ذا ( حزن ) !

**عقارب** · 12 Apr 2011, 03:23 AM

عندما نتعارك مع الآخرين تتدفق الخطابة وعندما نتعارك مع أنفسنا يفيض الشعر *

الشاعر الإيرلندي ييتس *

الإهداء : إلى صوت فيروز !

وأنا الباقي ..!
ألملم ماتساقط منّي البارح من اشواقي ..!
من احداقي ..!
من الحزن الشفيف الممتلي طهره .. من اعماقي ..!
واحاول قدّ ماأهرب ..
بعد أهرب ..!
من جنونك ..!
من الأيام ( من دونك ) !
من عيونك ..!
إذا ابتسمت على اوراقي !

سوالف لحظة البارح / عليها النور ..!
.................. عليها من السلام ( أبيض ) سلام ، ومن تحياته !

أنا الشعر البعيد / الشاعر / الجمهور !
.................. أنا الهمس القريب / وماتعب من ذاق ... لذّاته !

ومات إنسان !
قولوا ..
من عليه الدور !
.
.
حيا انسان !
قولوا ..
من يعزي فيه ... أمواته !؟

حنيني / حنطة احساس / ومعي عصفور !
.................. معي عصفور لكن / موسم الضحكات قد فاته !

.
.
.

ياعزيزي ماهي بـ لحيّة ( وزن ) !
ذا ( حزن ) !

.
.

جبت لك حزن ٍ عثا فيه المسا ...
................ دمعتي / زادي وضحكي / غايتي !

من رحل فينا ومن فينا رسا ..
................ علّمه عنّي .. وقول .... احكايتي !

قلّه إني كنت .. حمّال الأسى ..
................ وإني اتجاهل كثير .... مرايتي !!

وإني المقهور من ليت وعسى !
................ ذي بدايتها ..... وهذي نهايتي !!

.
.

وقولوا كان ..!
شاعر الما / والحنين العذب / وإحساس الحنان !
شاعر ٍ ماتت ورى الضحكات ..
ضحكاته ..
زمان !!
كان أدفى من عتب أحباب / دمعة أم ّ ثكلى !
كان أجمل ..
كان أكمل ..
كان أطيّب ..
كان أحلى ..!
وكل هذا لمّا كان !!
شاعر الما .. والحنين العذب .. واكسير الحنان !!

.
.

قل للقلوب اللي تبي منّنا :نور ..!
.................... خلاص طارت فالبياض / الحمامة !

ماعاد فيني شعور ويحرك شعور
.................... الليل دافي ... لو يخوف ظلامه !!

وش للمواجع تلبس انسان مكسور !
.................... لفّه حنينه وسط عينه .... ونامه !!

وعيون كل الناس آشوفها قبور !!
.................... تدفن وراها ..ضحكتين .. وغمامة !!

هذا انا شاعر يلوّح لي / النور !
.................... تبكيه طفلة / في يديها ... حمامه !!

تجاهلوها !
فـ أوقاتكم ( أثمن ) من هذا الحزن !

بركات الشمري

.ت الشمري

**ريانه** · 12 Apr 2011, 04:09 AM

الله عليك ياعقارب

وأنا اقرا النص ,,اقول في نفسي ..من كاتبه ؟ .. الاسلوب مهو غريب علي ..مهو غريب علي .. الاسلوب مرعلي قبل كذا !!

وصار لــ بركات الشمري ..سبحان من سخر ه القلم ..

شكرا ً عقارب على منحنا حق التمتع بهذه القطعه الفاخره

**عقارب** · 13 Apr 2011, 04:23 AM

هلابك وحيا الله يا ريانه
وشكر على المرور

**شمـــاليه** · 22 Apr 2011, 03:05 PM

هذا انا شاعر يلوّح لي / النور !
.................... تبكيه طفلة / في يديها ... حمامه !!

صح لسانه رائعه وسلمت يديك على النقل

**عقارب** · 25 Apr 2011, 02:10 AM

حياك الله وصح بدانك يا شماليه

وشكرآ على المرور

**دعاني الشوقـ..** · 25 Apr 2011, 02:00 PM

روووووووووووووووعه مشكور أخويـــ... عقارب....@

**شامي الدهيمان** · 25 Apr 2011, 09:01 PM

لا هنت مبدعناااااااا

تقبل مروري

**ابوبادي 12** · 27 Apr 2011, 01:35 AM

يعطيك العافيه عقارب على النقل الجميل والرائع من انسان رائع

**عقارب** · 14 May 2011, 03:51 AM

حياكم الله وشكرآ على المرور

نورتو الصفحه بطلتكم

**بـــــــــرق** · 14 May 2011, 11:02 PM

ذائقة مميزه

طاب فالك

آخر المشاركات

الموضوع: ذا ( حزن ) !

أدوات الموضوع

تقييم هذا الموضوع

عرض

ذا ( حزن ) !

ذا (حزن)

مواقع النشر (المفضلة)

مواقع النشر (المفضلة)

ضوابط المشاركة