" لا تنسى " ترى أميرنا أبوه عبدالعزيز إبن مساعد

[طواري الجنيدي]

,


ذات يوم في مجلس أحد الأصدقاء

وبينما بنات أفكاري تحاول الإلتقاء

لتخلق فكره جديدة بعد فوضى عارمه إستمرت لشهور

وعلى حين غره

داهمني صديقي بسؤال :

طواري

أنا : هلا

هو : وش القصيده اللي تمنيت إنها لك؟!!

أنا : قصيدة خضير بن صعيليك الأسلمي اللي قالها في مدح الشيخ عبدالكريم الجربا

هو : تعرف منها شي ؟

أنا : اللي يقول فيها : ـــ


يا شيخ انا جيتك على الفطّر الشيب
========= قـزّان مـن دار المحبيـن دبّـاب

دبـاء علـيّ و دبّ منـي بتقريـب
========== قل المواشي يـا ذراء كـل من هـاب

من دارنا جينـا لـدارك مغاريـب
======== يمّـوم نجـمِ لا تغيّـر و لا غـاب

متخيرك يا منقـع الجـود والطيـب
========= لا خيّب الـله للاجاويـد طـلاّب

سلام من قلبٍ محـبٍ بـلا ريـب
========== له يستتبّ الشاب و يشبّ من شاب

يالجوهر الناريز يالعطـر يالطيـب
========= يالصعل يالصهّال يا حصان الاطلاب

يالزير يالزحّـار يالنمـر يالذيـب
======== يالّليث ياللاّيوث يالشبـل يالـداّب

يالضاري الضرغام عطب المضاريب
========= يالفرز يا مفراص ضده و الاجنـاب

يالنّادر الهيلـع عقـاب المراقيـب
======== يا نافلٍ جيلـه بعيديـن و أقـراب

نطّاح طابـور العساكـر إليا هيـب
========== ستر العذارى لا غشى الزمل ضبضاب

عيبك الى من قالوا الناس بك عيـب
========== بالسيف لأرقـاب المناعيـر قصّـاب

و عيبك الى من قالوا الناس بك عيب
======== للسمن فوق مفطّح الحِيـل صبّـاب

و ذبح الغنم و الكوم حرش العراقيب
======== و أعطى المهار و بذل مالٍ بلا حساب

و بك شارةٍ كب الفـراد المحاديـب
========= و بذل الطعـام و للتنافيـل كسّـاب

و نمـراء تجـرّه للعـداء و الاجانيـب
========= تفجاء بها غرّات ضـدّك بالاسبـاب

و من عقب ذا بالعون مابك عذاريب
======== احلى من السكّر على كبد شـرّاب

جيناك فوق الهجن شيب المحاقيـب
======= لمشاهدك يا شوق وضّـاح الانيـاب

الحر يضرب بالكفـوف المعاطيـب
========== و التّبع قناصه من الصيد مـا جـاب

و انت الذي تافي بكـل المواجيـب
========= كنك هديب الشام بالحمِل عتّـاب

تثني لابو صلفيـق ما بـه تكاذيـب
========= شيخ الصخى معطي طويلات الارقاب

ياما عطيت اللي يجونـك طلاليـب
========== كم واحد جاء لك من الوقت منصاب

و فرجت همّه في كبـار المواهيـب
========= من عيلمٍ يزمي كما يزمـي الـزّاب

عز الله انك طيب و تفعـل الطيـب
======== و الطيب يجنى منك يا زاك الانسـاب

و لا هو كثيرٍ يا مهـدي الاصاعيـب
============أفعالكم يعـدّه اللـي بالاصـلاب


هو : تتمنى تقولها بمن ؟

أنا : لأميرنا إبن مساعد

هو : ماتوقعتك ياطواري تشحذ , وش تبي يعني بيت ولا سياره ولا يسد دينك

أنا : لا والله مو هذا مناي ومبتغاي , وأميرنا يستاهل اللي يمدحه من دون شحذه أو حاجه

هو : طيب وش تبي ؟

أنا : أبيه يثبت كتيبة الحرس الوطني اللي في عرعر واللي في رفحـاء ويفزعلهم ماينقلون للقصيم

هو : وش تتوقع يسوي الأمير ابن مساعد لو القصيده إنقالت فيه , وإنت قلتها قدامه بمكتبه , تتوقع إن الأمير متعب بن عبدالله يقبل شفاعة أميرنا ويثبت كتائب الحرس بالشمال ؟

أنا : أميرنا أبوه عبدالعزيز إبن مساعد ــ رحمة الله عليه ــ حتى بريطانيا وأمريكا كانت تهابه وتهاب بس من سماع إسمه قبل فعله
وماطوّع هالديار هذي كله ووحده وخلاّه تمشي على مبتغى جلالة الملك عبدالعزيز بن سعود إلا ّ أبوه الأمير عبدالعزيز بن مساعد رحمة الله عليه
وهذي مسأله بسيطه

هو : طواري إنت موظف في بنك الرياض وبمدينة الرياض , من يقرب لك بالحرس برفحـاء أو عرعر عشان تهتم بالحرس كذا ؟

أنا : والله مايقرب لي أحد بالحرس الوطني لا في رفحاء ولا في عرعر , لا أبوي ولا عمامي ولا خوالي ولا أبناء عمامي ولا أبناء خوالي ولا حتى أخواني

هو : طيب ليش ؟

أنا : ياخي كل ما أقول إن الشمال نهض وصارت له أهميه ومكانه ــ وللأسف ــ يأتي من يحد من هذا النهوض
حتى الطرق الجديده صاروا يحرفونها عن الشمال , والطريق اللي يربط حفرالباطن برفحاء من عرفناه وهو تحت الصيانه !!
والحين يبون ينقلون كتائب الحرس الوطني
بالله من يبقى برفحـاء و عرعر إذا نقلوا الحرس
أكثر من نص الأهالي ينقلون
آلاف العوائل راح يتغربون
كم عسكري بنى بيته وهو يتابعه كل يوم حتى كلى وجهه سموم الصيف وصرايم الشتا , وكم عسكري إشترى بيته بدين ولعنة والدين
العسكر يبون بيت يجمعهم ويلم شملهم مع عوايلهم وعيالهم , والحياة وأنا أخوك صعبه , والمتطلبات ماتجي بالساهل ....
وتصدّق عاد يالعشير لو أن القصيم فيها شي يستوجب تواجد كتايبنا فيها ماراح يقعدون دقيقه وحده بالشمال , كلهم فدى للمليك والوطن
والدلايل كثيره على ولاء وطاعة أبناء الشمال عامه لولاة أمرهم

هو : طواري معقوله إنت تغلي الشمال وأهل الشمال وتتمنى نهوضه وإرتقاءه أكثر من إبن مساعد ؟
ومعقوله إن قلبك أرحم من قلب إبن مساعد على رحيل أبناءه للقصيم ؟

أنا : لا لا أكيد الأمير ومافيها شك

هو : طواري ترى قبل شوي سمعت آذان الفجر

أنا : أنا ماسمعت الآذان رغم إن المسجد قريب لنا ؟

هو : بالك وفكرك ماخذه نقل الحرس للقصيم

أنا : إذا أنا كذا , طيب كيف بال وفكر اللي هم اللي راح ينقلون ويتغربون ؟!!

هو : الله أرحم من خلقه

أنا : تكفى يابن مساعد والله مابقى إلا ّ إنت ننتخي فيه .



,

[شامي الدهيمان]

الأخ/ طواري

الله يسمع منك ويجزاك خير . ويبيض وجهك

بصراحة رفحاء انا ايقنت يقين تام بإن على قولت أحد الاخوان العزاء ينطبق على اعيانها

قول الحق ( ضربت عليهم الذلة والمسكنه ))

اصبح همهم الوحيد التسمر على الكراسي والظهور بالمناسبات فقط .


تستاهل فايف ستار

تقبل مروري

[أرطبون العرب]

الله يكون في عون العسكريين في الحرس الوطنـي برفحاء
كل يوم بكرى تنقلووون . .
ان شاء الله يثبتونهـم هنا إذا راحوا مابقي أحد برفحـاء .

يعطيك العافية طواري .

[الصرح]

حياك الله

أتمنى يقرأ الكلام أمير المنطقة ويتدخل بحل لهم .... الله يكون بعونهم

وأعتقد أنه فيه أكثر من حل منها أنهم يشكلون كتائب جديدة بالقصيم

بيض الله وجهك .....وجزاك الله خير

[لافـــي العنزي]

بيضاء الله وجهك

جبتها علي الجرح زي مايقولون

[همّام]

شكرا لك أخي طواري

ولهذا الإحساس تجاه البلد وأهله والعوائل

الله يوفقك

وإن شاء الله سمو الأمير ما يجي منه قصور وهو حريص على أهل المنطقة

وثق أن كلامك هذا سيصله إن شاء الله

أيضا تقييم 5

[ريانه]

حجز مكان ولي عوده حين روقان

[الكاشف]

الجميع متضرر ولا أحد رابح جراء نقل الحرس الوطني من هذه المنطقة .
ما نعهده من أميرنا المحبوب هو حرصه التام على مصلحة أبنائه في هذه المنطقة وأهلها وإن اء الله تفرج على يده فهو الخير كله .
شكرا طواري الجنيدي على حميتك وطيبتك .
دمت بحفظه .

[ريانه]

اسعد الله ايامك اخي الكريم

بورك الهم وبارك الله بالروح التي تحملها بين جنبات جسدك .. اكبرت هذا الحس العالي لديك رغم أن لامصلحة لك بالوضع

وهكذا يجب أن يكون المؤمن الحق .. يعيش هم أخيه ويتعايش معه ..والاهم أن يتفاعل معه

آدام الله عليك طهارة الروح وصفاء السريره ولاحرمك الله الآجر

وحقق الله لك ماتريد في الدنيا والآخره وكتب الله للجميع مافيه خيرٌ لهم


تحيتي