الله يعطيك العافية يا أخ / كتراز.
وموضوعك جميل والبلدية ودك الحقيقة إن تقوم كل شوي
وتنتف ريشة .. ليـيييش .؟
لأن الرئيس الجديد لحد الآن ماشفنا منه شيء!!
بالله سؤال : لسعادته هل يقوم بجولات داخل المحافظة وياخذ معه
أحد المهندسين (يعطيه خارج دوام) آخر أو أول الليل ويسجل
مشكلات الطرق
والشوارع . عندك مثلا : طريق الملك فهد بداية من طريق
الفاروق رضي الله عنه
حتى الإشارة ( محطة المهوس) وإلى مابعد المستشفى العام
هل جرب هالطريق
(بس ياخذ ددسن) لا ياخذ أمريكي
لأنه بالسيارة الأمريكية ماراح يحس بالمطبات ..طبعاً
(دعاية للسيارات الأمريكية).
خذ مثلاً : شارع الأمير نايف كله حفر ومطبات غير طبيعية .
خذ مثلاً : شارع ضيعت اسم الشارع . بس تراه اللي يمر من عند
الإسكان (أسكان والد الملك عبدالله رحمه الله) سواءً عاد أنت
مشرق والا مغرب فيه نزول عند غرف
التفتيش ( المجاري) أجلكم الله .
وينك يارئيس البلدية .
ترى ماعندنا إلا حامي حامي .
شد الهمة وبرأ الذمة تراك مسؤول .
تبي ريس بالفاضي .
صحيح لا أنسى الله يذكرك بالخير ياابوعمر .
كانت جولاته آخر الليل ويسجل الملاحظات والصباح ماتدري إلا
والناس تدّهر.
عمار الزيادي .
مواقع النشر (المفضلة)