الــــــــــــسلام عليكم ورحمة الله وبركاتـــــــــــــــه


القصة منقووولة
وصراحة ضحكة حتى انى من شدة الضحك ضرب راسي الجدار
مافطنت ان الجدار قريب
.
.
أترككم مع مطر . . .

.

يقال انه في الزمن البعيييييييييد زمن الجفاف والقحط
كان هناك رجل ( طرقي ) مسافر قطع الديار والفيافي والقفار
يريد البحث عن لقمة عيش ,,, الرجل هذا اسمه ( مطر)
وهو اول رجل يسمى بهذا الأسم ومافيه احد سمى قبله هذا الأسم في زمانه,,,

المهم وصل الرجل الى قوم في وسط الصحراء انهكتهم سنين القحط ولحقت بهم مجاعة عظيمة
وعند وصوله تقهوا الرجل عن طارفة القوم
وكما تجري في العادة منذ القدم انا الأهالي يجتمعون حول الطرقي او المسافر للإستماع الى اخبار الديار الأخرى
وعندما طال الحديث معه سألوا الرجل عن اسمه

قال وهو مبتسم انا اسمي (مطر) ........قالوا كلهم بفرح كبيييير حياك الله يالمطر وينك عنا من مبطي > > > وشوا

جفت ارضنا وغارت آبارنا وهلكت مواشينا قالوا يالا هالحين تمطر علينا وتسيل الشعاب والأودية وتملى آبارنا ,,

( مطر ) هذا مرة يضحك ومرة يستعجب منهم يحسب انهم يمزحون ,, وهم مايضحكون جادين في كلامهم قال مطر : انا اسمي مطر
وماني بالسحاب والمطر اللي تبونه!!!!!!!؟؟
قاموا وألحوا عليه ومسكوه بتلابيبه قالوا هالحين تمطر يعني تمطر

قالوا نت مهوب مطر قال ( مطر )
ايه انا ( مطر ) قالوا طيب امطر علينا <<<

قال لهم أن ابوي اللي سماني مطر ماني بالمطر اللي يسيل الوديان ,,, قاموا وضربوه ضرب مبرح
ثم ربطوه ورموه بحفرة قالوا تمطر يعني تمطر هالحين و( مطر ) يبكي يقول انا وش اللي رماني عند القوم

هذولي الجهله وهو يبكي مرة ومرة يصيح وينادي يقول مالكم ( عاقله )يعني عارفة القوم وكبيرهم وعاقلهم
المهم جاء عاقلة القوم ,, وهو كبير في سنة شايب ولحيته بيضاء استبشر اخوانا مطر بهذا الشايب قال في خاطرة هالحين
يبى يطلق سراحي بعد وصول هالشايب سألهم عن سالفة هذا الرجل وعلموه بالقصة وابتسم الشايب

قال
وش تبغون بمطر ليه معذبينه وطارحينه في هالحفرة هاتوه وعند ماوصل للشايب
قال ( مطر ) حتى ضربوني بعد انا ماني ( مطر ) يعني ماامطر!!! قال له الشايب

انا ابى اطلق سراحك ,, بس اباك تملى القرب وتملى حيضان بهايمنا وتروح لهلك
بغى يغمى على صاحبنا ( مطر ) وقعد يبكي قال هذا هو عاقلتكم بعد !!!؟؟؟

عندها ( مطر )انكر علاقته بالمطر والسيول وعندها زادوه ضرب ورموه مرةٍ ثانيه في الحفرة
بعد كم يوم اراد الله وتجي السحب وتصك عليهم
وتجي الأمطار الغزيرة جداً وماقعد شعيب ولا وادي الا سال وفرحوا القوم وملوا قربهم وشرب الحلال ثم اسرعوا

''القوم لصاحبنا ( مطر )
وطلعوه وجلسوه في صدر المجلس ولبسوه احسن الثياب بدل ثيابه الرثه واطعموه واسقوه وقهووه وهو مرة يبكي ومرة يضحك
متعجب اشد العجب
قالوا الله يهديك بس ,, انت لو انك من بدري امطرت علينا وريحتنا وريحت نفسك كان سلمت من الإهانه والضرب

اللي لقيته ........بعدها اخلوا سبيله ...
قالوا له عود علينا يا( مطر ) لاتنسانا
هرب ( مطر ) وهو يدعي عليهم بالقحط
.
.
وسلامتكم