للاستمرار بالمقاطعه . . . طريقة صنع الزبادي بالمنزل ::: وفروا يامال الغنيمة ( ~ ~

[عروووبة]

طبعا اليوم الزمت وزارة التجارة
الصافى والمراعي
أنهم يرجعون الاسعار زي ماكانت

عاد اللى يبي يشري منهم كيفه افرجت عنهم
بس بشرط على السعر القديم

واللى يبي يستمر معي على المقاطعه
حياه الله
ابى اصل الى 5 ريالات وخير وبركه
.
.
المهم

اليوم أبى أقولكم طريقه بسيطة وتوفر لكم وهي (( صنع الزبادي أو الروب بالبيت ))

ومابها شي أن كان الواحد فسر عن ذرعانه وسواها مفاجأه لزوجته ووغدانه
اصلا يصير بطل . . . يصير مثل جد هايدي طير شلوى اللى حتى الجبن يسويه

المطلوب
1- حليب بودرة ( امى تستخدم نيدو عاد انتم شوفوا منتج رخيص وجربوا )
2- كمية من الماء
3- ملعقة زبادي عادي ( بس لاتجيبون من الصافي ولا المراعي )
4- انتهت الطلبات

الطريقة:
كأنك تسوى حليب نيدو ( كل كوب له 3 ملاعق حليب ) طبعا مابو سكر
توضع على النار حتى تفور
توضع على جنب حتى يصبح الحليب فاتر ( يعنى اغرف بكاسة وحط اصبعك فيه أن تحملت حرارته ;,ds )
تضيف له ملعقة الزبادي وتخوضه بملعقه
ثم تغطيه ببطانية أو منشفه ثقيلة
لكن إن كان المطبخ حار فمالها داعي
يترك حتى يخمر وقد يصل الى 9 او 10 ساعات
ثم بعد مايخثر يوضع بالثلاجه
عاد تبون تتركونه بقدره ولا تغرفونه بعلب ( موجوده حلب بلاستيك لها طبايق )

أمي كانت تسوي بقدر وتحطه بالثلاجة . . يعنى حق أسبوع تقريبا
.
.
وهنا انعم بزبادي بيتي لامثله ولابعد يصير مثله
بلا مراعي بلا صافى

[شامي الدهيمان]

عرووووووووووبة

ابشرك غرموووووهم ورجعوا السعر الاول

[عروووبة]

عرووووووووووبة

ابشرك غرموووووهم ورجعوا السعر الاول

بشروك بالجنة
لكن . .ابو نوف ماودي اجيب العيد

ودي تكون هجمة مرتده
عقابا لهم وردعا لأمثالهم
.

[عروووبة]

أول مره بحياتي اخطي بالاملاء

وين همام افزع ضبط العنوان ( يامل خلها - يامال ) ولك قدر زبادي

[ريانه]

الشيف عروبه العالم

[عروووبة]

الشيف عروبه العالم

بالخدمه
عاد صنع البقل او الاقط
عليك

[همّام]

ما شاء الله

شكرا لك أختي عروبة

[عروووبة]

ما شاء الله

شكرا لك أختي عروبة

العفو
وشكرا لسرعة الاستجابه بتعديل العنوان

[أرطبون العرب]

هههههههههههههههه
ما اسرعهم ماتراجعوا كله من توجيهاتك

[عروووبة]

هههههههههههههههه
ما اسرعهم ماتراجعوا كله من توجيهاتك

بركة الله
ثم الشعب السعودي
والبلاك بيري الجديد

.

[شمـــاليه]

من طلعت الدنيا وحنا نزين الزبادي بالبيت
الله يعافيك عروبه ماقصرتي
لاهنتي

[عروووبة]

من طلعت الدنيا وحنا نزين الزبادي بالبيت
الله يعافيك عروبه ماقصرتي
لاهنتي

يالله
خض اللبن واستخراج الزبده عليك

<<<< يعنى اني اعرف

[شمـــاليه]

يالله
خض اللبن واستخراج الزبده عليك

<<<< يعنى اني اعرف

اي والله عروبه امخض اللبن
عمتي عنده غنم وتسوي كل شي وانا قبل منا حليلي احب ادبر
الحين مالي خلق اسوي الكوفي حقي

خربنا ياغبصه

[عروووبة]

خربنا ياغبصه

غبصه الشر اللى يغبصه

<<< هو منهوا
.
.

[الحارس الذكي]

طريقه حلوه ..

و شكرا لكِ عروووبه قائدة الثوره