لعبة الالغاز الشعريه / جرب حضك /

[كورن فليكس]

بسم الله الرحمن الرحيم
السلام عليكم ورحمة الله وبركاته .................. وبعد

اقدم لاعزائي الاعضاء مسابقة الالغاز الشعريه والهدف هو الترفيه والتسليه

وطريقتها بسيطه هو عرض اللغز الشعري وحله اما بابيات شعريه او ذكر الاجابه مباشره.

ولا يذكر اللغز الذي يليه الا بعد حل الاول.

وارجو من الجميع المشاركه بالالغاز والحلول.


وانا أبدء باللغز الاول

يقول الشاعر حامد زيد ..

@@@@@@@@@@@@@@@@@@@@@@@@@@

بنشدك عن شي يجينا ولا نجيه ....................................
................................. مــــــره نهلي بـــه ومره نعـوفه
ان زارنا شفناه ونشوف وش فيه ....................................
................................. حتى العمى كلما يزوره يشوفه

@@@@@@@@@@@@@@@@@@@@@@@@@@


شدو حيلكم وبالتوفيق

اخوكم
كورن فليكس

[الدب الداشر]

يا صااحب اللغز ماااااهو شهر رمضاان الكريم ؟؟

[الزعيم]

أنا اقول الحلم

هاه صح

[كورن فليكس]

الغالي الدب الداشر
مالك لوا حبيب البي وشكرا على المشاركه وياليت تحاول باللغز الثاني .

:::::::::::::::::::::::

الغالي ابو قلم ياسلاااااااااااام عليك جبت الحل صحيح (( الحــلــم ))

:::::::::::::::::::::::::::::::::::::::::

اللغز الثاني .

يقول الشاعر حسن الوطري .

##################################
ويــش بنــت بــطنها شالت ولـدها ...........................
................................. والــولد بالام ماسوى جــميل
تبكي امه دوم وتاكل من جسدها ...........................
................................ وان بغت فرقاه هذا مستحيل
##################################

انتظر الحل واتمنى لكم التوفيق .

اخوكم
كورن فليكس

[الزعيم]

ياسلالالالام علي

حل اللغز الثاني ياراعي اللغز

الشمعة (( ولدها الفتيل اللي داخلها ))


بشر ... صح !!!!!!

[كورن فليكس]

اخوي الغالي ابو قلم.

ياسلام عليك جبت الحل صحيح ونص هي الشمعه وولدها الفتيل .

اللغز الثاني يـــــقـــــوووووول :

@@@@@@@@@@@@@@@@@@@@@@@@@@@
ابنشدك عن شين وانا وجهتي غرب ...............................
...................................... غصبن على يابن الاجواد شرق
لولا وجــوده ماتــهـقــويــت بــالـــدرب ..................................
..................................... وجهه حسين مــير خـده مخرق
@@@@@@@@@@@@@@@@@@@@@@@@@@@@

مع تمنياتي لكم بالتوفيق .

اخوكم
كورن فليكس

[الزعيم]

(( الاستبنه )) سبير السيارة



مادري صح والا ندور غيره

[كورن فليكس]

جدا جدا أسف اخوي ابو قلم على تاخري بالرد كنت مسافر اما بخصوص اللغز وحلك والي هو الستبنه فانا اقول مـــــــــالك لوا جرب نوبتن ثانيه

وتقبل تحياتي

اخوك
كورن فليكس

[الزعيم]

حمدلله عالسلامه ياجي من السفر


طيب نقول مفتاح السيارة


هاه حوله والا بعيد

[رفحاوي]

وشلون مفتاح السيارة الله يفتح علينا وعليك؟

[كورن فليكس]

ابو قلم
الله يسلمك وبخصوص الحل مالك لوا مع العلم ان اجوبتك كلهن قريبات للحل . حاول نوبتن ثانيه .

اخوك
كورن فليكس

[المستكشف]

هاه نقول العفريته

[الزعيم]

تدري لوحة السيارة

[كورن فليكس]

اخواني المستكشف و ابو قلم

مالكم لوا اجابه غير موفقه مع انكم حول الحل لاكن تدورن معكم اخر محاوله وبعدها بحط الحل ولغز جديد . ولكم تحياتي

اخوكم

كورن فليكس

[حنين الماضي]

انا أقول المرايه اللي تشوفون به السيارات اللي وراكم>> ماأدري وش اسمه

بليز لا تفشلني وتقول مالك لوا
قل حظ أوفر