للشاعر: صالح بن عزيز



يابو متعب طال عمرك عسى الله يمهلك
يا حبيب الشعب ربي يعلْوِ منزلك
ليت معروضي يا صقر العروبة يوصلك

اسمي الجندي السعودي من رجال الجنوب
كنت في حرب الوديعة مع قرع الخطوب
كنت في الأردن وسوريا اخوض الحروب
في الكويت ابليت وافنيت وارعبت القلوب

وانا رجل الأمن في حرب والا في سلام
وانا رجل الأمن والجيش في حرب وسلام
كنت حاضر يوم الأحداث في البيت الحرام
والضحايا يوم الأرهاب اخويه والعمام
قمت في خدمة بلادي وطبقت النظام

اما هذا الحين يا ويل ويلي يا ويلاهـ
ياويلي يا طر جيبي يا وش هذا الحياة
التحفنا بردة الفقر من عقب الغناة
وانشغلنا بالتفاكير حتى في الصلاة

راتبي راتب تقاعد ولا عندي رصيد
لا معي موتر جديد ولا بيت جديد
والديون اتزيد والحال ينقص ما يزيد
والتقاعد يابو متعب مرتبنا زهيد

ليتني جندي بخرخير والا في تبوك
اقدر اعيش عيالي واقصد للبنوك

صرت مثل الذيب سرحان لا جر العوا
راحت اموالي في البنك وابطايق سوا
والهوامير اشبعوني وعود فالهوا
والغلاء هدام الأموال ملعون الثوا
اللي معنا من دراهم رميناها فالاسهم
والمعيشة كل يوم تزيد اسعارها .


YouTube - ‫غلاء المعيشة -قصيدة للشاعر بن عزيز‬‎