السلام عليكم ورحمة الله وبركاته
موضوعي هذا عن شركة الكهرباء لااحد يفهمه غلط ويحسبني أتكلم عن المستشفى بعد الدوام الرسمي ماادري كل يوم والثاني مغيرين غرفة طوراي الأطفال ذكروني في لعبه شعبيه قديمه (عظيم سرى) لكن نصيحة للمراجعين أول ماتدخل من باب الإسعاف طقه لطمه إذا كنت ماتحب ريحة الدخان ا وفيك ربو راح تدج .لايزعلون مني الإخوان بالمستشفى بس هذا شي ملاحظ ومعروف أرجو التغيير.نرجع للموضوع إيه صح شركة الكهربة على طاري شركة الكهرب مادري البلدية وشبلاه على سياراتنا مايدرون إن صرنا حضر وبعنا الدداسن واشترينا تكاسي مطبات الشوارع كنه عقم يارجال حتى الوايت يحك بطنه ولا الحارات أنواع الحفر والحفريات .
نرجع للكهربة والجد رسالة لكم حنا عيالكم وإخوانكم كثرت الحرايق برفحاء كل يوم والثاني حريق البعض يحسبني اقصد الدفاع المدني وشد خل الكهرب لكن انتم تعرفون إن أكثر الحرايق بسبب انقطاع التيار فجأة مما سبب التماسات في أكثر البيوت حرام عليكم اول كنا نقول اللحم بالثلاجه راح فيها هالحين نقول اللحم خلوه أيولي حتى الجالكسي اللي ماع خلوه أيولي والايسكر يم أصلا يجيب اللوز وبطلنا نأكله يالربع تكفون أرواح عيالنا ماهي لعبه
صلحوا كهربكم ولا اقلعوه مانبي كهرب كل يوم بيت محترق والله يستر من اللي جاي لاتحدونا على الشكاوي والعلم الخايب .
هذي رسالة عتاب ومحبه ابعثها لكل من يهمه الأمر واعتذر إذا كنت جرحت احد من غير قصد