قصة ( تريترا ) بالصوت والصورة . . ( استمتعوا ) . . بالذكريات

[عروووبة]

{صيفنا بمنتدانا شي}

طلب مني الاخ أشوفك حلم
قصة (( تريترا ))
وكنت حابة أرويها من لسان جدتي لختلاف الروايات بالمذكورة
لكن القسمة . . .
فبحثت عنها حتى وجدت شخص يرويها بأسلوب مضحك وجميل
والاحداث قريبة من القصة المذكورة عندنا

طبعا نسقتها لكم بالصوة والصورة حتى يكون الاستمتاع أكثر فأتركم مع (( الشريرة تريترا ))

طبعا لمن هم خارج أطار التغطية

تريترا هذي من القصص الشعبية عند الشعب السعودي
ومافيه شخص ما يعرفها

أتركم تستمتعون

وكان يامكان يوم الدنيا تحكي . . . . . .

[عروووبة]

[ALIGN=CENTER][TABLETEXT="width:100%;background-image:url('http://rafha.galaxisweb.net/vb/backgrounds/21.gif');"][CELL="filter:;"][ALIGN=center]آآآآآآآيه ياطويلين العمر<<<<< يتنهد

القصه هذاي راح تذكركم بيومننا صغار..يفضخن قلوبنا هالعجز بسالفه تريترا ((الله العليم تريترا حديهن ))

(((الله يرحم جدتي)))

القصه::

هك السنة العرب مربعين ومعينين خير ومستانسين والحلال يبرك الضحوية من كثر العشب.

[flash=http://dc02.arabsh.com/i/01779/zxh6uaoaq7z7.swf]width=400 height=70[/flash]
ودك انك بس تصنت لأم سالم بهك الريضان.وام البهم ماخلت طبعها ماغير تزورق بينهن والورعان

يطاردونها هذا طبعهم بعد ، وخطات راعى يومى بشوشته لياهلحين يضحك عليه ملهى الرعيان وتضيع

غنمه بسبةطوير.[/ALIGN][/CELL][/TABLETEXT][/ALIGN]
وهك النهار سواريح الغنم مدوا بحلالهم وعزلوها جلد و رغث وعزلوا بهمها وساقوها مغير تسمع أجراس المراييع وعجتها للسما.

واهل البل اللى نياقهم قريبة راحوا يشوفون اباعرهم و يدورن الصبوح .
أما اللى يطردون حرش العراقيب ويعطونهن على هواهن هم اللى عايشين صحيح .

وفيه رجاجيل على شبة الشيخ مجتمعين ولهم لجة وقدامهم شلقة عيال حاطين نيشان ويثورون . مدرى لو اللجة على شانهم.

وحريمهم من حليلهن ماغير تشوف عبيهن تتطارخ من الهوى , هذى مسيرة وهذى موديتن غريفة لجارتها وهذى حطابة وهذى رواية ..
وفيه ثلاث بنيات وحدتن منهن عرجا المسكينة راحن يتسابقن يم الغدير , تراه دفيعة (بعيده).. هناك عن

اهلهن وهن يلعبن ويضحكن ومكيفات باالماء

[عروووبة]

[ALIGN=CENTER][TABLETEXT="width:100%;background-image:url('http://up.z7mh.com/upfiles/3JD21818.gif');"][CELL="filter:;"][ALIGN=center]
.
الا وتجيهن
[flash=http://dc02.arabsh.com/i/01780/k8v1iw6c3a3s.swf]WIDTH=350 HEIGHT=70[/flash]
ذيك العجوز
وتسلم عليهن وتحبهن وتقوم تلعب

معهن مرة تسوى نفسها فرس لهن ويركبنها وهن لهن ضحك ومرة تسويلهن زغيلبه (تشقلب) ...ومرة تسويلهن نطو الرفلا.

سألتها وحدة من البنات عن أسمها

قالت أسمى تريتره عمتكن تريتره
يوم شافتهن أمنن لها.

قالت لهن : يابنياتى ليه ماتسيرن على وتدلن بيتى أنا عجوز مسيكينة ولاعندى بنات ويومنى شفتكن حبيتكن عدكن بناتى.
وحدة منهن عيت وقامت تعذر

قالت تريتره: يابنياتى ودى أسويلكن عشا وعندى تميرات شايلتهن للغالين مثلكن وبيتى تراه قريب حيل , شفتن هك الجال .......بيتى وراه.[/ALIGN][/CELL][/TABLETEXT][/ALIGN][ALIGN=CENTER][TABLETEXT="width:100%;background-image:url('http://up.z7mh.com/upfiles/3zw22940.jpg');"][CELL="filter:;"]

وافقن وراحن معها .. يوم تعدن الجال .
قالن : وين بيتك ياتريتره
قالت : ورا هك الجال هذاك
وتعدنه
وقالن : وين بيتك ياتريتره
قالت : ورا الجال هذا
وجال ورا جال
ليما تعبن من المشى وبغن يرجعن
قالت لهن تريتره : يابنياتى مابقى عليكن شى , وصلنا , هذاك بيتى أشوفه ورا هك الجال وان مطلع حتسى صحيح ابد ارجعن وتراكن معذورات

[/ALIGN][/CELL][/TABLETEXT][ALIGN=CENTER][TABLETEXT="width:100%;background-image:url('http://up.z7mh.com/upfiles/vbx22567.gif');"][CELL="filter:;"][ALIGN=center]
.
.
المهم انهن طاعنها ورقن الجال وشافن بيتها وتدحدرن يمه الله يجيركم الشوفة القشرا يوم شافن بيتها

الا رواق البيت مسويته من جلود الاوادم والاطناب مودعتهن من قصبان والاوتاد من عظام الاوادم و البيت من شعر البنات


التفتت تريتره عليهن وهى تمطق ............ وقالت:
[flash=http://dc06.arabsh.com/i/01780/13nvsylpv9qp.swf]WIDTH=350 HEIGHT=70[/flash]
مسكتكن ياالملعونات بغيتن ماتجن و تحرمنى عشاى أنا ووليدى مير جابكن حظى لى شهر ماذقت لحم الاوادم.
وهى تقلب صورتها سعرة (جنية) .... لياجلدها أسود مثل الصاج وعيونها مثل الجمر وشعرها تقل تسدادة

وسنونها حديد ويتطاير منها هوايش شى يزحف وشى يطير شى مثل الدود وشى مثل العقارب وشى مثل الذبان .

صاحت تريتره تصوت لولدها وهو يجى الا شكله أقشرمن شكل أمه

لكنه صغير و طوله بطول البنات


قالت تريتره لولدها: أسمع أنا سنونى مصديه مايقطعن من بطا اللحم أباروح أسنهن
[flash=http://dc09.arabsh.com/i/01780/746onc43vey6.swf]WIDTH=250 HEIGHT=70[/flash]
وارجع أنتبه على عشانا لاينحاشن منك عفيه وليدى سعران.

راحت تريتره تسن سنونها وبقن البنيات مع ولدها يحرسهن.
[flash=http://dc10.arabsh.com/i/01779/mid7xxqqsmb6.swf]WIDTH=250 HEIGHT=70[/flash]
المسكينات غدالهن صياح ويبتسن ولهن نحيب

قالت لهن العرجا: ياخوياتى ما ينفع البتسا وش الحيلة وشلون ننحاش ؟

ماردن عليها ولا هن يمها ماغير لهن مشاهق من البتسا ومن الخوف منفضختن قلوبهن .
فكرت العرجا لحالها وقالت مالها الا الذهانة بعدين قربت عند ولد السعرة وقامت تحسي عليه وهو له ضحتس وصوته تقل رغا حاشى .

ماهمها طيرة شلوى وقامت تسولف عليه وتعطيه من التسذب الا ان سكت وقام يراددها بالحتسى .
وقامت تبرق بكلامه وتروز عقله عرفت ان ماش ما بالحمض أحد وانه دبشه .

قالت له : سعران ما اشوف فى بيتكم حطب و شلون تطبخون بليا حطب .

ياويلك يا سعران ان جت امك وشافتك منت حاطب .
قالها : صحيح بس وشلون أروح وأخليكن أخاف تنحاشن

قالت وين نولى وأهلنا بعيد ولاحولنا ولى وناشبته الا ان صدقها و أقنعته انها تحرس البنات بداله وأخذ فاسه وراح يحطب

يوم شافنه ابعد كل وحدة عضت شليلها وانحاشن



.[/ALIGN][/CELL][/TABLETEXT][/ALIGN]

[عروووبة]

[TABLETEXT="width:100%;background-image:url('http://up.z7mh.com/upfiles/gaL22940.jpg');"][CELL="filter:;"][ALIGN=center]
وهن لهن ركض وركض وركض والعريجا وراهن ماتقدر تلحقهن ..تصيح وتنخاهن ولها صياح :
ياخيااااااتى أتننى يا خيااااااتى لاتخلنى اتنني
.
.
.
.

وهن ماهمهن سبقنها وخلنها وراهن .

جت تريتره ودرت انهن انحاشن وهى تطلبهن لها جمح. ما تسمع الا وحيفها ليا مرت بجنب شجرة او قشعة
[flash=http://dc10.arabsh.com/i/01779/vrz0kkvv65r9.swf]WIDTH=250 HEIGHT=70[/flash]

يوم قربت عند العرجا التفتت العرجا الا وتشوفها وراها. درت المسيكينه ان السعرة تبى تلحقها وتطرحها .

الا ويجيب الله ذاك الجحر بطريقها كنه مراغة ضبع وهى تجحر به .
[/ALIGN][/CELL][/TABLETEXT][ALIGN=CENTER][TABLETEXT="width:100%;background-image:url('http://up.z7mh.com/upfiles/vbx22567.gif');"][CELL="filter:;"][ALIGN=center]

وتقوم تريتره تحفر الجحر .

[flash=http://dc02.arabsh.com/i/01780/mdn479zunrcx.swf]WIDTH=250 HEIGHT=70[/flash]
مروا بها ناس واجد وهى تحفر وكل يسالها

ياتريتره وش تحفرين

تقول : أحفر ضب ماله رب ولاله عكرة تقضب

مروا بها أهل المجاهيم . ياتريتره وش تحفرين
أحفر ضب ماله رب ولاله عكرة تقضب

مروا بها اهل المظاهير .ياتريتره وش تحفرين
احفر ضب ماله رب ولاله عكرة تقضب

مروا بها أهل المغاتير . ياتريتره وش تحفرين
أحفر ضب ماله رب ولاله عكرة تقضب

مروا اهل الشياه . ياتريتره وش تحفرين
أحفر ضب ماله رب ولاله عكرة تقضب

مروا بها اهل العقيلات. ياتريتره وش تحفرين
أحفر ضب ماله رب ولاله عكرة تقضب

مروا بها اهل الخلا . ياتريتره وش تحفرين
أحفر ضب ماله رب ولاله عكرة تقضب[/ALIGN][/CELL][/TABLETEXT][/ALIGN][ALIGN=CENTER][TABLETEXT="width:100%;background-image:url('http://up.z7mh.com/upfiles/vbx22567.gif');"][CELL="filter:;"][ALIGN=center]ماطولها عليكم مروا بها أهل الوضح والشقح والحمر والصفر وألوان البل كلها وردها واحد

وهناك

مروا بها أهل الخيل . ياتريتره وش تحفرين

قالت:احفر ضب ماله رب ولاله عكرة تقضب

سمعت العرجا الصوت وعرفته هذا صوت اخوها تخبره غزاى من حروة شهر .
و صاحت بطول صوتها

لاوالله ياخييى تحفرنى .. نخيتك لابتسيتك ياخييييى فكنى

انتخى وانثنى عند اخته شوق المخبيات بنات الشيوخ

[flash=http://dc10.arabsh.com/i/01779/d6tq625d2i9i.swf]WIDTH=250 HEIGHT=70[/flash]
سحب سيفه وضرب تريتره لهو مطير راسها

حضن خيته و حت التراب عن قصتها وحبها على راسها وارد فها على الفرس.

وقام يهيجن وهى ترد عليه:

أشرب الما وكن يرده عود ......... وأتقلب وكنى على ملة
عريجا ما يقربتس كود مقرود .............. أدفعه للموت يزتله[/ALIGN][/CELL][/TABLETEXT][/ALIGN]

[عروووبة]

وسلامةٍ تسلمكم
وهذي قصة
أتريترا

وقد تكون بروايات أخرى
ولكن هذا اللى أعرفه

ودمتم على خير

[ابومحمدالزوبعي]

هههههههههه
الله يعطيك العافية أختي عروووبة
قصة ممتعة وتنسيق رائع

[شمـــاليه]

الله لايجزاء عدوتس خير عندي لي مطيورتن يوم شغلت الصوت وهي تقمز وراي
< ميته ضحك
اييييييييه قصتن جميلتن يا حبيّبتي بس لاتعودين تحطين اصوات تخرع
بنطيتس العافيه

[شامي الدهيمان]

الله يرحم خالي .... كنا نجتمع عنده بعد المغرب . ويسولف علينا تريترااااااااا وغيرهااااا

وتحصل بعضنا نيم على رجل الثاني

المشكلة الوقت قبل صلاة العشاء وحنا نايمين . ماهو الوقت الي الى صلاة الفجر
يعطيك العافية

[أشـــوفك حلـــم]

وش اقول بس ؟!

جزاك الله خير اختي عروبة

>>> للحين يمعك عويناته تو صاحي من غفوة

بالمفضلة ولي عودة

بس التنسيق خطير (:

كل الشكر لك

[الكاشف]

قصة تريترا حكاية ومثل .
حكاية وقصة للصغار يتمتعوا ويناموا على سردها ومثل للكبار عندما لا يعجبهم المتحدث أو الحديث فيقال مثل سوالف تريترا .
ذكرتينا بحياة البادية البسيطة وعوائلهم وبيت الشعر صورة رائعة .
دمتي بحفظه .

[المداد]

يقال أن تريترا .... في الاصل أنها مستشرقة تدعى (تريرا ) بشعة الخلقة .... لذا أورد البدو قصصهم عليها ..
والاصح أنها أسطورة ... والادهى من هذا كله أنها لا تهدف إلى شئ أبدا وليست ذات مغزى بين .... ( الله يرحم ايام أول ) لما أنام بجنب أبوي ما كانت تشد انتباهي قصة تريترا مثل ما تشدن سالفة الباحصين والذيب ...

وبما أنك لبيتي طلب أخينا أشوفك حلم ..... أطلب منك ( سالفة الباحصين والذيب ) هههههههه


ثم إنه لشكرا وااااجد

عروبة

[عروووبة]

هههههههههه
الله يعطيك العافية أختي عروووبة
قصة ممتعة وتنسيق رائع

تضحك بالجنة يابو محمد
والعفو
بركة اللى جازتلك

حيــــــــــــآك

[عروووبة]

الله لايجزاء عدوتس خير عندي لي مطيورتن يوم شغلت الصوت وهي تقمز وراي
< ميته ضحك
اييييييييه قصتن جميلتن يا حبيّبتي بس لاتعودين تحطين اصوات تخرع
بنطيتس العافيه

أضحك الله سنك
تصدقين انى اتسمع لها وأنا منخرعة


حيــــــــــــــــــــآك
شوشو

[قنـاص رفحاء]

سجلت دخولي فقط لكي ارد على هذا الموضوع الرائع والممتاز جداً

الف شكر لك ياعروبة على الموضوع الرائع جداً

تم الحفظ بالمفضلة

[عبدالله المروب]

هههه ،، عز الله ضحكت الياما قلت بس ــ قصه رائعه تستحق الشكر 000