فضووووول ألام !!!

[الشمـ حـزن ـالي]

فاجأتني امي بحجة فضول
.................................انت شـاعر يعني حبيت و هويت
واندهشت و بان في عيني ذهول
................................. لـيش تـسألني و عمري ما شكيت
قالت اسمع يلا صارحني و قول
................................. هـذا حـرفـك ولا خرفـت و نسيت ؟
ادري انك طيب و طبعك خجول
................................. انـا امـك و يـامـا اسـرارك خفيت
وادري انك في الهوى طايش عجول
................................. مـثل ابـوك اللـي عشقني و ابتليت
ضحكتني و الحزن فيني يجول
................................. و ذكـرتـنـي مـن بعد ما قد نسيت
اه يـ امي ليش كل هذا الفضول
................................. تجربــه مرت و انا بـحظي رضــيت
قالت ادري و باين بجفنك ذبول
................................. قول يا وليدي تـرى احـاتـي بديت
هات راسك يمكن احزانك تزول
................................. حـطه بـصـدر ٍ عـلـى حـبــه ربيـت
قلت يا امي ما يطيب الجرح مول
................................. وكـنت كاذب يوم قـلت اني نسـيت
كيف انساها و انا اللي كنت اقول
................................. يـا عساني الـموت اذا عـنـها سليت
كنت وياها على وشك الوصول
................................. لأجــمـل احـلام ٍ بنينـا مــنـهـا بـيت
ما حسبنا حساب حاسد او عذول
................................. و كـنت اقـول الله انـا تـوني اهتنيت
و كانت توصيني وعدك لا يطول
................................. ودي بـقـربـك احـبـك مــا اكـتـفـيت
يلا نصعد للقمر قلبي عجول
................................. نسبـق الـعـشـاق و نبني هنـاك بيت
و اتفقنا عالفرح .. لكن شقول
................................. خـان فيني الـوقـت يـوم انـي وفـيت
اقرب اصحابي وصل منه رسول
................................. ويــوم شفت الظرف ندمـت اني قريت
فيه اسمه خاطب ٍ بنت الأصول
................................. يطلب من اشعـاري اهــدي كـم بيت
صحرا في عيوني غدت كل السهول
................................. مدري كنت اضحك انا و يمكن بكيت
ماهقيت انه صديقي اللي يحول
................................. بـيـني و بـيـن الـفـرح لا مــا هـقـيـت
ماصدق من قال من يتعب ينول
................................. شـوفـي يـا امي كم تعبت و كم شقيت
كم سنه مرت و كم عدت فصول
................................. جـري الـوحـوش لـقربـها والله جريـت
هي بصيره العين و ايدي ما تطول
................................. و مـن هـذاك الـيوم انـا بروحي بقيت
ماهو من قل الأكل هذا النحول
................................. هـذا وقـتي اللـي طـواني و انـطـويت
ضاعت الحيله و بدا وقت النزول
................................. خـطـوة مــكـســوره لأول مــا بـديت
ما كذبتي يوم قلتي انتي عجول
................................. والـدلـيـل انـي عــلـى نـفـسي جنيت
ليش خليتيني اتكلم و اقول
................................. مـاهـي سـهـلـه اعترف بأنـي خطيت
هو سؤالك حيره ولا بس فضول
................................. جـاوبـيــني دام انـــا قــلـت و عـنـيت
ليه سكوتك ليش كل هذا الخمول
................................. قـولـي أي كـلـمـه مـدام انـي شكيت
و التفت و بان في عيني ذهول
................................. نامت امي و كأنــي لا قـلــت و حكيت





تقبلوااا فائق تقديري وأحترامي ,,,,

!~¤§¦ الشمـ!حــ$ــزن!ـالي ¦§¤~!

[طلال الشمال]

مشكووور اخي حزن الشمال على القصيدة الجميلة

[$الوميض$]

قصيده رائعه وفكره جديده

شكرا اخوي

[الشمـ حـزن ـالي]

يسلمووووووووووووو اخواني على مروركم للمشاركه وتنويرهاااا

تقبلوا فائق تقديري واحترامي,,,

اخوكم

!~¤§¦ الشمـ!حـ$ـزن!ـالي ¦§¤~!

[هرطمان]

وادري انك في الهوى طايش عجول
................................. مـثل ابـوك اللـي عشقني و ابتليت

من شابه ابوه ما ظلم ههههههه

صح لسانك اخوي


!~¤§¦ الشمـ!حـ$ـزن!ـالي ¦§¤~!

[الشمـ حـزن ـالي]

صح لدنك أخوي هرطمااان