عجبي !!! مـوضـوع للنقاش

[كورن فليكس]

بسم الله الرحمن الرحيم
السلام عليكم ورحمة الله وبركاته .... وبعد

لا اعرف من اين ابدا ولاكن اترككم مع هذا الاعلان الذي قرئته في جريدة الجزيره ونصه (( الان يمكنك امتلاك قصيده شعريه مع كامل حقوقها للاستفسار الاتصال على رقم ............... من الساعه 8م الى الساعه 12ص ابو محمد )) انتهى الاعلان ومن باب الفضول ليس اكثر قمت بالاتصال على هذا الرقم ودار هذا الحديث....

انا.... السلام عليكم
هو .... السلام والرحمه
انا.... ياخوي انا قريت اعلان بجريدة الجزيره ومعه هذا الرقم لاكن ودي توضح لي وش قصة هالاعلان
هو.... يعني مافهمت شي
انا.... لا ياليت تفهمن
هو .... اسمع انا شاعر واكتب قصايد على الطلب اذا بغيت رثاء او مدح او غزل او اي مناسبه واعطيك القصيده بكامل حقوقها يعني تقدر تنشره بسمك
انا.... زين كم السعر
هو.... حسب القصيده كم بيت تبي
انا.... طيب البيت بكم
هو....البيت بخمسين ريال لاكن ابشر بقصيده صح
انا.... زين مشكور ويعطيك العافيه
هو.... طيب تبي ولا لا
انا....خلاص ابي بس اصبر علي اكلمك مره ثانيه
هو.... زين على راحتك
انا.... يالله مع السلامه
هو....مع السلامه
انتهى الاتصال

عجبي الى هذا الحد وصل الاستخفاف بعقول الناس الى هذا الحد وصلت الوقاحه بمدعين الشعر ايعقل ان تباع المشاعر الا يعد هذا اجرام بحق الشعر الشعبي ..امل منكم ابداء ارائكم ونصحي من هو المخطي هل هو من يكتب القصيده ام من يشتريها ام الجريده التى نشرت هذا الاعلان ام انا المخطي والجميع على حق..
عجبي !!!!!
وختامنا تقبلو تحياتي

اخوكم

كورن فليكس

[همّام]

الخطأ يتحمله الجميع البائع والمشتري والجريده التي تنشر الاعلان
والمجلات التي ترفع اسهم وألقاب من عرفت عنهم الشراء
والمجتمع الذي رفع من شأن الشعراء حتى أصبح الواحد يدفع من ماله ليكون في مصاف الشعراء

الشعر مشاعر والمشاعر لاتباع

سأذكر قصه أخرى
لي صديق وشاعر رائع شارك معنا هنا لفتره متابع ثم بقصيده واحده وانقطع لظرف
كتب قصيده وأرسلها لمجله مشهوره ومتخصصه بالشعر
فأفردوا له صفحه وذلك لقوة القصيد
تم وجدت اللقب الذي يكتب به يتصدر مختارات في الجرائد المحليه

تنومت في المستشفى فكتب لي قصيده بحق رائعه
وبعد مضي ما يقارب الخمس سنوات سمعها أحد الشعراء المعروفين نسبيا وهو شاعر
ولأن صاحبي ترك النشر طلبها منه الشاعر لينشرها باسمه
فاتصل يخبرني بالقصه

وكان رده يا اخي هذا شعوري تجاه شخص كيف اعطيه غيري .

[كورن فليكس]

صدقت اخوي همام المشاعر كيف تباع لقد وصلنا لوقت لا استغرب فيه

اجد شاعر يتفاخر بانه دفع مبلغا وقدره من اجل شراء قصيده او نجد

اخر يشتري القصائد من مبتدئين ويبيعها الى من يدعون انفسهم بكبار

الشعراء وبمبالغ خرافيه .



الشاعر المبتدئ يتمنى ان يجد صحيفه تنشر له قصائده ولاكن دون

جدوى هذا مع ان قصائده رائعه ومن كتاباته الخاصه اما مدعي الشعر

بما انه استطاع شراء المشاعر فليس بمستغرب ان يروض اي مطبوعه

يود النشر بها مع وضع مقدمه تليق بمقامه . عـــجـــبـــي !!! مره اخرى


اخوك

كورن فليكس

[المهندس]

اخي كورن فلكس
مع الاسف ان هذه الظاهرة اصبحت متفشية
كل الفرق انها غي السابق كانت مخفية وهذا الرجل اعلنها

[أبو هيا]

البيت بخمسين ريال يابلاش..

ليش زعلانين الشعراء ياخي نبي نصير مثلكم..


اخوي كورن فلكس:

اذا ما عليك امر ابي رقم الرجال ابي لي قصيده بالدب الداشر ...


صراحه:

حنا مانلوم الرجال يمكن ذابحه الجوع ولا له غير هالحيله...

نلوم المستشعرين اللي يبون من وراه الشهره(مثلي)..


شكرا لك..

[حنين الماضي]

أحيانا تلقى ناس يشترون القصيده ماهو عشان ينسبونه لأنفسهم بس عشان يقدمون شيء يستاهل للي يحبون

وده يعطي الغالي عليه شعر وهو مايعرف يكتب..... ماله حيله إلا كذا

لكن العيب اللي يبيعك القصيده بحقوق النشر!!!
وهذا باع نفسه ماباع كلمتين
ومره ورا مره تلقى شعره أصلا يصير تافه وماتحس فيه النبض والاحساس اللي الشاعر يحسه الشاعر وقت الكتابه واللي يكون السبب بكتابة القصيد
وتصير القصيده بارده وماله طعم


مشكوووور كورن