حساس بنشر الكفرات //موضوع مهم //لآخوانى الاعضاء. .(~~)

[عروووبة]

ملاحظة / الموضوع منقول من الاميل
له فترة طويلة وكل يوم اقول ابى انزله
وأنسى . . أتمنى لكم الفائدة

حبيت انقل لكم تجربتي بشراء حساس ضغط وحرارة الكفرات لموتري لاند كروزر
طبعا الموضوع حصري لكم
تعرفون عندنا تايوتا متخلفة اسعار غالية بدون اي كماليات بالسيارة.

وهالقطعة من جد مهمة بالسيارة لان قبل لا يبنشر الكفر او لا سمح الله ينفجر هالجهاز ينبهك وجايكم بالشرح.


اسم النظام
tire pressure monitoring system
(TPMS )

طبعا دورت ولقيت انواع كثيرة لكن كان الافضل من شركة Orange حسب ما قرات من منتديات اجنبية مجربينة.
ومن ميزاتة الدقة بالحساب (السنسر يرسل الاشارة للشاشة كل 3 ثواني عن الضغط والحرارة داخل الكفر)
بطارية الحساس (سنسر) حد ادنى لها 7 سنوات (نوعها ليثيوم)
قوة الاشارة للحساسات (اغلب الانواع اذا كانت السيارة كبيرة مثل الجيب او اذا كان الزجاج مظلل ما توصل اشارة الحساسات الى الشاشة )
التركيب سهل يبيلك بنشري وانت فوق راسة تعلمة بس
طبعا حاز على عدة جوائز كافضل جهاز تقدرون تشوفون الشهادات من موقعهم.
الصنع تايواني

طبعا قعدت تقريبا شهر ابحث عن الانواع والافضل واقرا عنهم ( ملحوس يبي يتاكد قبل لا يشتري)

بعدها توكلت على الله وشريت من حبيبنا Ebay
سعرة 150$ يعني بالسعودي 573 ريال
وحمدلله وصل




طبعا المحتويات:
4 بلف للكفرات


4 سنسر


وشاشة


وسلك شاحن للشاشة من الولاعة



وفيية براغي تثبت السنر مع بلف الهواء


وتبرئة ذمة باقي قطعة





التركيب سهل:

اهم شئ مواقع السينسر
كل سنسر مكتوب وين راح يكون
مثلا هذا السنسر


مكتوب علية
LF = left front يعني الكفر الامامي يسار
LR = left rear يعني الكفر الخلفي يسار
RF = right front يعني الامامي يمين
RR = right rear يعني الخلفي يمين

طبعا مكتوب بالكتلوج هالشئ


طبعا راح يكون السنسر داخل الجنط زي الصورة






رحت لابو يمن البنشري وركبها لي
طبعا تحت اشرافي
وهذي صورة جنط الجيب بعد التركيب




طبعا بلف الهواء يجي لة اكثر من قطعة لازم تتفكك


رقم 1تكون داخل الجنط ويركب عليها السنسر (فيية برغي يشد السنسر مع البلف موجود لة صورة فوق)

رقم 2 واشر تكون من برة الجنط
رقم 3 تكون برة الجنط وهي الي تشد البلف من برة
ورقم 4 معروف



بعد ما ركب ابو يمن السنسر على الجنوط (عطيتهم على الكفر 20 ريال )
وحطوا كل كفر بمكانة
شغلت الشاشة داخل السيارة وكنت متوقع 60% ما تضبط

لكن ولله الحمد ثواني والشاشة شغالة وحاسبة الضغط وحرارة الكفر
هذا ضغط الكفرات




وهذا حرارة كل كفر


وبعد ما مشيت شوي تغيرت درجة الحرارة




الشاشة تتغير كل خمس ثواني تقريبا
وتقدر تغيرها بالزر

كنت متخوف انة ما يشتغل لان الموتر مظلل وتوقعت الاشارة تقل لكن حمدلله شغال زي الفل
ومشيت 160 والاشارة ممتازة

باقي شئ اخير
بليل وانا طالع قعد يصيح عندي الجهاز

قلت يا فرحة ما تمت الجهاز خرف



وقفت عند بنشري طلع حقيقي نازل الهواء والسبب ان ابو يمن ما شد البلف
المهم شديتة وحمدلله الحين مضبوط معي
وهذا مقطع فيديو صورتة لكم
http://www.youtube.com/watch?v=0uYtdHr5QyI

وهذا صورة كفر مع السنسر



حبيت انقل لكم تجربتي وادري سويتها فلم هندي
بس قلت لازم انقل لكم كل شئ للامانة


تم الاميل

وهنا أقول
الانسان يفعل الاسباب والحافظ الله

ملاحظة ثانية:
هناك موضوع ثانى عن قريب
أن مانسيت
عن أسعار قطع السيارات الخيالى والنصب وتوفيرها بأقل من سعرها
تريونا

عاد انتم ابلشوا بالجهاز
وأنا ابي اشري سيارة تحسي :
الكفر الايمن يبي يبنشر
أن البانزين قضى << حلوه قضى
الكفر يبيلوا تغيير




لزوم نعلم الشيييييييييييييييييييييييييخ بالسالفة

[فتى نجد]

المفروض يصرف لك شهادة ياعروبه
من ادارة السلامه في المرور
على التوجيه والارشاد

وحنا نشكرك على المعلومه القيمه
واي مشوار لك المفروض نوديك دون مقابل
فكيتينا من البنشر

[تربوي]

جهاز رهيب جدآ

شكرآ عروووبة

[عقارب]

والله سي حلو هذا الحساس
الله. يعطيك العافيه ياعروبه

[شمـــاليه]

والله اني مافهمت شين ياعروبه
لكن الله يعطيك العافيه ولاهنتي

[أرطبون العرب]

يعطيك العافة عاد وين نحصل الجهاز يجينا إنشاء الله بعد عشر سنين ^ـ^

[ريانه]

والله اني مافهمت شين ياعروبه
لكن الله يعطيك العافيه ولاهنتي

هههههههههههههههههههه
سيم سيم انا

[مياح الشمري]

مشكرة اختي عروبة على هيك معلومة
جزاك الله الف خير
تقبلي مرور

[عروووبة]

المفروض يصرف لك شهادة ياعروبه
من ادارة السلامه في المرور
على التوجيه والارشاد

وحنا نشكرك على المعلومه القيمه
واي مشوار لك المفروض نوديك دون مقابل
فكيتينا من البنشر

اضحك الله سنك
مشاعر طيبة
وأن شاء الله يكون به فائدة

حياك

[عروووبة]

جهاز رهيب جدآ

شكرآ عروووبة

العفو الطيب تربوي
أن شاء الله يكون مفيد

حياك

[عروووبة]

والله سي حلو هذا الحساس
الله. يعطيك العافيه ياعروبه

وانت الصادق اخى عقارب
سي وسويات

العفو
وحياك

[عروووبة]

والله اني مافهمت شين ياعروبه
لكن الله يعطيك العافيه ولاهنتي

انتى صفطي على جنب
وخليك معى بسياراتنا الى تحسي

[عروووبة]

يعطيك العافة عاد وين نحصل الجهاز يجينا إنشاء الله بعد عشر سنين ^ـ^

ان شاء الله تحصله
أصلا يقولون ان بعض السيارات يجي جاهز فيها

حياك

[عروووبة]

هههههههههههههههههههه
سيم سيم انا

صفطي على جنب
سيم سيم شمالية

[عروووبة]

مشكرة اختي عروبة على هيك معلومة
جزاك الله الف خير
تقبلي مرور

العفو اخي مياح
وان شاء الله تستفيد

حياك