قصيدة الشاعر محمد حمود الجرواني بالشيخ أحمد نايف الجربا

[ابونايف]

هذه الابيات للشاعر محمد حمود الجرواني الشمري وهي بالشيخ أحمد نايف الجربا وهو يستحق أكثر من ذلكـ والآن اترككم مع القصيده ...

( القصيدة موجهة إلى الشيخ أحمد نايف الجربا )




[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا شيخ ياللي ساير العلم والشان = كن الجدي يا شيخ لك به وصايف
ومميز ٍ يا شيخ والفعل برهان = علمك شهر مابين كل الطوايف
ولاحدٍ جهل علمك على طول الأزمان =حتى الذي بالمهد زماله لفايف
أحمد ولد نايف سلايل كحيلان = الشيخ ابو فيصل ربيع الضعايف
كم كربةٍ في حضرته كايده هان = شيخٍ على كسب النواميس حايف
ومقضبٍ ماله عن الطيب مزبان = للطير يجدع من يمينه علايف
يالهيعلي والصيرمي طير حوران = رمت المعالي ماكرك بالنوايف
الحاتمي راع الندى طلق الإيمان= زيزوم غلبا والجنب والسلايف
مقدم هل الحرشا مواريث شجعان = صلتو وجلتو يوم ضرب الرهايف
هيالعٍ تسمو على راس مابان=من هامكم يرجع معيفٍ وخايف
والي زبنكم نسي همه والأحزان= وراحت همومه مقفياتٍ نكايف
أبوك ضرغامٍ مواريث جربان= أخو مها يزهاه بدع الطرايف
شيخٍ ولد شيخٍ سلايل بليهان= نايف على اسمه دايم الدوم نايف
تل اللحم يذبح من الحيل وسمان= وحميس ضانٍ بالقحط والكلايف
اسمه على فعله موثق بديوان = محفوظ وسط مجلدٍ بالصحايف
علمه مشيد عند حضرِ وبدوان= كوكب سماوي ينظره كل شايف
وعقيل خالك شيخ وأقصاه شيخان= ستر العذارى لابسات الغدايف
ريف الضعيف وريف من جاه بلشان=شيخ الشيوخ اللي يضب السنايف
عمود بيتٍ واسط ٍ بين الاركان= وارجع وأقول أحمد فريد الوصايف
تاج الوفاء في حاجبه صار عنوان=ثقيل روز ٍ وقت عوج الجنايف
وصلوا على خير الملا نسل عدنان=المصطفى زال البدع والزوايف[/poem]



للشاعر/ محمد حمود الجرواني الشمري

(( ابو خالد ))

الحدود الشمالية - رفحاء