الحقيقه ان هذه القصيده من الدرر النادره فى وقتنا الحاضر
( عبدالله بن زويبن الحربي )
سمعت لي كلمةٍ مدري وش اقصاهـا
حزت بنفسي وأنـا مانيـب هارجهـا
لوكـل كلمـة إلـى جتنـا طردناهـا
بعنـا الثمينـة بسعـر مايخارجـهـا
لو مـرت السمـع ماكنـا سمعناهـا
ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا
والناس واجد وتلقـى مـن يروجهـا
من جابهـا بيـن خلـق الله وداهـا
لو به مراجل تـرى نفسـه يسمجهـا
ومن عامل الناس في سابق خطاياهـا
يقعـد بـدار خـلا مـاداج دايجهـا
في كنة تشـوي الجربـوع رمضاهـا
وتابس غصون الشجر من حر واهجها
والناس بالحق حكم الشيخ ما أرضاها
ماتقنع النـاس لـو انـك تحججهـا
ياللي تبـا الطيبـة خذهـا وعطناهـا
وخـل الطريفـة طريـة لا تثلجـهـا
وأقضب طريق الأوادم وامش ممشاها
أتبع دروب العـرب وأدرج مدارجهـا
وأرسـم لنفسـك حـدود ولا تعداهـا
من حط نفسه بدرب الضيق يحرجهـا
وان كان نفسك هواهـا قـام ينحاهـا
حط الأعنة بروس الخيـل وأسرجهـا
وفكـر بمنكافهـا قــدام مغـزاهـا
واضرب حساباتها وتشـوف ناتجهـا
وكل بعضده يمـوح الدلـو برشاهـا
وتلقى كبود الضوامي مـن يبرهجهـا
وان كان توك على صـدرك تهجاهـا
حنـا ترانـا نـدرس فـي مناهجهـا
مـن يـم مصباحهـا نبعـد معشاهـا
إلـى قعـد راعـي الضلـع يدرجهـا
لو هي صعيبة إلى انعاجـت عدلناهـا
واللي تجي مستقيمـة مـا نعروجهـا
نهتـم فـي وزنهـا وابـرام معناهـا
ومـن الكرستـال واللولـو نتوجهـا
مثـل الجواهـر ليـا منـا نضمناهـا
وسلوكها من جديد الـزري ننسجهـا
مخايـل تردتـدم والصـدر منشاهـا
لا دك بالـبـال داكــوك يهيجـهـا
وليا أمطرت ضاقت الوديان في ماهـا
تاخذ إلى الحول ما يبسـت مدالجهـا
وان صدت الناس عنا ما أعترضناهـا
مـا تقفـي النـاس عنـا ونتولجهـا
وإن جاتنا الطيبـة بالطيـب زدناهـا
الطيبـة بالعسـل والسمـن نمزجهـا
وان جاتنا الثانيـة نصبـر ونرفاهـا
يمكن إلـى فـاق راعيهـا يعالجهـا
وان عادهـا عـودة ماعـاد ينساهـا
من حربة في صميم الصـدر نولجهـا
مسمومـة يبلـش الدكتـور بدواهـا
مايقنع الخبـل ليـن أنـه يلامجهـا
آخر المشاركات
+ الرد على الموضوع
النتائج 1 إلى 15 من 17
-
02 Aug 2010, 01:15 AM #1
الحقيقه ان هذه القصيده من الدرر النادره فى وقتنا الحاضر
-
02 Aug 2010, 01:53 AM #2
كاتب مؤسس
تاريخ التسجيل- Jan 2003
الدولة- بفضاء سيرة ابي (رحمه الله) العطرة
المشاركات- 20,263
صح لسانك ولسان الشاعر ...
فعلاً قصيدة مميزة ...
النميمة ونقل الإشاعات بحاجة إلى علاج ناجع من أهل الحكمة ...
شكراً لك أخي كرمالك ملك النقل ...
-
02 Aug 2010, 02:01 AM #3
أخـــت المســـآكين
تاريخ التسجيل- Jun 2005
الدولة- أذكر الله . .!
المشاركات- 20,135
صح لسان قايلها
وصح نقلك
رااائعه القصيدة
~~~ اللهم أجعل همــي الاخــرة ~~~
تحت الإنشاء
-
02 Aug 2010, 11:17 AM #4
صح لسان ناقلها وقايلها عزالله انه درر.
اللهم يارب العزة والجلال اغفر لبدر الدهيمان .
-
02 Aug 2010, 01:30 PM #5
صح لسان عبدالله الزويبن وشكرا"على نقل القصيدة
-
02 Aug 2010, 02:05 PM #6
المشاركة الأصلية كتبت بواسطة رفحاوي
صح بدنك وهلا بك رفحاوي هلوتين
-
02 Aug 2010, 02:06 PM #7 المشاركة الأصلية كتبت بواسطة عروووبة
صح بدنك العروبه وهلا بك
-
02 Aug 2010, 02:07 PM #8 المشاركة الأصلية كتبت بواسطة القروي
صح بدنك القروي وهلا بك
-
02 Aug 2010, 02:08 PM #9 المشاركة الأصلية كتبت بواسطة ابوبادي 12
حياك الله بوبادي وهلا بك
-
02 Aug 2010, 03:15 PM #10مشرف
تاريخ التسجيل- May 2004
الدولة- بيتنا
المشاركات- 11,304
تسلم يمينك نقل رائع
دمت بخير
عامل الناس كما تحب إن يعاملوك
-
02 Aug 2010, 03:47 PM #11 المشاركة الأصلية كتبت بواسطة السلهومي
الله يسلمك ويحييك السلهومي وهلا بك
-
12 Aug 2010, 04:02 PM #12
كرمالك مشكور عـ النقل الرائع
-
08 Sep 2010, 12:16 AM #13
صح لسانه ولسانك
-
09 Sep 2010, 10:16 PM #14 المشاركة الأصلية كتبت بواسطة عبدالله المروب
حياك الله وهلا بك عبدالله
-
09 Sep 2010, 10:19 PM #15 المشاركة الأصلية كتبت بواسطة مياح الشمري
ضح بدنك مياح وهلا بك
رد مع اقتباس
الكلمات الدلالية لهذا الموضوع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
- أكواد المنتدى متاحة
- الابتسامات متاحة
- كود [IMG]متاحة
- كود HTML معطلة
مواقع النشر (المفضلة)