{{ أشــعـار }} {{ تعجبك }}

[طلال الشمال]

ما يبين بعينك:

ما يبين بعينك على كثر ما جاك
لا واحسافة ليتني ما عطيتك
تخطي وأعذرك وأتحمل خطاياك
هويت غلطاتك كثر ما هويتك
ضحيت بالدنيا علشان دنياك
خليت كل اللي يبيني وجيتك
كنت بعيوني وين ما أطالع ألقاك
حتى لو غمت عيني لقيتك
من كثر ما أحبك وأقدرك وأهواك
ما أذكر اني في حياتي عصيتك
ولا فاد اللي أسويه وياك
أتعبن قلبي ليتك تحس ليتك
وألحين روح أرجوك ساعدني أنساك
ولا تجي حتى ولو اني بغيتك
وان مر في بالي بقايا لذكراك
بحاول أنساها مثل مانسيتك



أشتاق لك:

أشتاق لك وأهواك وصل وقطاعه
أشتاق لك شوق الصحاري للأمطار
أشتاق لك في كل لحظه وساعه
انت الربيع وشوفتك تنبت أزهار
فيكم هوى قلبي يزيد اندفاعه
حتى عبرت بحبكم كل الأخطار
ماغير صوتك ينطرب لي سماعه
وما غير وصفك فيه الأخبار تحتار
لما شفت نور الخد يضوي شعاعه
مثل القمر لا لاح في وقت الأسحار
لما سلهمة نجلك فقدت المناعة
يتوق قلبي منك ويبوح الأسرار
حبك ملى عيني وقلبي قناعه
مابي سوى حبك ولو صار ماصار
تامر وقلبي قال سمع وطاعه
مثلك يلبي مطلبه ولو بالأعمار


حبك عيب:

ان كان حبك عيب فانت أكبر أول العيب
وان كان حبك ذنب يغفر لي الله
أنا بشر أخطي بدنياي وأصيب
ولا أظن به مخلوق من غير زله
ياما نهيت النفس بالغضب والطيب
الا بحبك قالت النفس لله
الحسن يجذب بس حلياك ترهيب
تعجز عظام اللي يشوفه تشله
فيك التخيل فاق كل التعاجيب
ووجهك ينافس ساريات الأهله
انت الملاك اللي يقود الرعابيب
وانت الذي في كوكب الناس حاله


{ يتبـــــع } >>>>>>>>>

[طلال الشمال]

يتـــبـــــع <<<<<<<<

حظي كبير

دل بيتك دون وصف وعنوان
واشلون أضيع سكة وسط قلبي
لك جيت مشتاق لشوفتك ولهان
لعل يروي من مشاهدك لبي
جيتك مسير يا قليل التبيان
يا قاصر الخطوة وذا سر حبي
ماكثرت أخبارك مع فلان وفلان
ومنته خفيف لكل ريح تهبي
قصر الكلام انك بها الوقت عنوان
للزين والسمعه وحسن التربي
حظي كبير وكان قلبك معي لان
وياسي عظيم لو بترفض لقربي




اه

اه من عبرة بالصدر عيت تروح
يالله انك بها عالم وباسبابها
تكت النفس مرة والنواظر تفوح
كل من شاف عيني قال وصابها؟
دمع عيني غدا لي كل صبح صبوح
عذبتني عيوني والسهر دابها
ولله اني صبور وبالسراير ما أبوح
مير أشوف المحبة ضاقت أبوابها
ول يالحب ما أقوى سلطتك يا طموح
ذلت الناس لامرك وارخت ارقابها
صاحبي يا سعد جاير ولا له نصوح
قطعة الوصل عقب العرف وش جابها؟
ياسعد كان وصله مارجع واين اروح؟
حب خلي لنفسي خدر أعصابها
عقب هاك المحبة صار خلي شحوح
واحياة الندامة كيف ابرضى بها
ذكرتني وزين الروح ورقا تنوح
طال ليل الحمامة هي وهندابها
صوتها تل قلبي وأحدثت به جروح
من يلوم الحمامة تبكي أحبابها



الانسان

جيتك بقايا روح في هيكل انسان
أبيك ترسمني للأحزان لوحه
ارسم وخذ مني دليل وعنوان
كيف الأسى يغتال نفس طموحة
واعزف على قيتارة أحزاني ألحان
أنا مودع وأرتجيك السموحة
جيتك يسوق الرجل حب وحرمان
ماردني دونك مساحة وشوحة
ما للتعب عندي وأنا أرتجيك حسبان
لو راحت أيامي بجية وروحة


تقبلوا تحياتي ::


`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
×´¨) (¨`×
¸.·´¸.·´¨) (¨`·.¸`·.¸
(¸.·´ ( *طلال الشمال* ) `·.¸)
(¨`·.¸`·.¸ ¸.·´¸.·´¨)
`·.¸)

[الشمـ حـزن ـالي]

صـــ لساااااانك ـــح

اخوي طلال ومشكور على الرائعه والابيات الجميله

اخوووك

حزن الشماااالي

[طلال الشمال]

مشكور على تعطيرك للمشاركة وعلى ردك الجميل . . .



`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
×´¨) (¨`×
¸.·´¸.·´¨) (¨`·.¸`·.¸
(¸.·´ ( *طلال الشمال* ) `·.¸)
(¨`·.¸`·.¸ ¸.·´¸.·´¨)
`·.¸)

[هرطمان]

صـــ لساااااانك ـــح

اخوي طلال ومشكور على الرائعه والابيات الجميله

يالاروع والاجمل

[طلال الشمال]

صح بدنك . . .

من طيبك
`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
×´¨) (¨`×
¸.·´¸.·´¨) (¨`·.¸`·.¸
(¸.·´ ( *طلال الشمال* ) `·.¸)
(¨`·.¸`·.¸ ¸.·´¸.·´¨)
`·.¸)