إن صـار زود المال بيدين الانـذال ...

[الزعيم]

[poet font="Tahoma,2,blue,bold,normal" bkcolor="transparent" bkimage="" border="double,4,red" type=0 line=200% align=center use=ex length=0 char="" num="0,black" filter=""]
إن صـار زود المال بيدين الانـذال =حنـّا مـن المعـروف تندا يدينا
وان كانهم شرهوا على طيب الافعال =حنـّا وردنـا جـمامها وارتوينا
وان فكـّروا للجـود يمشون رحّال= حنـّا قبـل يمشون يـّمه خطينا
يـا مـا لبسنا للشرف كـل سربال = وعلـى البسيطة للفضيلـة مشينا
فـي دوحـة العربـا لنا مجد وظلال =وحنـّا علـى در المكـارم غـذينا
لـو نـجمع اللي فات منا مـن المال= إن كـان شيدنـا القصور وبنينا
نـعطي ولا نـتبع عطانـا بالاقـوال =ونبـذل ونسكت كنـنا ما عطينا
وان باعـوا الشيمـة بديـنار وريال =حنـا دخلنـا سوقهـا واشتـرينا
نطلـع لها لـو هي على روس الاقذال = لـو هـو عسيـر ٍ دربها ما انثنينا
بـافعالنـا نرسم دروب ٍ للاجيـال = إلـي نساهـا غيـرنا مـا نسينا
أسـود سـادات ٍ تسجل للاشبـال = فضايـل ٍ شـمنا لهـا واهتديـنا
بـيض ٍ نسجلهن جديدات وسـمال = حـفايـظ ٍ لاحفادنـا اللاحقيـنا
نصبـر على الشـّدات لـو شيلنا مال = لـو سـال دم دفوفـنا ما شكينا
نـخاف يلقـى سـدنا كـل ختـّال = ويـبني هـزيلات المعانـي عليـنا
الليـل يـا خالـد علـى والدك طال = وهنـّيـت ناس ٍ بالكـرا نـايمينا
يا عـز راسـي شفت مـا خبث البال= شـي ٍ يهـوّل شيـّب الـجاهلينا
شـي ٍ مـن اسبابـه يشيب بالاطفال = فطّـر خـشوم مهجـرعات الحنينا
أديـر قـالات ٍ عريضـات وطوال = قـالات خـلنّ المخفـىّ يـبـينا
منهـن رزيـن العقـل بالوقت يهتال =بـوقت ٍ عبـوس ٍ فطّـن الغافلينا
وقـت ٍ من اسبابـه شكى كل ريبال = نصبـر ونسكـت كنـنا غايـبينا
النـاس بـالأيـام راحـل ونـّزال = وتفجعهم الدنـيا وهـم دالـهيـنا
وحـيـات رب ٍ نزل آيات الانفال = عـالـم خفايـا نـية الحاقـدينا
ما اترك طريق العدل في كـل الاحوال = لـو يـرحـل المـريـخ للفرقدينا

[/poet]

محمد الاحمد السديري

[أبو هيا]

قصيده اكثر من رائعه يابوقلم...


شكرا لك

[المستكشف]

شكرا لك يا اخي العزيز ابو قلم على اختياراتك الجميله

[الأسلمي]

اختيار موفق

ومشكوووووووووووووووووووور

[راعي غنم]

قصيدة رائعه من كاتب رائع

[الزعيم]

الاعزاء

حمود 18، المستكشف ، الاسلمي ، راعي غنم


كل الشكر لكم ولجميل عباراتكم

فالروعة الحقيقية هو مروركم واطلاعكم وتذوقكم للشعر الجميل


ولكم تحاياي

[ابو شنب]

الله يعطيك العافيه

ومحمد السديري من افضل الشعراء وقصايده حكم ومعرفه

[الزعيم]

الله يعافيك اخوي ابو شنب

[جرواني]

[align=center][poem=font="Simplified Arabic,4,royalblue,normal,normal" bkcolor="transparent" bkimage="" border="double,4,tomato" type=0 line=0 align=center use=ex num="0,black"]
وان بـاعـوا الشيـمـة بـديـنـار وريـــال=حـنــا دخـلـنــا سـوقـهــا واشـتـريـنـا
نطلع لها لو هي على روس الاقـذال=لــو هــو عسـيـر ٍ دربـهـا مــا انثنـيـنـا
بافـعـالـنـا نــرســم دروب ٍ لـلاجـيــا =إلـــي نـسـاهـا غـيـرنـا مـــا نـسـيـنـا [/poem]


الأنذااااااااااااااااال كثيييييييييييرهالايااااااااااااااااام

صح لسانك الزعيم ولسان السديري[/align]