نزف اخر

وهطول متجدد

كلمات انولدت في لحظة غضب

وانسكبت بعنفواني

قصيدة تتطلع الى ان تعانق جمال وجدانكم :

..

..


.ابا اكتب لك على درب الجلاوي وصفـة الدكتـور

لعـل الله يشفيكـم ويـروح السـقـم وأسبـابـه /

/


لأني وان بغيت اخطي وقف فـي داخلـي طابـور

علو ابوي / شموخ امي / وشي(ن ) ماتهقوى به

/

/

انا (( رحمـة )) اذا حلت تهدي رجفـة المذعـور

انـا(( قسوه )) اذا ثارت تهـد البيـت بطنابـه

/

/

انا من طلعـة الدنيـا عرفـت ان الغـلا محـذور

ياكود اللي صفـا وده وفعـل الطيـب يشقـا بـه

/

/

انا في داخلي خلطـة احاسيـس(ن) كمـا البلـور

تعكس احساس يسكنـي ويحيـا بـي واحيـا بـه

/

/

انا درب السواد امحيه واخلـي للبيـاض اسطـور

بياض(ن) من سنى ضوه تحـس الكـون متشابـه

/

/

انا في داخلـي عـزه ومشاعـر تنثنـي وتخـور

ولكن لنثى احسـاس يجيـه احسـاس يرقـا بـه

/

/

انا بنت(ن) تعلمت الـردى هـو حيلـة المكسـور

ورفيع الشان مـن طيبـه يعـز النـاس وتهابـه

/

/

انا طبعي عزوف ومن عزوفي يشتكـي المحظـور

يمووت الـذل والناقـص وطبعـي ماطـرق بابـه

/

/

انا وإن قلت انا .. يكفي .. ولا قصدي عليك قصور

ولكـن عـزي الشامـخ تعرفـه وأنـت ادرابـه

//

//

.. بقلمـــــي ..


الغنـــــــــــــــــــــــد