الشمري يمتدح قبيلة عنزه

**فارس الشمري** · 26 Jan 2010, 05:13 PM

[COLقــــ مدح عنزة ـــصيدة

--------------------------------------------------------------------------------

بسم الله الرحمن الرحيم

احب ان اورد لكم هذه القصيد
للشاعر / عايد الشمري
وهي مدح لقبيلة عنزة

والقصيدة رائعة بالفعل

فإليكم القصيدة

يعني على قولة هل العرف ياحسيـن
******لاخيـر فـي رجـلٍ بليـا جمـاعـه
ولانـي ولـدت بـدار فكاكـة الديـن
******اهل الكرم والطيب واهـل الشجاعـه
ويلان لا وردو على المـوت عجليـن
******فيهـم علـى ورد المنايـا بتـاعـه
الطيبـيـن الطاهـريـن النقـيـيـن
******الخيـريـن الصادقـيـن السبـاعـه
موفين حق الجـار بالطيـب والليـن
******للجار فـي قـرب النشامـا مناعـه
معهم سليت ورحت بالمذهـب الزيـن
******راحت معاهم حفنـة سنيـن ساعـه
ثلثيـن عمـري راح يـا وي ثلثيـن
******مايـوم جتنـي العايلـه واللكـاعـه
صاروا لي الطف من غطا الجفن للعين
******وارق من حكـي الحديـث بشفاعـه
تحس في قـرب الرجـال المياميـن
******انك اخو من ((دم)) ولا ((رضاعـه))
حمّاية الوضحا مـن اللـي مغيريـن
******لاوين مـن طالـت عليهـم ذراعـه
واجب علي اذكـر فعـول الكريميـن
******اللي شروا كسب المراجـل بضاعـه
مدامنـي وافـي واحـب الوفيـيـن
******وقناعتـي فيهـم تفـوق القنـاعـه
لازم علـيّ اعـد فعـل الحشيميـن
******واترك حديـث الناكسـه والرعاعـه
اترك علوم عفون الاشـوار مهفيـن
******حـق الرجـال الطاهـره بالشناعـه
نقالة الحكـي الملفـق علـى ويـن
******بالهون ياهـل الواطيـه والبشاعـه
ياحسيـن ماتوخـذ قبيلـه بخبلّـيـن
******مادامهـم مـا يـوم جابـو قلاعـه
دحوش الرجـال مقابليـن النساويـن
******اهل الحكي والكذب واهـل الخناعـه
وياحسين قالوا في حديـث القديميـن
******تحشم كـلاب القـوم رغـم الدناعـه
وانـا لـك الله ماسمعـت المقفـيـن
******واللي مشا لـي بـاع دبلّـت باعـه
مايرخـص الغاليـن فعـل الردييـن
******راعه بقلبـي حـب الاجـواد راعـه
ياحسين جيت ونبض كـل الشراييـن
******حب عنزه باعلـى عوالـي رفاعـه
ولاتحسبنـي جيـت لانـي مسيكيـن
******ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن
******شبـوب نـارٍ عـالـي بانـدلاعـه
انـا سـلايـل لابــة بالملايـيـن
******بالضبـط امـه كاملـه باتسـاعـه
شمر على عرش المراجـل سلاطيـن
******اسياد عرش الطيب من فـوق قاعـه
ان جت على الفزعات نعمك ونعميـن
******وان جت على المده تموت المجاعـه
ولا جت على وصل الرحـم للقريبيـن
******اقسـم قسـم مـا بالطنايـا قطاعـه
الحاصل ان القلـب مابيـن عرقيـن
******متساويـات بنبضـهـن واندفـاعـه
عرق النسب واسم الطنايا العزيزيـن
******وعرقٍ مع الويلان صعـب انقطاعـه
وامنت في قـول الرجـال الحكيميـن
******مربى الولد يغلب على الاصل طاعـه
ياحسين واللي نـزل الطـور والتيـن
******واللي هدى الانسـان فـن الزراعـه
ماقلتها ياحسين واقصـد بهـا شيـن
******غير الثنـا بالطيـب مامـن طماعـه
حبي لكم ياحسين اصـل المضاميـن
******ومداد حرفٍي مـع سنـاه وشعاعـه
حـرف كتبتـه ورد فـل ورياحـيـن
******وياليت كـل النـاس تقـدر سماعـه
وربـي لرددهـا بـكـل الميـاديـن
******ولو لي بعد قـدره نصيـت الاذاعـه
لاني وفـي عشّـاق طبـع الوفييـن
******وقناعتـي فيكـم تفـوق القنـاعـه
وختامها بالـورد والعطـر ياحسيـن
******مني لكـم ياهـل الوفـا يالجماعـه

تحياتيOR="DarkSlateGray"][/COLOR]

**ألماس شمر** · 26 Jan 2010, 09:09 PM

صح لسان الشاعر وتستاهل قبيله عنزه

يعطيك العافيه

**عز الخوي** · 26 Jan 2010, 10:54 PM

صح لسانك ولسان الشاعر
يستاهلون الويلان
وباقي القبايل ما بها قصور

**ابوصقر العنزي** · 26 Jan 2010, 11:31 PM

[marq="3;down;3;scroll"]صح لسان الشاعر ومشكور على النقل[/marq]

**أبو غلا** · 03 Feb 2010, 06:52 PM

صح لسانك ومايحتاج شمر وعنزه ((((( واحد )))))

**شامي الدهيمان** · 03 Feb 2010, 07:38 PM

ونعم بالويلان ولا يهونون باقي القبايل يستاهلون

سلمت يدك على النقل وبيض الله وجه الشاعر

وياليت ذكرت اسمه كامل لحفظ الحقوق

تقبل مروري

**عيده صعفق** · 03 Feb 2010, 07:41 PM

لاهنت ياولد الطنايا ...

عنزه مافيهم كلام التاريخ يشهد لها ...

عنزه وشمر سلمهم سلم واحد

**شمـــاليه** · 05 Feb 2010, 03:55 PM

ونعم بالمادح والممدوح
شاكره لك النقل الطيب لاهنت

**فزاع** · 05 Feb 2010, 06:05 PM

ونعم بجميع القبايل

ابيات جميلة ورائعة

صح لسانك ولسان الشاعر

**العيون الحزينه** · 06 Feb 2010, 04:45 AM

صح لسانك ولسان الشاعر يسلمو خيو على النقل ولبي الكيبورد حقك ولبى اصابعك نقل ممبز وطرح رايع لاعدمناك
تقبل مروري
العيووووووووووون الحزينه

**عمار الزيادي** · 06 Feb 2010, 08:19 AM

ا

ياحسين جيت ونبض كـل الشراييـن
******حب عنزه باعلـى عوالـي رفاعـه
ولاتحسبنـي جيـت لانـي مسيكيـن
******ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن
******شبـوب نـارٍ عـالـي بانـدلاعـه
انـا سـلايـل لابــة بالملايـيـن
******بالضبـط امـه كاملـه باتسـاعـه
شمر على عرش المراجـل سلاطيـن
******اسياد عرش الطيب من فـوق قاعـه
ان جت على الفزعات نعمك ونعميـن
******وان جت على المده تموت المجاعـه
ولا جت على وصل الرحـم للقريبيـن
******اقسـم قسـم مـا بالطنايـا قطاعـه

ا

القصيدة روعة .

صح لسانك يالناقل والقاصد والمقصود والقاريء الكريم.
عمارالزيادي

**خيال العليا** · 07 Feb 2010, 12:06 AM

يستاهل الطيب من قدم الطيب
صح لسان الشاعر

**فارس الشمري** · 28 Feb 2010, 04:12 PM

مشكورين علئ المروووور وصح لسان الشاعر وعشئ نقلي حاز علئ رضاكم

آخر المشاركات

الموضوع: الشمري يمتدح قبيلة عنزه

أدوات الموضوع

تقييم هذا الموضوع

عرض

الشمري يمتدح قبيلة عنزه

مواقع النشر (المفضلة)

مواقع النشر (المفضلة)

ضوابط المشاركة