رحلة سريعه . . وقصص .. وخرفات .. من المآضي ( وسرى الليل . . . .

[عروووبة]

طبعا سيبدأ الصيف
وصيفنا برفحاء أحلى . . عاد عندنا أجواء ليلية رااائعه خصوصا لكانت بالخلاء الخالي .

سأصحبكم اليوم بطلعه برية خفيفه . . صاحبها قصص وخرافات مضحكه

هذي كانت طلعه ليلية برية على ضوء القمر . . .


هنا اضواء رفحاء من بعيد


هنا العشاء . . .
1

2


ثم اتت فاكة الشمال المفضله . . الجح . . صحنين واحد بعد العشاء وواحد عندما انتصف الليل


بعدها تسامرنا على كاسة الشاي . .


ونغص علينا زائر غريب . .
يسمى (( جربوع . . بس ابشركم انهينا حياته بضربة نعله طايره ارض جو ...
1

2


وهذي صوره تذكارية لوجيهنا بالقمراء


..............................................

ومازاد الجلسه جمال . . هي قصص الخرافات اللى كان يتسامرون فيها بالماضي
روت لنا خالتي ( الله يسعدها على خفت دمها ) قصص
شي يضحك
وشي محزن
وشي ينقال
وشي ماينقال

المهم استمتعت كثيرا . . . ولانى اعرفكم ماحولكم احد يسرد عليكم من قصص الماضي العتيق

دونت لكم بعض من هذه القصص . . وسأحاول ارويها لكم بأسلوب راويتها
لآن سيباويه وخالتي . . مايتدانون

.
خرافة نمبر ( 1 )
كان الجو مقمرا لكن كانت النجوم واضحة
المهم ناظرت خالتي فوق وقالت : يالله هذا الجدي مايخلننا هالضيان نشوفه ( قصدها أضواء اللمبات )
وهذولا الحويجزين وهذولى النعايم ( أسماء للنجوم عند البدو )
قلت : وش قصتهم
قالت : هذا يقولون إن النعايم عاشقاتن الجدي وشالن قشهن رايحات يمه . . لكن الحويجزين معيين وحامين الجدي ياملين الغاضور( تقولها من قلب)
. . . . (( سمعت احد يشهق من الضحك
ياويل قلبي اختلاط بالمجرة




خرافة نمر (2 )
فزعت أسهيل للجدي
هذا الجدي ثابت مكانه فوق لكن سهيل يطلع فتره ويمشى ويمشى فوق اتجاه الجدي ولما ينتصف الطريق يرجع يغيب
تقول خالتي : هذا الجدي به احد هد عليه بالشهب ( يعنى يضربه بالشهاب
وهو يجيك سهيل فزاع له
لكن معه قربه مشقوقة وكل ما انتصف الطريق يخلص الماء من قربته
ويرجع لمكانه ويعبي قربته ماء ويفزع للجدي . . وهذا عمل الله به ( لعنبوا إبليس مايعرف إن به شي اسمه ترمس ماء



خرافة نمبر ( 3 )
هذي صراحة مسكته
يقولون هذي الجوزاء جت يم الثريا وسألته ( هذولى نجوم بالسماء)
وين عيالك
قالت الثريا : كل ليلة أكل واحد منهم وهي تكذب أمجمعتهم وخلتهم بطرف المجرة ( عاد خالتي تورينا عيالها المتطشرين تقل خرز سبحه )
المهم وهي تروح الخبله الجوزاء وهي تاكل عيالها . . . .
الثريا المليعينه راحت يم النبي وعلمته (( سألت خالتي : منهو النبي
قالت والله مادري يمكنه الرب . . . ( استغفر الله ماقدرت امسك نفسي ابد خاصة يوم قالت الرب .
المهم تقول وهو يروح النبي يجيب السيف
وهو يقصص الجوزاء قطع قطع ( فقارتها بجهة ورقبتها بجهة وظهرها بجهة . . وإذا جاء القيض تطلع مقطعه بالسماء
هنا يعنى مادرى وش أقول . . يناظرن خالتي وأمي للسماء ويغطن يقلن تطلع هنا . . . ( رقبة وظهر وعظام . . بالخضيراء

وقفه

هنا سألت خالتي : قلت أبى اعرف انتم منين تألفون هالسوالف
صراحة ضحكتني . . قالت متفرغين ماعندنا شي نوم وكذب

. . . . . . يتبع

[عروووبة]

خرافة نمبر ( 4 )
هذا ياطويلين العمر يوم الدنيا تحكي . . . (
جاء الهدهد خاطرن عرب ومعه ناقته (( هدهد يقود ناقه تعال حلها
العرب كانوا ( عصفور ورقيعي وبوم وطوير الذوبه ( تنويه . . طوير الذوبه هذا اللي بس يحوم عند النار ) أحد الحضور علق قال : قاطين بستراحه

المهم ضاعت ناقة خاطرهم ( يعني ضيفهم الهدهد
هذا العصفور قال أنا أبي أدوره عند الرعيان ( وهاللى العصافير بس يحمن عند الرعيان والغنم
وهذا الرقيعي قال أبى أدوره بالبيوت ( تقول خالتي هاللى ياجن الرقيعيات يوذننا بالبيوت يتخطفن اوجيهنا
هذا البوم قال أبى أصيح وناديها ( يقولون يوم سكتت الدنياوهو يصوتو صار البوم بس يقول بوووو بوووو ) يعنى هنووو هنووو ( يترجمونها نمره وستماره كع كع كع
هذا طوير الذوبه المقرود قال أدورها بالنار . . تقول خالتي هالى يجي طاير طاير ويطيح بالنار

وسكتت الدنيا وهم على حالهم . .
عاد توثيق للقصة
قصيده لشايب يقول فيها . .
أنا لو قلتولي شايب
أنا توه زاد أجهلي
أنا مثل طوير الذوبه
أقع بالنار تقل اوهلي
سالت الحضور وشو الوهلي . . . والى الآن الإجابة مجهولة

الحين القصص . .

............................................

هذي قصة الخبول والضيوف
هذولا عرب خطروا ناس
المهم وهم يسوون عشاء
المرأة ماعنده صحن يكفى
قال: زوجها روحي للفلان وهاتي صحن
راحت المره يوم جت العرب إلا عندهم دحه ويرقصون
وهي تجلس ترقص معاهم ؟

. . الرجل أنحرج وزعل . . وراح يدورها وهو يقول ويردد : أبو أبو طووط طييييط
يوم اقبل عليهم وهى تولول المرة قالت ياويلي هذا : عزمان جاء الحين يذبحن
قالت : وحده وهي شاعره ماعليك . .
يوم اقبل عزامان وهي تغنى الشاعرة . .

جاكم عزمان من العزيم
جاكم عزمان من العزيم
وتصفق وتزغرد
الخبل انطنخ
قال:صدقتي يالحضريه ورمى العجراء وقام يرقص معهم

تباطاه أخوه وقال : ملعونين أبو العصايب وين اذلفوا
لحقهم يوم اقبل وهي تصيح المرة قالت: وقردي هذا ذريان جاء الحين يذبحن
قالت: الشاعرة ولا يهمك . . يوم اقبل
وهي تصفق وتغنى . .
واللعبة مختبصه يمام يجيكم ذريان
واللعبة مختبصه ياما يجيكم ذريان

رمى العمود اللي معه قال: صدقتي بالحضيريه وقام يرقص . .((مشكله اللى مخه جيلى

الضيوف فقدوهم وانتصف الليل ولا شافوهم
قام حديهم وقال : حنا وش اللي حطنا بحلق هالمخبله هاتوا طباقة القدر خلنا نتعشى . . لابو لابو من لفاهم هالخبول
.
وذريان وعزمان . . يلفحون عند اقصراهم
.
.


قالت لنا قصص كثيرة
بس بعضها لاتصلح للنشر

- مثل العجوز اللى اذا خرفت بناته يكسر ظهره عشان يسترن عليه . . واحسرتي . . يمشطن شعره وهى تصيح ( علق احد الحضور . . تصيح والله من الموت
- وبنت الضبعه
- والزفه اللى يصيحون ويتقاطعون التيس وهو حي

عاد استناسنا الله يونسكم بالعافية
وصراحه ناس عايشين على نيتهم
واللى يدل على ذلك . . كانت خالتى تردد بعد كل قصه
يقولونه والله مادري هو صحيح او لا . . يعنى للان عندها شك بصحة ما سمعة
وكانوا عايشين ومرتاحين . . تقل الهموم ولا تكثر

تصدقون تقول احيان .. ماندرى ان فلان توفى ولا فلان اعرس الا بعد سنة سنتين
مو جيل البلاك بيري . . . اللى لو طاح مسمار كل الشعب دريوبه
وعلى كثره قل وصله

اتمنى انها كانت رحلة خفيفة عليكم
ورسمة ابتسامه لو من غير ماتبين نواجذكم

ونلتقي قريبا مع (شي من الماضي القديم. .

[ابومحمدالزوبعي]

هههههههه
قصص رائعة ماشاء الله
فيه مثل يقول ( سوالف بدو على جال نارهم ) ومعناه أن أكثر سوالف البدو خرافات

يعطيك العافية أختي عروووبة وانتبهوا المرة الي جاية لا ياكلكم الجربوع

[صادق الاحاسيس]

يعطيك العااافيه

امااا الصوره الجمااااعيه انمااا ايه

لا يكون كلهم تعشو الجربوووع

[الحارس الذكي]

ههههههههههه

قصص حلوه ولو انها خرافات

امّا قصة الثريا و الجوزاء هههههههههههههه

شكرا لكِ عروبه و لـ خالتكِ اطال الله بعمرها ..

[ريانه]

وعليك السلا م والرحمه

هالحين ليه ..ليه تذبحون الجربوع :(
حرام عليكم ..مارحمتوا ابو عيون وساع على قول ابو نوره :(


بعدين وين الجمري

وين السفره >>ياكلون على قطعة كرتون
والجحه مقطعينها بحصاة ياكافي

وبوسيلي خالتوو ..وممكن تسلفيني اياها يوم بس ..شكلها فله وقلبها أخضر *__*
طلعتكم وناسه وضحك .. ضحكت من حكاياتها وانبسطت
خاصة الخبول اللي طربانين شكل فيهم زيران ومايتحملون يسمعون طق ومايرقصون



وكثروا من الطلعات إذا هي حلوه كذا

مع ان ودي انك حكيتي لنا كل حكايات خالتك المشفر وغير والمشفر

[عمار الزيادي]

ههههههههههههه.

الله يعطيك العافية / عروبة .

أضحكتينا بهالقصص ، يعني معكم .. وحدة فلكية ..

ماشاءالله كان .

أضحك الله سنك .

الحمد لله على السلامة ، أثاري الدعوى كشتة .

واللي ضحكن يوم شفت عيون بشربهالدماس عاكسة .. !!

[عروووبة]

هههههههه
قصص رائعة ماشاء الله
فيه مثل يقول ( سوالف بدو على جال نارهم ) ومعناه أن أكثر سوالف البدو خرافات

يعطيك العافية أختي عروووبة وانتبهوا المرة الي جاية لا ياكلكم الجربوع

تضحك بالجنة ويسعدك ربي

جازلى المثل ( سوالف بدو على جال نارهم )) شي . . ووصف دقيق للوضع
اجل خالتى معها حق بس جابتها على بلاطه (تسذب ونوم)

بخصوص الجربوع
عيال بدو ناكله ماياكلنا


اسعدنى تواجدك ابو محمد
وحياك

[عجزت انساك]

هههههه

يعطيك العافيه عروبه

احلى خراافات

لك مني اجمل تحيه

[همّام]

شكرا لك أختي عروبة فقد استمتعنا بمتابعة رحلتكم
ولدي ملاحظتان /

1 / اقتراب الجربوع منكم
وذلك للقحط (للمحل) الذي أصاب الأرض ولا يوجد ما تتغذى عليه الحيوانات والقوارض
أصبح الجربوع يأتي ليقتات
لذلك لم أتمنى قتله

2 / الحويجزين
واحب أوضح قبل ذلك
أن الجدي نجم ثابت في السماء في الجهة الشمالية
والنعايم مجموعة من النجوم على شكل مغرفة تدور حوله
والحويجزين : نجمان يدوران مع دوران النعايم
وموقعهن دايما بين الجدي والنعايم
وسموهن حويجزين لأنهن يحجزن النعايم عن الجدي
والسبب في ذلك مع أحترامي الشديد لخالتك
إلا أن الحواجيز والحجازين والحجازة
والجاز
هم من يفرقون المتخاصمين في الهوشات ههه
فالصحيح أن النعايم ( هادات ) يبن يضربن الجدي
والحويجزين يفرتن بينهم
والنعايم تدور عليه تبي تضربه
والحويجزين صايراتن بينهن وبين الجدي
ولو كان عشقا لرحل الجدي الى معشوقته

مع ان كل السوالف خرافات كما قلتي لكن على الأقل نورد الخرافه على الوجه الصحيح خخخخخخ

[ريانه]

^
^
ههههههههههههههههههههههه
تكثرون فول ياآهل رفحاء

[شمـــاليه]

وليه ماعزمتني يالقعيطيه

الله يونسكم بالصحه والعافيه بصراحه موضوعك راااااااااااااائع جاز لي بالحييييييييل بالحيل
قبل كنا نطلع طلعات خفيفه من بعد العشاء والا المغرب وقريب على خط الحفر مانبعد
او على خط لينا حول محطة الخضيري برضه مانبعد..
الان انقرضت هالطلعات بالحيل..
خيمنا قبل سنتين في سامودا اسبوعين تقريبا ولا جاء الليل شبينا الضو وجلس ابوي يعلمنا اسماء النجوم
السّبع / والحويجزين/ والثريا /والجدي/ وسهيل/ والمرزم / سيف / الميسان وغيرهن كثير
وطبعا ًكل عرب تختلف عنهم روايات النجوم.. مرات اسمع خرافات ماتدخل عقل بزر ومرات تضحك
استمتعت جدا بالقراءه والطلعه الجميله الله يعطيك العافيه

واكتشفت شيء بالموضوع ان همام فلكي ماهر

[عروووبة]

يعطيك العااافيه

امااا الصوره الجمااااعيه انمااا ايه

لا يكون كلهم تعشو الجربوووع

يعافيك ربي

أيه انتبه ترى عيوننا تولع باليل

والجربوع . . راح غلطه
.
.
حياك

[عروووبة]

ههههههههههه

قصص حلوه ولو انها خرافات

امّا قصة الثريا و الجوزاء هههههههههههههه

شكرا لكِ عروبه و لـ خالتكِ اطال الله بعمرها ..

تضحك بالجنة ويعافيك الكريم وشكرا على الدعوه الطيبة

عاد لو تسمعها وهى ترويها وتأشر لنا عليهن بالسماء
شي يضحك من قلب

حياك
حارسنا الذكي

[عروووبة]

وعليك السلا م والرحمه

هالحين ليه ..ليه تذبحون الجربوع :(
حرام عليكم ..مارحمتوا ابو عيون وساع على قول ابو نوره :(
ماقصدنا بس راح غلطه موذي أوذنا على العشاء

بعدين وين الجمري
الجمري بس بالشتاء . . من يقرب للحطب بالحر

وين السفره >>ياكلون على قطعة كرتون
والجحه مقطعينها بحصاة ياكافي
الكرتونه تقوم مقام الطاولة لان الارض غير مستويه وفوقها السفره بس شفافه
حنا نستفيد من العوامل المحيطه والادوات التى فى متناول اليد حتى نسخرها لنا . . )) الله الله يالفلسفة

الجح لازم يكون تقطيعه كبير شان الواحد يستمتع ومع الظلمه من فاضى يتلقم
بعدين تبيننا نقطعه مكعبات ونحطه بكاس مثلا

وبوسيلي خالتوو ..وممكن تسلفيني اياها يوم بس ..شكلها فله وقلبها أخضر *__*
طلعتكم وناسه وضحك .. ضحكت من حكاياتها وانبسطت
خاصة الخبول اللي طربانين شكل فيهم زيران ومايتحملون يسمعون طق ومايرقصون
تبوسك العافية ياريونة
اما الخبول انتى شفتى تركوا الضيوف وراحوا يرقصون



وكثروا من الطلعات إذا هي حلوه كذا

مع ان ودي انك حكيتي لنا كل حكايات خالتك المشفر وغير والمشفر
الغير مشفرة غير قابلة للعرض ابدن البتاتن البتا

حياك ياريونة
عاد انتى تقمصي شخصيت خالتوا
واروى القصص للعرب اللى عندك بالاستراحه
وانتبهى من القش الى فوق الكراسي عشان الرجيلى مايجيبه بالزوووم