قصتي...إحساس

**إحسـاس** · 27 Dec 2010, 09:54 PM

أنا يتيمه واليتم ياعرب شين
لوا عذاب اللي فقد والدينه

ابوي مات وانعمت عقبه العين
من كثر ما ابكيه واصيح وينه

وامي خذت عقبه وجابت بزارين
ونسيت مع الايام دمعة جنينه

يايمه ليت انك تجين وتشوفين
وشلون بنتك شيبت به سنينه

محتاجه لك ابيك ليتك تحسين
اني على شانك حياتي حزينه

نذرت يمه لاجل لقــــياك نذرين
وإحساس تعطي كل مافي يدينه

اظن رفحا طولها حول مترين
لا يابعد قلب الجروح الدفينه

وليته تجي وتشوف قلبي غدا اثنين
نصن توفى ونص يُسمع ونيـــنه

**فزاع** · 27 Dec 2010, 11:23 PM

صح لسانك على الابيات الحزينه

والله يرحم اموات المسلمين جميعاً

مشاء الله قسم همس القوافي فيه رقي بالشعراء والشاعرات .

**شمـــاليه** · 28 Dec 2010, 12:27 AM

ااااااااااااالله يا إحساس
رحم الله والدك وحنن قلب امك عليك
صح لسانك قصيدة جميله ادمت قلبي

**عروووبة** · 28 Dec 2010, 12:32 AM

احساااس
مهما يكون ومهما صار

ترى قلب الام مافيه زيه ابد
ولا تلومينها يمكن الزمن والضروف ماساعدتها
وربي يجمع شملكن ويسر عينك ببر ذريتك

ويرحم ابوك

خيتى لاتحطين شي بقلبك وسامحي
وراح تلقين الخير كله
بحول من لاتنام عينه
.
يارب

**شامي الدهيمان** · 28 Dec 2010, 02:40 PM

عزآه ياقلب (ن)... فقد والــــدينه ..... ......واحد تبع قسمه واحد تحت قاع
من أول (ن) بإحضانهم محتوينه ............واليوم يشكى من كثيرات الاوجااع
علمه بساعات الفرح والسكينه....... ......يوم(ن) اعز الناس يصفق بالاصباع
بعد الفرح تذرف من الدمع عينه .......... والقلب في وسطه مجاوييع و سبآآآآع
مرحوم... ياعوداً كساكم.. حنينه........... عساه للجنه وبالقبر ما راع
والأم يهديها مقد السفينه .................وترجع تضمك ضمة(ن) تشف الإوجاع

الله يرحم الميت ويهدي الحي عيشتنا جو حزن

تقبلي مروري وخربشاتي.......

**إحسـاس** · 28 Dec 2010, 03:12 PM

[quote=فزاع;477896]صح لسانك على الابيات الحزينه

والله يرحم اموات المسلمين جميعاً

مشاء الله قسم همس القوافي فيه رقي بالشعراء والشاعرات .[/quote]

ااولا حي الله شاعرنا فزاع وين الغيبات عسى المانع خير شاعرنا

اما عن القسم فو الله انا جديده هنا ..وان شاء الله القسم يشتعل بوجودك واخي همام والغالية شمالية
وابو بادي وفتى نجد ..وابضا انا اكتشفت شاعر رائع ....

توقعوا منهو ؟؟
<
<

السلهومي تراه ياعرب مهو بسيط ( مسوي نفسه مشرف بس)

وترانا نطالبه بقصائد ورديات بعد ,,

شكرا لك اخي فزاع

**إحسـاس** · 28 Dec 2010, 03:18 PM

المشاركة الأصلية كتبت بواسطة شمـــاليه

ااااااااااااالله يا إحساس
رحم الله والدك وحنن قلب امك عليك
صح لسانك قصيدة جميله ادمت قلبي

هي قصاصة قديمة في دفتري كتبتها من سنين
وحبيت احرك فيها القسم
والله لا يجيب الحزن الحمدلله سهود ومهود

عاد مابي احزنكم ياقلبي

هاه شماليه تراه بس كذا

**إحسـاس** · 28 Dec 2010, 03:23 PM

المشاركة الأصلية كتبت بواسطة عروووبة

احساااس
مهما يكون ومهما صار

ترى قلب الام مافيه زيه ابد
ولا تلومينها يمكن الزمن والضروف ماساعدتها
وربي يجمع شملكن ويسر عينك ببر ذريتك

ويرحم ابوك

خيتى لاتحطين شي بقلبك وسامحي
وراح تلقين الخير كله
بحول من لاتنام عينه
.
يارب

هلا عروبه

قلبك كبير

ابشري ماتوصين حريص طيب ماعاد اكتب محزن اخر مره لي

**إحسـاس** · 28 Dec 2010, 03:30 PM

المشاركة الأصلية كتبت بواسطة السلهومي

عزآه ياقلب (ن)... فقد والــــدينه ..... ......واحد تبع قسمه واحد تحت قاع
من أول (ن) بإحضانهم محتوينه ............واليوم يشكى من كثيرات الاوجااع
علمه بساعات الفرح والسكينه....... ......يوم(ن) اعز الناس يصفق بالاصباع
بعد الفرح تذرف من الدمع عينه .......... والقلب في وسطه مجاوييع و سبآآآآع
مرحوم... ياعوداً كساكم.. حنينه........... عساه للجنه وبالقبر ما راع
والأم يهديها مقد السفينه .................وترجع تضمك ضمة(ن) تشف الإوجاع

الله يرحم الميت ويهدي الحي عيشتنا جو حزن

تقبلي مروري وخربشاتي.......

شاعرنأأأأأأأأأأأأأأأأأ الرااااائع السلهومي
صح لسانك احد قالك انك مبدع قبلي؟؟

اتمنى ماتبخل علينا بجديدك

اما اني عيشتك جو حزن فو الله اني آسفة جدا

بس قلت احرك القسم بشيء يبكي < حلوه هذي

للأعضاءالانقياء اصدق دعواتي ..

وللسلهومي : انتظر جديدك يامبدع

**فزاع** · 28 Dec 2010, 03:49 PM

المشاركة الأصلية كتبت بواسطة إحساس رفحاء

[quote=فزاع;477896]صح لسانك على الابيات الحزينه

والله يرحم اموات المسلمين جميعاً

مشاء الله قسم همس القوافي فيه رقي بالشعراء والشاعرات .

ااولا حي الله شاعرنا فزاع وين الغيبات عسى المانع خير شاعرنا

اما عن القسم فو الله انا جديده هنا ..وان شاء الله القسم يشتعل بوجودك واخي همام والغالية شمالية
وابو بادي وفتى نجد ..وابضا انا اكتشفت شاعر رائع ....

توقعوا منهو ؟؟
<
<

السلهومي تراه ياعرب مهو بسيط ( مسوي نفسه مشرف بس)

وترانا نطالبه بقصائد ورديات بعد ,,

شكرا لك اخي فزاع [/quote]

تحيه طيبه لشاعرتنا الرائعه والمثاقفه احساس

خير ان شاء الله بسب المشاغل لاعدمناك

منورت قسم همس القوافي وننتظر جديدك.

**إحسـاس** · 28 Dec 2010, 04:10 PM

اهلا فزاع وآخر الغيبات ان شاء الله لاننا فقدناك ترى

ويالله اطربنا بعد نبي جديدك شاعرنا

**ريانه** · 28 Dec 2010, 08:35 PM

ياحلووو الابيات اللي تقولينها

تلامس احساسي بشكل خطيرر

انتي رائعه ..مبهره .. جذابه بكلماتك

سجلي اعجابي بقلمك .. زادك الله من فضله

دمت ِ بسعاده

**شامي الدهيمان** · 29 Dec 2010, 03:14 PM

المشاركة الأصلية كتبت بواسطة إحساس رفحاء

شاعرنأأأأأأأأأأأأأأأأأ الرااااائع السلهومي
صح لسانك احد قالك انك مبدع قبلي؟؟

اتمنى ماتبخل علينا بجديدك

اما اني عيشتك جو حزن فو الله اني آسفة جدا

بس قلت احرك القسم بشيء يبكي < حلوه هذي

للأعضاءالانقياء اصدق دعواتي ..

وللسلهومي : انتظر جديدك يامبدع

حياك الله أختي العزيزة ..... بالعكس جو الحزن عائش فيه من ثلاث سنوات .. وبديت اخرج منه من كم شهر ...واليوم للأسف تجدد عندما فتح لي موضوع بالمنتدى

الي قال لي مبدع (( دفنته بيديني )) الله يرحمه ويرحم أموات المسلمين

شعري مثل شعر ابو سهتل ...... لا ترفعين بي واصدق نفسي

**إحسـاس** · 29 Dec 2010, 04:10 PM

السلهومي

ضحكتن..ارفع بك؟

لا والله مارفع بك والله انك مبدع

واطالب شمالية تستضيفك بعد شاعرنا همام عشان نطلع

اللؤلؤ من جوفك وما عاش الحزن بها الفانية < استمتع بحياتك

يامبدع وخالقي

**إحسـاس** · 29 Dec 2010, 04:12 PM

المشاركة الأصلية كتبت بواسطة ريانه

ياحلووو الابيات اللي تقولينها

تلامس احساسي بشكل خطيرر

انتي رائعه ..مبهره .. جذابه بكلماتك

سجلي اعجابي بقلمك .. زادك الله من فضله

دمت ِ بسعاده

ريانة بنت نجد الحالمة

ما لامست احساسك الا لانك كلك حس

هلا بك ومن متابعيك تراي

آخر المشاركات

الموضوع: قصتي...إحساس

أدوات الموضوع

تقييم هذا الموضوع

عرض

قصتي...إحساس

المواضيع المتشابهه

قصتي مع القراءة

أقنعة مزيفة يتعامل بها البعض هل هو إحساس بالنقص أم لعب بمشاعر الآخرين ؟

إحـسـاس مـؤلـم انه

إحساس مزعج

أحــــــــســــــــاس مــــــــــؤلـــــــــــــــــــــــــم

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة