كشتتنا اليتيمه ( صور بالداخل )

**ريانه** · 23 Apr 2011, 09:50 AM

))

السلام عليكم ورحمة الله وبركاته

وبعد طول إنتظار والعديد من المفاوضات
طلعنا في كشته بريه
يوم الخميس
ولكن كما يقال جت الحزينه تفرح مالئتلهاش مطرح

صدر القرار بشكل رسمي يوم الاحد
ويوم الثلاثاء هبت عاصفه غباريه في وجه العدو
كادت وبغت الا شوي تـُـقفدنا بيضة الديك

الى مساء الاربعاء والجميع يقول مدري اطلع والا مااطلع
غبار وعج وش حادنا
يعني نمنا وإحنا ماحضرنا شي للرحله
صباح الخميس الساعه 8 كان الجو غبار كثيرر
وعلى الساعه عشر كان الجو معقول
برحمة ربي ..
وطبعا ً لاننا ماحضرنا شي شرينا كل شي جاهز
من حلى الى غداء

على الساعه 12 احنا في المخيم

في الطريق مرينا الجنادريه وصورت لكم مدخلها

هذا مدخل المخيم .. وطبعا ً هم ماخذين ارقام ولوحات السيارات التي بتدخل المخيم عند دفع المبلغ ( قبل بيوم على الاقل )
انتظرنا شوي لحد ماخذنا ورقة المرور من البوابه

بعد مادخلنا البوابه .. منظر التراب يوسع الصدر >>شف السعوديين وتفكيرهم يكرهون العج والغبار
وينحاشون من البيوت الى التراب في وجه العدو

صوره من الطريق للمخيم

وهذا هو ...هوبا وصلنا والاكثريه كانوا متواجدين قبلنا اولهم جدتي الجميله وكانت مصدعه وبحكي لكم ليه مصدعه
مع انها اكثر وحده متحمسه للرحله

هذا صحني لبى قليبي

بعد الهجوم .. حوسه واثار قتال

كان فيه مناديل >> عجبني منظر المغاسل مرره ذوق

هذي الخيمه ومكيفها يوسع الصدر

هذا المخيم من بعيد لما رحنا نمشي ونهضم الغداء عشان نقدر نتقهوى ونتشهوى ووناكل الاشياء اللي جبناها

جح صغير

صوره تثبت ان الجزيره العربيه كانت مطموره بالمياه

هذا دليل ان السعوديين رومانسيين >>واحد مرسلها مع ولده لزوجته
صحيح ريحتها دماااار لكن الله يسعدهم على الاقل جاب لها شي

شاهي العصاري اول

شاهي العصاري ثاني

طلعت الحقيقه ثالث .. خربت الاخلاق وبدت الحوسه

قهوة المغرب اول صوره قبل الحوسه

هذا المطر صورته من بااب الخيمه يجنن والجو بعدها صار برد

يتبع ...

**ريانه** · 23 Apr 2011, 09:56 AM

مدخل دورات المياه ( اعزكم الله ) عجبتني الطريقه كانه في جبل صغير

الممر منور برضه

عشاء الاطفال >> سلطع برقر على قول واحد من الصغار
احنا مانتعشى اذا طلعنا << هو فيه مكان للعشاء الله لايضركم

التراث والجديد اجتمعوا هنا

وتوته توته ..خلصت الحدوته .. وكل سنة وانتم بخير

وهذي صورة ( نكهة خاصه بمنتدانا الحبيب )

**ابومحمدالزوبعي** · 23 Apr 2011, 10:32 AM

ماشاء الله طلعة بر جميلة وصور رائعة بارك الله فيك
لكن المكان صراحة قاحل لاشجر ولاعشب ولا ( شيح ) هههههه

**ابومحمدالزوبعي** · 23 Apr 2011, 10:35 AM

هذا مو جح هذا شمام وطعمه يهبل

**ريانه** · 23 Apr 2011, 11:00 AM

الجود من الموجود >> ماجان مطر عشان الارض تصير خضراء
ولاتنسى اننا في السعوديه مو تل الزعتر

والشمام طعمه يهبل *__* >>عليك بالعافيه

منورنا ياراعي الجمري

**عروووبة** · 23 Apr 2011, 11:14 AM

ماشاء الله
الله يسعدكم

لو ان الموقع محول ويضيق الصدر

المهم ريري به كم استفسار

الحين دورة المياه والمغسله
لكم بس ولا به ناس حولكم معكم

بعدين وينهن عنكم موقعن بالضبط وين عن البيت

بعدين شلون نظام التأجير هذا . . تقولون لهم نبي بالمكان الفلانى ولا هم غصب طيب يبنونه بالمكان الى يبونه

بالاخير
ابو محمد الله يهداك هذا

خيار بري مدور

قطعيه مع شوي خس وجرجير وحطى عليه رشة خل وعصرة ليمونه
وفلفل وملح

يووووووووووووووووووووووووووووووووووه مسكت
<<< خبث متخفى

**ابو متعب** · 23 Apr 2011, 11:31 AM

ما شاء الله شي حلو

طلعة تسمين بالعافية يارب

**الدب الداشر** · 23 Apr 2011, 12:58 PM

يخرب بيت بيت بيتك ..

يااااااااكثر الأكل ..

ماشاء الله آفات ..

شكرا ً لك يا إعصار الصحون ..

**إحسـاس** · 23 Apr 2011, 01:48 PM

ما شاء الله ريانة
طلعة جميلة جدا
دائما ما تثيرين حماسنا للخروج ..
لو كنت في رفحاء على جمال براريها ,,ترى ما انتي فاعلة؟
تحياتي لقلبك ..

**شمـــاليه** · 23 Apr 2011, 05:04 PM

والله ان الشاحوف والمناشبي وحيرة فيحان وام اذن ونعجه والمعيزيله يسون الرياض ياراعية المخيمات

طلعتن جميله يا الجميله بس انا مضيقن صدري المخيم ما احبه احسه يحاصرنا
بس لو خذينا خيمه وبنينها حنا اجمل

حمستينا للطلعات عسى الجو يزين بس..

ياملا العافيه يا الزينه ماقصرتي

**ريانه** · 23 Apr 2011, 08:44 PM

المشاركة الأصلية كتبت بواسطة عروووبة

ماشاء الله
الله يسعدكم
ويسعدك ياعسوله

لو ان الموقع محول ويضيق الصدر
محول ..تقصدين طالع نازل ؟ هذا يالغاليه عشان تصميم المخيم ويكون فيه دورات مياه ومطابخ وكأنها جبل تمشين عليها عادي >>مثل المغاره في الجبل
وبرضه يعطي خصوصية لجميع المخيمات ,,, تمشين وتبعدين ماشفتي مخلوق

وعلى فكره المخيمات متباعد لاتسمعين احد ولاتشوفينه كانك في البر لحالك
< < تسوي دعايه

المهم ريري به كم استفسار
امري يالغاليه

الحين دورة المياه والمغسله
لكم بس ولا به ناس حولكم معكم >>> لنا وحدنا >>كل مخيم له دورة مياه خاصه وعلى فكره المخيمات فئات ..كبيره وصغيره ( اقل مخيم 2 خيمه وفيه شي 10 خيام )

بعدين وينهن عنكم موقعن بالضبط وين عن البيت
في الثمامه اعتقد شمال شرق الرياض >>مو اكيد ( حسب خبرتي المكانيه )

بعدين شلون نظام التأجير هذا . . تقولون لهم نبي بالمكان الفلانى ولا هم غصب طيب يبنونه بالمكان الى يبونه

المكان كبيرررر ماتشوفين اخره و فيه نوادي طيران شراعي وفيه مخيمات كثيرره (فئات زي ماقلت لك ) ومحاط بشبك ماله حد والمكان مبني وخالص ( قصدي الخيام ومواقعها ..) بس نستأجر قبل بكم يوم وندفع طبعا ً كل مخيم وله سعر حسب حجمه وهو للعوائل فقط وممنوع تطقين خيمتك حتى لو اضافيه

بالاخير
ابو محمد الله يهداك هذا

خيار بري مدور

قطعيه مع شوي خس وجرجير وحطى عليه رشة خل وعصرة ليمونه
وفلفل وملح

يووووووووووووووووووووووووووووووووووه مسكت
<<< خبث متخفى

خيار هاه خيار الا وش تسمونه ؟ احنا نسميه شـَـرِي

**ريانه** · 23 Apr 2011, 08:48 PM

المشاركة الأصلية كتبت بواسطة ابو متعب

ما شاء الله شي حلو

طلعة تسمين بالعافية يارب

الله يحلي ايامك
بس ترى احنا عائلات كثيره تقريبا ً تسع عائلات

منور خيووو لاخلا ولاعدم

**ريانه** · 23 Apr 2011, 08:54 PM

المشاركة الأصلية كتبت بواسطة الدب الداشر

يخرب بيت بيت بيتك .. << بسم الله علي يادوووب رفحاء البهيه

يااااااااكثر الأكل ..

ماشاء الله آفات ..

شكرا ً لك يا إعصار الصحون ..

وانا اقول وش فيني اليوم ماشتهيت كيك العصر بعد الغداء ..اثاريها عينك اللي ماصلت على النبي !!!

<< تف تف تف ماشاء الله
ههههههههههههههههه

بعدين الاكل ماصورته كله ..باقي الشكولاته والعصيرات والببسي وطقته واالمناقيش وصفايح الجبنه

وحياك الله وبياك وابقاك سعيدا ً عمرا ً مديدا ً

**ابونايف** · 24 Apr 2011, 01:34 AM

يعطيكـ العافيه على التقرير والصور وخاصة موضوع الجح الصغير ههههه ...

ماشاء الله عندكم وعندنا خير من هالنوعيه ...

شكرا ريانه ...

**عقارب** · 24 Apr 2011, 01:53 AM

ما شا الله خوش طلعه
الله يهنيكم بالطلعه وبالبر

شكرآ ريانه

آخر المشاركات

الموضوع: كشتتنا اليتيمه ( صور بالداخل )

أدوات الموضوع

تقييم هذا الموضوع

عرض

كشتتنا اليتيمه ( صور بالداخل )

المواضيع المتشابهه

فيه هدية بالداخل من هوله . . .!!!!!

أضحكوا بس لا تزعجون جيرانكم ....... صور بالداخل ...

اِعشقها .. ( صورتها بالداخل )

هدية لكم بالداخل تفضلو ...

مواقع النشر (المفضلة)

مواقع النشر (المفضلة)

ضوابط المشاركة