك
واوف الرجال احقوقها قبل تاتيك=لا توفيه بالقول فالحق يقفــاك
وهرج النميمة والقفا لا يجى فيك=وإياك عرض الغافل إياى وإياك
تبدى حديث للمــلا فيه تشكيك=وتهيم عند الناس بالكذب واشراك
واليا نويت احذر تعلم بطــاريك=كم واحد تبغى به العرف وأغواك
واحذر شماتت صاحب لك مصافيك=واليا جرى لك جارى قال لـولاك
ولا تحسبن الله قطـــوع يخليك=ولاتفرح أن الله على الخلق بداك
الضيف قدم له من حين يلفيــك=مما تطوله يا فتى الجود يمنــاك
أكرم اقباله فإنها من شواديـــك=وابذل له المجهود مــادام يعناك
احذر تلقى الضيف مرقن علابيك=خله محب لك صديق إذا جــاك
وأوصيك زلات الصديق إن عثا فيك=مازال يغطاهـا الشعر فاحتمل ذاك
راعه ولو ما شفت انه يراعيــك=عساك تكسر نيته عن معـــاداك
واحذر عدوك لو ظهر بى يصافيك=خلك نبيه وراقبه وين ما جـــاك
لاتأمنه واطلب من الله ينجيـــك=ويكفيك ربك شـــر ذولا وذولاك
شفنى أنا يــا أبوك بآمرك وانهيك=عن التعرض بين الاثنين حــذراك
إذا حضرت أطلابه مع شرابيك=اسع لهم بالصلح واللاش يفداك
ابذل لهم بالـطيب ربك ينجيك=ولاتجضع الميزان مع ذا ولاذاك
أما الشهادة فأدها إن دعوا فيـك=بين عمود الدين لاعميت أريـاك
بالك تماشى واحد لك يرديــك=طالع بنى جنسك وفكر بممشاك
رابع أصيل فى زمانك يشـاكيك=لا شاف خملاتك عن الناس غطاك
وأحذرك عن طرد المقفى حذاريك=عليك بالمقبــل وترك إللى تعداك
ثم العن الشيطان لياَّه يغويـــك=ترى إن تبعته للشرابيــك وداك
ووصيك لاتشكى علينا بلاويــك=أنت السبب طرفك عيونك بيمناك
واعرف ترى إلى واطي الفهر واطيك=ولا أنت أعز من الجماعة هذولاك
المسك يا راسى عن الذل واخطيك=واحذر تكلم يا لســـانى حذراك
والطف بجارك وقم من دون عانيك=وافطن لما يعنيك عن ربعة أحواك
يا ذيب وإن جتك الغنم فى مفاليك=فاكمن الين إن الرعـــايا تعداك
من أول يا ذيب تفرس بيــاديك=واليوم جـا ذيب عن الفرس عداك
يا ذيب عـاهدنى وأعاهدك مرميك=مرميك أنا يا ذيب لو زان مرماك
والنفس خالف رأيها قبل ترميــك=ترى لها الشيطان يرمى بالإهلاك
ومن بعد ذا لا تصحب النذل يعديك=وعن صبحة الأنذال حاشاك حاشاك
ترى العشير النذل يخلف طواريك=وأنا أرجى أنك ما تجى دون أباك
والهفوة إنك ما تجى دون أهاليك=ولاظن عود الورد يثمر بتبنـاك
والحر مثلك يستحي يصحب الديك=وأن صاحبه عاعا معاعات الأدياك
لا تستمع قول الطرف يوم يلفيك=بالكذب يقضى حاجته كل ما جاك
من نم لك نم بـك ولا فيه تشكيك=وأيلاه قد أزرا رفيقــك وأزراك
عندك حكا فينا وعندي حكى فيك=وأصبحت كارهنا وحنا كرهناك
ما اخطاك ما صابك ولو كان راميك=وإلي يصيبك لو تتقيت ما أخطاك
مير استمع منى عسى الله يهديك=النصح يـا مالك لك الله لمولاك
عندى مظنة مـا تمثلها فيك=واطلب لك التوفيق من عند مولاك

[/poet]

[ALIGN=CENTER]بركات الشريف[/ALIGN]

[الدب الداشر]

صحححححححح لساان الشااعر
حجي رفحااوي صرااحه انااا احب القصاائد اللي فيهاا النصاااايح والحكممم


يعطيك العافيه حجيييي

[المهندس]

مشكووور الله يعطيك العافية

قصيدة رائعة وثمينة

[عاشقة الجهاد]

قصيده رائعه سامية المعاني
لك خالص الشكر وأعطره أخي الكريم

[رفحاوي]

دبدوب المحبوب ...

بالنسبة لي احب القصيد القوي حتى لو كان بالغزل بشرط يكون صادق ...
واللي يدبل كبدي اللي يسرقون قصايد الناس ويحطونه باسمهم ... وليتهم يوم سرقوا سارقين شي يسوى مثل دايم الكيف ومفنقس الكلمة النويعم ...
قبل ما يطلع الواحد منهم على التلفزيون حط من مكياج المعزبة ...
اخس على ناس ما تدري هم رجال والا حريم ...

اخواني / المهندس - عاشقة الجهاد ...

العفو ...
بعدين الاحظ ان تعليق المشرفين متشابه !!
لا يكون كوبي وبيست ؟؟
او تكونون واحد ؟!!

[أبو هيا]

شكرا اخي رفحاوي.......
انا اقترح ان كل واحد ياخذ نسخه من هالقصيده ويعلقها بالبيت..

[المهندس]

الاخ رفحاوي

السبب هو ان عبارات الشكر ان عجزت عن الشكر تشابهت لوصولها جميعها الى السقف.

وبالمناسبة المهندس ماهو مشرف

[رفحاوي]

اخوي / حمود ...

العفو ...
بعدين تعال وين تبي تعلق على كيفك ؟!!
يصرح للعالم انسخوا وعلقوا !!
ما سمعت بشي اسمه حقوق الطبع محفوظة؟!!

اخوي / المهندس ...

الله يسلمك كلك ذوق ...

[الأسلمي]

اختيار رائع يدل على ذوق رفيع ومرجله
مشكوووووووووووووووووووووووووووور يالغالي

[رفحاوي]

الاسلمي ...

العفوووووووووو يالغالي ...
بشر عسى اعرست ؟

[الأسلمي]

تصدق لياشفتك تدهر بالمنتدى اني استانس

اما العرس ماله طاري هالوقت وانت ستكون من اول المدعوين

بعد عمر طوووووووووووووووووووووويل

[رفحاوي]

الاسلمي ...

وليه ماصدق ...
ما تنلام ...
شايف شوف ريبة لا بليتوا به ...

كان عرسك بعد عمر طويل تبي تحرجن ...
قل وشلون ؟!!
انا اقول لك
يا مني اعرست ان شاء الله قريب وعزمتك ما به شي صح ؟
لكن يا اعرست للمرة الثالثة عقب سنة وجيت ابي اعزمك تبي تنحرج صح ؟
وما دام انك تنحرج ابي انحرج معك صح ؟
والحل للاحراج هو اني اعرس مرة وتعرس مرة ...

نسيت اقول عسى ايامك كله وناسة ...

[رفحاوي]

[align=center]
هذا الشعر وإلا فلا ...

رحم الله بركات الشريف رحمة واسعة وأسكنه فسيح جناته ...

قصيدة تستحق الحضور دائماً وأبداً ...
[/align]

[عبدالملك الشمري]

كم هي رائعه هذه المعلقة .
وكم هي راقية ذائقتك يارفحاوي
قصيدة تعج وتزخر بالحكمة وعمق التجربة .
وانا لاامل من الابحار في لجاتها والغوص في قيعانها .
شكراً لك .

[kermalk]

[align=center]ماقصرت عاشق رفحا وياليتك تجيب لنا شيخت القصيد كان مابه كلافه عليك [/align]