تكفون يكفي

[أبو غلا]

.. استغفرالله ..


تكفون ياشباب
يكفي سرعه
يكفي تهور

الى متى واحنا نسمع

فلان جاه حادث ثم توفى
فلان جاه حادث وجاه كسووور

وانتم مازلتم في السرعه
راح يقول بعضكم احنا متوكلين على الله
ايه نعم متوكلين لكن لازم فعل السبب
وهو ان الواحد مايسرع ,,

تدرون ان
في سرعتكم هذي
تخلون امكم تخاف عليكم
حتى ان احدى الامهات تقول
اذا ركبت مع ولدي اتمسكـ
من شدة سرعته
وانتم عارفين الام كيف تخاف على ولدها
ودائماً تقول

ياولدي لاتسرع
وانت راح يكون ردك المعروف

الطريق مافيه احد
والا يقول لا تعالي سوقي عني احسن
انا ما اعرف اسوق يعني

والله ماقالت هالكلام الا لانها خايفه عليك
غيرك يتمنى ان احد يقول له لاتسرع
يتمنى ان فيه احد يخاف عليه

** سؤال محيرني **
ليه تسرع

ليه تعرض حياتك للخطر

عشان موعد مع فلان
بكيفه الموعد يروح ولاتروح انت
اهم ماعليك نفسك

والدتك

زوجتك اذا كنت متزوج

عيالك

وش راح يكون موقفهم
اذا سمعوا انه جاك حادث
تذكر كل ما اسرعت
ان فيه احد ينتظركـ
ينتظر رجعتك له

والحين ولله الحمد جاء الحل
لتخفيف السرعه
الا هو نظام ساهر
والاغلبيه مو راضي عليه
لكن الواحد لو يفكر
هم وش الغرض يوم ينزلون هالنظام
مانزلوه الا لانهم خايفين عليكم
كم سمعنا عن اعداد الوفيات بسبب الحوادث
وهم حابين يقللون من هالنسبه الهائله

ياخوي
بعد هالكلام
مازلت مُصر على السرعه
والا راح تتغير
لو مو عشان ساهر
ولا عشان نفسك
على الاقل
عشان امك
وترى فعلك لهالشي وطاعتك لها من البر

اخواتي
اذا كان احد اخوانك
من النوع اللي يسرع
ليه ماترسلين له الموضوع على ايميله
سبحان الله يمكن يستجيب

اعذروني فقد كتبت الموضوع بالعاميه
لكي يكون ابلغ في ايصال المعلومه

[شريدة الشريدة]

.
اعذروني فقد كتبت الموضوع بالعاميه


لكي يكون ابلغ في ايصال المعلومه [blink] ? ?!! [/blink]

بارك الله فيك على حرصك ونصحك

[شامي الدهيمان]

يعطيك العافية
كلام في الصميم والله يهدي الجميع ويخفظهم

تقبل مروري

[ريانه]

ساهر ادبهم صح


شكرا ً على حرصك ونفع الله بكلماتك