يا صانع المكياج الله يجازيك

**شامي الدهيمان** · 05 Jul 2010, 10:38 AM

يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
[gdwl]والوجه شارع مثل شارع حولي[/gdwl]

[gdwl]الوجه كنه بيت كله شبابيك[/gdwl]
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...

خلها تولي

**عروووبة** · 05 Jul 2010, 10:29 PM

أضحك الله سنك

أن تزينن يزعلون
وأن ماتزينن يزعلون

.
.

**شامي الدهيمان** · 05 Jul 2010, 11:42 PM

الزين زينن لو قعد من منامه :::: والشين شينن لو يغسل بصابون

ضحكتي بالجنة

**جوتيم** · 06 Jul 2010, 07:20 AM

هههههههه

المقرود بعذر عينه لو هجا جيفنشي وغيرة

طريفة هذه القصيدة

**شامي الدهيمان** · 06 Jul 2010, 08:50 AM

المشاركة الأصلية كتبت بواسطة جوتيم

هههههههه

المقرود بعذر عينه لو هجا جيفنشي وغيرة

طريفة هذه القصيدة

الله يلوم الي يلومه

غره المظهره الخارجي من برا الله الله ومن جوووو يعلم الله

منور بمرورك

أخبار سماح سنتر

**جوتيم** · 06 Jul 2010, 11:16 AM

المشاركة الأصلية كتبت بواسطة السلهومي

الله يلوم الي يلومه

غره المظهره الخارجي من برا الله الله ومن جوووو يعلم الله

منور بمرورك

أخبار سماح سنتر

أمر وش بغيت من سماح
جيفنشي ولا ايف سان لوران ولانينى ريتشي
ماشفته من مدة
تخبر هالمديرات متجودات بنا ومتعلقات نجي نشخط الشخطه بالدفتر
ونرجع
ماهنا الا الاسبوع الجاي ان شاء الله

**شامي الدهيمان** · 06 Jul 2010, 11:58 AM

المشاركة الأصلية كتبت بواسطة جوتيم

أمر وش بغيت من سماح
جيفنشي ولا ايف سان لوران ولانينى ريتشي
ماشفته من مدة
تخبر هالمديرات متجودات بنا ومتعلقات نجي نشخط الشخطه بالدفتر
ونرجع
ماهنا الا الاسبوع الجاي ان شاء الله

سلامتك لكن يوم شفت المعرف تذكرت لي مصرية تبيع ذرة بسماح سنتر

الله يعينكم على الوزارة اكثر مافيها التعاميم والمديرات الي من سنة جدي

أحترامي

**ابوبادي 12** · 06 Jul 2010, 07:11 PM

صح لسانك السلهومي على القصيدة الجميله

**شامي الدهيمان** · 06 Jul 2010, 10:52 PM

المشاركة الأصلية كتبت بواسطة ابوبادي 12

صح لسانك السلهومي على القصيدة الجميله

صح بدنك لا هنت على المرور

**شمـــاليه** · 08 Jul 2010, 03:08 PM

ان تزينن قلتوا مكياج وان ماحطن مكياج قلتوا مهملات
صدق مايرضيكم شي
لاهنت مشرفنا

**شامي الدهيمان** · 12 Jul 2010, 11:59 AM

المشاركة الأصلية كتبت بواسطة شمـــاليه

ان تزينن قلتوا مكياج وان ماحطن مكياج قلتوا مهملات
صدق مايرضيكم شي
لاهنت مشرفنا

الله لا يهينك شمالية

ماهي المشكلة بالتزين المشكلة بالتصنع ....

دمتي بخير

**الغنــــــــــد** · 12 Jul 2010, 09:43 PM

يعيش وياكل غيرها ههههههه

سلمت السلهومي على القصيده الطريفه

تقبل مروري

**فتى رفحاء** · 12 Jul 2010, 10:01 PM

القصيدة لك يالسلهومي ؟

**شامي الدهيمان** · 13 Jul 2010, 07:34 AM

المشاركة الأصلية كتبت بواسطة الغنــــــــــد

يعيش وياكل غيرها ههههههه

سلمت السلهومي على القصيده الطريفه

تقبل مروري

الله يسلمك منور وننتظر جديدك

**شامي الدهيمان** · 13 Jul 2010, 07:35 AM

المشاركة الأصلية كتبت بواسطة فتى رفحاء

القصيدة لك يالسلهومي ؟

لا والله يابعدي وإن شاء الله ما امر بالموقف

آخر المشاركات

الموضوع: يا صانع المكياج الله يجازيك

أدوات الموضوع

تقييم هذا الموضوع

عرض

يا صانع المكياج الله يجازيك

مواقع النشر (المفضلة)

مواقع النشر (المفضلة)

ضوابط المشاركة