يابن رخيص اللي له الطيب نبراس

[الشاعر بدر سعيد]

بسم الله الرحمن الرحيم

السلام عليكم ورحمة الله وبركاته اما بعد

يتشرف الشاعر / بدر بن سعيد بن شباب العتيبي بأنزال هذه القصيده في منتديات رفحاء

الـــى كاسب الطيب الرائد / هابس بن عقيل بن هايس الرخيص حفظه الله من كل مكروه

أتمنى ان تليق هذه القصيده بمقام كاسب الطيب والمعذره في التقصير ....

[frame="1 80"]الله من عينآ جفت حلوالانعاس
عافت لذيذ النوم مما تخيله
مثل السجين اللي وراالباب حراس
قطع الرجا والهم جوفه يشيله
وانا علي هموم والبال منحاس
مثل الجبال الشاهقات الثقيله
اخفيه مبغا الملامه من الناس
والقلب كنه فوق حام المليله
صابر على ظيم الليالي والاتعاس
ولا كل حملن نرتكيله نشيله
الا وبأمر اللي فرق ناس عن ناس
يفرج عن اللي راح مثل الفتيله
ياابن رخيص اللي له الطيب نبراس
يكاسبآ تاج الفخر والجزيله
هابس كما حرآ على الطلع قرناس
مزبن المضيوم ساعه يجيله
من دق به مثلي من الهم هوجاس
منصاه شيخآ للحمول الثقيله
لهم مع اهل الطيب كارآ ومجلاس
جده وابوه بطيبهم ينتميله
احفاد حاتم بلا حد وقياس
من ينكر المعروف ربي يزيله
قلته من خافي المشاعر والاحساس
تعبير صادق عن كثير القليله [/frame]

[همّام]

وعليكم السلام ورحمة الله وبركاته

نحن نتشرف بوجودك بيننا

صح لسانك على هالقصيده الجميله


وننتظر منك الجديد إن شاء الله

[مياح الشمري]

وعليكم السلام ورحمة الله وبركاته
اول شي حنا أعضاء منتديات رفحاء لنا الشرف فيك

صح لسانك

[شامي الدهيمان]

حياك الله ونتشرف بوجودك بيننا

ونعم بك وببن رخيص

ننتظر المزيد من ابداعاتك

[ريانه]

وعليكم السلام ورحمة الله وبركاته
ماشاء الله وتبارك .. سبحان من طوع الحروف للشعراء

صح لسانك ويستاهل كاسب الطيب

ونسعد بوجودك .. وننتظر رائعه اخرى من روائعك

[ابوبادي 12]

عليكم السلام وحياك الله ونتشرف بوجودك مع اخوانك الشعار

[الشاعر بدر سعيد]

اخوي همام الشكر لله ثم لكم جميعأ

مشكور اخوي ع مرورك ويشرفني ردك الراائع

دمت بخير

[إحسـاس]

رائعة حد الإبهار فصح قلبك شاعرنا ونعم بالاجواد