كلمات ترفع ضغط الحريم

[الحارس الذكي]

كلمات ترفع ضغط الحريـــــ ــــــم

^
^
^
^
^

^


أ / انتي ياهيه .. وين شماغي ... ( والمشكلة الشماغ جنبه الله لا يعمينا )

ب / بروح اكشت مع اخوياي ..... ( روحت جدي ان شالله )



ث / ثواني وانا عند الباب ..اجهزي ( ولا يجي الا بعد ساعة وهي ملطوعة عند الباب )

ج / جاي تعبان من الدوام منيب فاضي لك .. ( كن مايشتغل الا هو )


ح / حريم مايجون الا بالعين الحمراء ... ( جملتهم المفضلة )


خ / خذي عيالك وفارقوا عني .. صجيتوني ( كنهم عيالها لحالها )

د / دوري احد يوديك ويجيبك .. ( وانت وش شغلك )



ذ / ذاك الصيف مسافرين هالسنة محنا سفر(وهو يسافر عاااااااااااادي)

ر / راتبك ماطلع يابعدي .. ( توه يجي الكلام السنع يوم جت الدراهم )

ز / زيدي العشاء ترى الرجاجيل كثروا .. ( والعشاء استوى وخلص وشلون تزيده )


س / سيارتي قاضي بنزينها ومامعي صرف .. معك سلف ( رددي ياليل مطولك مهيب راجعتن لك )

ش / شيلي المقاضي شوفيها عند الباب ( ورى ماتشيلها انت يامال القعيطل )


ص / صديقي بيسافر برى تراني بخاويه ( خايف عليه يضيع والا وشلون )

ض / ضايق صدري .. ضايق صدري .. كل مادخل للبيت ( وهو عند ربعه طاقن خشته )

ط / طالق ... طالق ... طالق >>>>>> هذي ان خربت الاخلاق عاد

ظ / ظـفي عفــشك وروحي بيت اهلـــــكـ <<<تمن عليها في بيتك خخخخخ

ع / عصاقيل تصافق واشهب الهب ويبي وحدة حلوة ( اقووول اها بس )


غ / غالي هذا .. دوري غيره .. ( متحسفن عليها الغالي يامال الفقر )


ف / فلااااااااان تزوج على حرمتن ثانية .. ( يلمح الرجال )


ق / قومي بلا دلع .. مافيك الا العافية ( وهي مصيخينه خذت حيلي )

ك / كل كلامه هواش ماااااااااعنده تفاهم (اكيد ما يبى احد يغلطه)

ل / لا تروحوون بعيد .. وماغير داااااقن اللطمه اذا طلع مع اهله

م / معزوم في الاستراحة >>>> امحق عزيمه اللي كلها لعب بلوت

ن / ناااااااااااااادرا ماايشكرها على شي سوته (الا اذا يبى شي >> انواع المصاااااالح

هـ / هيه .. انتي >>>>> طبعا هذا اسمها في الاماكن العامة

و / ورى ماتسمنين .. وان سمنت قال .. ورى ماتنحفين ( خير هي لعبة ان رعصت زرار سمنت والا نحفت )
ي / ياااااااااازين هالمذيعة ( ياخي استح على وجهك ,, اللي جنبك قوطي ماتعبرها )


ملطوووووووووووووش لعيونكم

[شمـــاليه]

خخخخخخخ هذي نوعيه حريم معطيات الرجال فيس

ودك لا قال كذا قالت........ والا تدري ماودي احرض الحريم

ينطيك العافيه يا الفارس الذكي

[عروووبة]

المصيبه أن صارت كل هالصفات بشخص واحد
يأأأأأأأأأ |أمي
ماله الا كيس اسود وبأقرب بير

وخلصت الحكاية يارية .. عفارم عليكي ياسكينه

شكرا حارسنا

[الدب الداشر]

ما ينفع معهن ألا كذا ..


حريم صحيح ..


ههههههههههههههههههههههههههههههههههههههه


شكرا ً الدب الذكي ..

[ايام]

شكـــــــــــــــــــــــرآآآآآآآآآ ع الموضوع

[إحسـاس]

مع احترامي للسادة
فالسيدات لم يعد هذا الشيء ( يرفع ضغطهن )
فهن مشغولات جدا بعد ان اصبحن : الامهات والاباء والمعلمات
والمربيات والمسؤولات والمنفقات وووو

تنحوا عن الطريق قليلا ..يا سادة الى حيث ملذاتكم ...

والحديث اعلاه يحمل مضامين عدة الا من رحم ربِ...

( ربنا آتنا من لدنك رحمة وهيء لنا من امرنا رشدا ) الكهف..

[فزاع]

هههههههههه اضحك الله سنك

الله يعينك على الهجوم من الانسات هههههههههههههه