.
.
.

البارحه يوم درب العشق هلاّ بك
أهتزّ قلبي على طاريك من شوقه

غنّى لك الشعر و لساني تغنى بك
واهديت لك من لحن شعري وطاروقه

الله يسامح جفاك وكثرت غيابك
ماكن لك قلب يجري الدم بعروقه !

اقفى بك الوقت عن دربي وقفّى بك
وانا آتحرى اللقاء تبرق لي بروقه

اجي لدارك و أغضّ الطرف عن بابك
آخاف من عاذلي يجرحك منطوقه

ماودي الناس يااغلى الناس تغتابك
الناس ماترحم العاشق و معشوقه

متى اشوفك واشوف الكون يزهى بك
و ياتي نهار اللقاء ونعيش بـ / شروقه

تعال جدّد وصالك و أفتح كتابك
و أفتح لي القلب و افتّش بصندوقه

يمكن اني ألقى عذر واقفل عتابك
و أريّح اعصابي اللي كان محروقه

هذا وهو طيف .. رحّب بك وهلا بك
وشلون لو نجتمع !! بيموت من شوقه


مما راق لي..

كلمات / الشيخ ناصر بن حمد ال خليفه