انا وجاري والبنك العقاري 000 اهداء للاخ العضو الفاعل الشاعر (الفيصل )

[الـوايـلـي]

صح لسانك يالوايلي

اتمنى منك نشر تجربتك حتى نستفيد منها لأننا على وشك البدء في البناء..ننتظر قصيده فيها توجيهاات ومحاذير للمبتدئين

[poem=font="arial,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ان كان ماتملك من المال مليون =يابو هيا لاتبتلش بالعماره
خذ النصيحه كان لك قلب وعيون = قبل يجيك الضغط فوق الحراره
خلك بجار ولايقولون مديون = اخير ماتقرط بسجن وخفاره
ياعادبيتك ماتسويه بفنون = ماينفعك لاصار مثل الجحاره [/poem]

[خيال العليا]

صح لسانك يالوايلي

[أبو هيا]

[poem=font="arial,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ان كان ماتملك من المال مليون =يابو هيا لاتبتلش بالعماره
خذ النصيحه كان لك قلب وعيون = قبل يجيك الضغط فوق الحراره
خلك بجار ولايقولون مديون = اخير ماتقرط بسجن وخفاره
ياعادبيتك ماتسويه بفنون = ماينفعك لاصار مثل الجحاره [/poem]

هههههههههههههههههههه

حلوه سالفة الجحاره

صح لسانك والله لايهينك على هالنصيحه ...انا لي رأي مخالف و اطلب من المملوح رفحاوي يحكم بيني وبينك

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالوايلي يفداك خمات وعفون=يانسل وايل ياوريث الاماره
روق مع اللبتن وحط ليمون = وانسى مع الدله هموم العماره
يالوايلي ماهيب لحية يقولون = البيت ربح ولاتشوفه خساره
مهما خسرت من الدراهم ومديون= البيت عز وهو اساس الاداره
ليت العمر وقته محدد ومضمون=وأعرف متى روحي تشيل الخفاره
كان انبسطنا ولا سعينا لمليون =في كل وادي نستعيد الصداره
لاشك حاديني على البيت هيون = أخاف من عقبي تذوق المراره[/poem]

["الفيصل"]

لاهنت يالوايلي

وصح لسانك وعلا شانك وفتح الله لك باب رزق تسد به ابواب كثيرة فتحت عليك..


المعذرة يالخال لم ادخل النت منذو فترة طويلة لذا لم اطلع على ماخطته اناملك الذهبية ..




لي عودة على قصيدتك الجزلة قريباَ ان شاء الله ..



همسة / النشمي ضبط الشقة اللي فوق ومنعزلة عن البيت الظاهر عنده نوايا مادري كلكم ياللي تبنون كذا ولا لا ..

[الـوايـلـي]

تسلم والله يالفيصل وصح بدنك وهذا شرف لي متى مامريت عليها ومعذور على عدم المرور 000

اما سالفة الشقه ماهو كلنا يسويها بعضنا وهاذي الله يسلمك يسمونها (شقه مسروقه ) والاعمال بالنيات ولكل امرئ مانوى لاكن هناك ملاحظه على هالمسروقه كان لها باب سري مثل بيبان الطوارئ ومصبوغ مثل الجدران بها قولان وهنا مربط الهورس 0

اما ان كانت على الشارع شاهر ياظاهر فلا خوف منها عند الاخواااااااااات ويحتمل انها استثماريه وقت الزنقااااااااااااااات

اما انا ياخالك لاسرقت ولا عندي نيه :i

["الفيصل"]

:
:
:
:
:
:
:


[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مرحبا بمن شكالي يا هلا بالخوي=صاحبٍ زاد حمله والدهر مقتفيه

يشتكي لي زمانه ويشتكي من ضعوي= والنصيب المليوي شل قوة يديه

صاحبي ما الومك خلها للقوي= كافل ارزاق خلقه والمطالع عليه

مالك إلا الصبر صبر حيد بدوي= ما يصح إلا الصحيح وسرجها نعتليه

ولابد ذيب المساري يشبع ويرتوي= والثعل لو تنمر رعدته ما تعديه

والنسر للولايش دايمٍ يحتوي =كامعٍ في طرفها لو لحمها كريه

والنداوي نداوي شامخ ٍ ما يهوي = النوايف مرامه والسهل ما يغشيه

وانت حرٍ مردد عالي المعنوي= من مصاقر حرار ٍ عايش بمخلبيه

والفقر ماهو عيب وكم طوانا طوي=وكم عفيف ٍ تلوى والعنا مبتليه

والمبذر شقيق ابليس عساه الشوي = في جنهم ايكوى ماكله صفحتيه

والغنى تر ليله تقل ليل جلوي= المقاضي يلوفه والتعاسه تحديه

والدراهم مصيبه عند غير السوي= لا كسبه جميل ولا كفل من يجيه

ومن صبر فاز فيها وحملها يستوي =وابشر بفزعة ٍ لك ومن زهمنا نجيه[/poem]




:
:
:
:
: