قصيده مدح شمر في الزهارين

[عزازي]

طلبت الله حمدت الله على اللي كان اوماكـان
زمان كان متغطـرس زمـان فاتـت اكوانـه



ظلام يخـدم القـوه بحـد السيـف والحقـران
ضعيف المال ما يامن يكـون المـوت بوزانـه



فهق ظلمة زمان اول زعيم حصان ولدحصان
وشع النور من نوره ومـات الظلـم واقرانـه



امر بالشرع والسنـه حكـم بالحـق والقـرآن
وصرنا دولة وحده تخاوى الذيب مـع ضانـه



ياحظ اللي كضم غيضه ياحظ اللي عفى باحسان
ياحظ اللي عتق نفس صـدر بالمـوت اعلانـه



قصيدي طالبك تكفى ترى تكفـى لهـابيبـان
تدك طويق من اجلي وأشـد القـاف واوزانـه



سلام الله على الحاضر سلام الله على الشيخـان
سلام زلـزل الحفلـه يهـز القصـرواركانـه



سـلام كافـي ضافـي سـلام وافـي ومليـان
سلام صاغه الشاعـر بريـح الـورد والوانـه



تحيه من طنا شمر على فحول الكـرم زهـران
سطع تاريخهم طيب بماضي الوقـت وازمانـه



حضر تاريخهم يمشي بنـى للمرجلـه ميـدان
رجال العرف والنخـوه بنـوا للطيـب ديوانـه



على ال الحسن بيضاء وابشكر شيخهم جمعـان
سليـل المجـد والهيبـه لبـس للعـز تيجانـه



هل الشيمه هل الفزعه رجال تكـرم الضيفـان
ياحظ اللي دخل معهـم قسـم يلقاهـم اخوانـه



انا بآنـزل عقالـي وأحـط لجزلتـي عنـوان
سلام من سناعيسـه علـى زهـران عنوانـه



مع تحياتي عزازي



* منقول

[ابو افراح]

صح لسانك لاهنت اخوي قصيده جميله



ولاشك ان اهل المدح يستاهلوون

[شامي الدهيمان]

مساء الخير

القصيده بوادي والعنوان بوادي

الممدوحين الزهآرين والشاعر شمري


ونعم بكل من يستحق النعم


دمت بخير

[خيال العليا]

مشكور اخوي عزازي

وكل الاجواد يستاهلون المدح

[السحيمان]

يسلمو علي القصيده يا غالي
ما عليك زوود يا غالي كل رفحاء شمر .....


تقبل تحياتي دحووومي

[عزازي]

شاكر لكم مروركم

[دلع العيون]

صـح لـسـآن الـشـمري
ولاهـنـت على الـقـصـيـده الـرآئــعـهـ

يعطيك العـآفـيـــهـ .

تـحـيـتـي .

[عقارب]

صح لسان الشاعر

ويستاهلون الزهارين المدح

[شمـــاليه]

ونعم في كل القبايل
صح لسانه ولاهنت على النقل