السلام عليكم ورحمة الله وبركاته ..

سيداتي وسادتي ..

في جملة تتكرر كثير لكن بعد التجربه وبعد القصص والمواقف الي انا شفتها بنفسي .. حبيت ارد على صاحب الجمله بنفس الجمله ..
الجمله كالاتي ( انت ما عندك خوات ) .. طيب انا عندي خوات واخاف عليهم هذا شي اكيد .. انا فيني شي وموجود بأكثر الناس ..

الي هو ما يسمى بالغيره .. الخوف لوحده ما يكفي لازم تكون عندك غيَره على خواتك .. وبنات اقاربك .. انا الى اللحين ما بديت بعنوان موضوعي ..

اللحين عنوان موضوعي .. الي بقلبي ابي اسأل البنات الي يستغلن عواطف الشباب .. مقابل تسليه او شيء مادي وغيره ..

انا بسأل وحده نفس السؤال الي متوجه لنا .. ( انتي ما عندك خوان ) .. سبب العلاقات المحرمه والمشاكل وما شبه .. 90 بالميه .. سببها البنات وليس الشباب ..
الشاب يواجه البنت او ........ بالشهر مرتين 5 مرات اذا مخربها .. لكن البنت تطلع مع الشباب .. في الشهر 30 مره ..
يعني البنت تلعب في مشاعر اكثر من سبع اشخاص .. طيب ( سبع اشخاص يجيهم احباط نفسي ) والسبب بنت .. طيب انتي ما عندك خوان ..
الشباب الي انتي تكلمينهم بأمكانك تاخذين اجر بمجرد انك تنصحينه ... انتي ترضين ان اخوك يتبهدل او تسوء دراسته في المرحله الثانوية او الجامعة ويضيع مستقبله والسبب بنت ..
60 بالميه من التعارف بين الشباب والبنات .. البنت هي الي بدت العلاقه مع الشاب .. والله يا اخوان انا شفت الشي هذا بعيني بنت تكلم ثلاث اخوان والله يا اخواني واخواتي انها تكلم اخوه وتتكلم معهم كلهم .. المشكله انهم ما يدرون ان البنت هذي تكلمهم ثلاثتهم .. وكل واحد تكلمه تقوله انا احبك انا اموت فيك ومن الكلام الي ما يأكل عيش .. طيب ( انتي ما عندك خوان ) ..

انا بتكلم عن نفسي انا كنت اكلم لكن الحمد لله .. ما وصلت اني اطلع مع البنت .. يوم من الايام كلمة بنت .. معرفة انترنت ولكن البنت غير البنات هي الي صحتني من الكابوس الي كنت فيه ..
لما اكلمها كانت تنصحيني مثلا وقت الصلاة يا فلان اذهب للصلاتك .. وقت متأخر من الليل في وقت الامتحانات يا فلان روح نام بدري واصحى الفجر وصل وذاكر وادعيلي .. يوم الجمعه ,,
اقرا سورة الكهف يا فلان اليوم الجمعه .. وهذي مكالماتنا ... والله يا اخواني واخواتي اسبوعين معها كأنه نور في قلبي .. بعدها سويت فرمته لحياتي وحجبت شي اسمه بنت ..
طيب ليش ما يصيرن مثل البنت هذي ويأخذن اجر بدل من الذنب ..

انا اللحين ابي رد على سؤالي ... انتي ما عندك خوان ؟


اللحين النار اذا تبي تخمدها توجه الماء الى مركز النار .. وليس اللهب ..
مركز الظاهره هذي البنات وليس الشباب لازم نعيد النظر وتعاقب البنت قبل الشاب ..

انتظر ردودكم ..