][من مطبخي..حلا الأوريو البارد ][

[شمـــاليه]

بسم الله




قبل كم يوم نزلت الاخت / عبير الشوق حلا الأوريو البارد اعجبني الموضوع جدا ً وبما ان الحلا علي بكره قلت يابنت "شمرّي عن ساعديك "
والله وانا اللي افزع واجيب كاميرتي قلت قصم قصمات الا يشوفونه ان راد ربي

اخليكم مع الصور




المقادير :

علبة كيك امريكانا بالشوكولاته
شوكولاته سائلة




مقادير الخلطة (1)

20 حبة اوريو
علبة قشطة
ظرف دريم ويب
2 مارس
ربع كأس حليب بارد


مقادير الخلطة (2)

علبة قشطة
2 دريم ويب
3 حبات جبن كيري


الطريقة:

يقطع الكيك شرائح متساوية ويصف بالصينية ونصب فوقه بعض الشوكولاته السائلة





تخلط مقادير الخلطة (1) في الخلاط الطويل ( الخاص بالعصير ) وتوزع فوق طبقة الكيك
[ لون الخلطه غامق عشان ماحطيت اوريو بالحليب









ثم ندخل الثلاجة حتى تجمد الطبقة الأولى ( تكفي نصف ساعة )

نخرج الصينية من الثلاجة ونخلط مقادير الخلطة (2) وتوزع فوق الطبقة السابقة












ويزين الوجه بحبات الأوريو وبعض الشوكولاته السائلة







تدخل الثلاجة حتى تتماسك وتقطع وبالعافية ..


عاد بكره اقولكم طعمها كيف

[عبير الشوق]

ماشاء الله عليك والله انك مبدعه

وانا اللي منزلته لهالحين ماسويته كل يوم اليوم (كسوله)

سلمت الايادي اللي تعبت وسوت

صحتين وعافيه على قلوبكم

تحياتي ...

[عروووبة]

تسلم دياتك شمشم
على الحلااااا

وشكرا
لعبير على الطريقة السوهله
اوى اوى

[شمـــاليه]

ماشاء الله عليك والله انك مبدعه

وانا اللي منزلته لهالحين ماسويته كل يوم اليوم (كسوله)

سلمت الايادي اللي تعبت وسوت

صحتين وعافيه على قلوبكم

تحياتي ...

لا تقولين مبدعه ثم اشوش عليكم واحوم على الطبخ حوم
تريني ماينقالي انزحي وراتس

حياتس وبياتس والابداع انتي جبتيه
اشكرك على مرورك وعلى الطبق الرائع ..
لاهنتي

[شمـــاليه]

تسلم دياتك شمشم
على الحلااااا

وشكرا
لعبير على الطريقة السوهله
اوى اوى

هلابتس بعد حيي
العفووو وحياتس وبياتس لاهنتي

[أرطبون العرب]

شمالية أنتـــي طبـــيــخــه ^ـ^

[ريانه]

وليه متعبه نفسك
سخني الحليب وحطيه بكاسه
وهاتي صحن وحطي فيه الكيكه والمارس والاوريو

وروحي عند التلفزيون وكليهم بالهناء والعافيه
منها ريحتي عمرك من خلطهم وتوسيخ الصحون
ووفرتي القشطه والكيري للعشاء

خخخخخخخخخخخخخ




















































شماليه تسلم الايادي خيتوو
اعجبني نشاطك يالطخما

[الدب الداشر]

..

شمـــاااليـه ..

سأرد لك الكيلة بعد كم يــوووم ..

صبرك علي .. هذا قليل مهما ترى من تضحيات .. هذا قليل .. !!

لأفقعن كبدك بمنسف ينسف شهيتك المستعلبة ..

[ابونايف]

يعطيك العافيه شكلها روعه باقي ننتظر النتيجه النهائية بعد المعركة صباح اليوم ...

وياليت يكون فيه صورة الفريسه بعد وقبل ...

[شمـــاليه]

شمالية أنتـــي طبـــيــخــه ^ـ^

اول ماقريتها بطيخه خخخ
حياك وبياك ارطبون وخلنا نشوف طبخ ام ارطبون

[شمـــاليه]

وليه متعبه نفسك
سخني الحليب وحطيه بكاسه
وهاتي صحن وحطي فيه الكيكه والمارس والاوريو

وروحي عند التلفزيون وكليهم بالهناء والعافيه
منها ريحتي عمرك من خلطهم وتوسيخ الصحون
ووفرتي القشطه والكيري للعشاء

خخخخخخخخخخخخخ




















































شماليه تسلم الايادي خيتوو
اعجبني نشاطك يالطخما

الله يسلمتس ويعافيتس ايه وش ورانا غير الطبخ الله يجزاتس خير
الحقيقه اني لا اجيد الحلويات ولا تستهويني عشان كذا تشوفيني ضاغطه على نفسي اسويها
والحمدلله ماشي الحال
بس لو تخيريني بين طبخ وجبه رئيسيه وبين صينية حلا اخترت الوجبه الرئيسيه

منوره يالزينه

[شمـــاليه]

..

شمـــاااليـه ..

سأرد لك الكيلة بعد كم يــوووم ..

صبرك علي .. هذا قليل مهما ترى من تضحيات .. هذا قليل .. !!

لأفقعن كبدك بمنسف ينسف شهيتك المستعلبة ..

انا اشك ان الدايت لاعب فيك لعب عشان كذا اشوفك حول الاكل والطبخ

وانا بأنتظار المنسف وعلى فكره من الاصناف اللي اجيدها المنسف وراح انزل صور له ان سويته ان شاءالله
ننتظرك يالدوب ولا تنسى الصور والحوسه

[شمـــاليه]

يعطيك العافيه شكلها روعه باقي ننتظر النتيجه النهائية بعد المعركة صباح اليوم ...

وياليت يكون فيه صورة الفريسه بعد وقبل ...

حياك وبياك ابو نايف النتيجه خطيررررررررررررررره صراحه الكل اخذ الوصفه العجيبه
وهذي صوره للصينيه قبل بداية الحصه الاولى <



وجيت ابي اصور حقيقه بعد الهجوم بس عينك ماتشوف الا النور قزازه تلمع ماشاءالله

[ابونايف]

ههههه

بالعافيه على الجميع شغل عدل ...

[شمـــاليه]

ههههه

بالعافيه على الجميع شغل عدل ...

الله يعافيك حياك وبياك