ليل الهموم ..!

[عقارب]

ليل الهموم السرمديه بنا طال
......... والصبر ماأثمر ولابان ... تينه !

قم غن ّ ياشادي الأحاسيس موّال
......... لااهل القلوب المرهفات الحزينه !

كزّه دخيلك للخوي طيّب الفال
......... اللي بجفاف الوقت تندا يمينه !

هاك الصديق الوافي الشامخ العال
......... من بعد ربي جيت له / أستعينه !

رجّال لكن عن ثلاثين رجّال
......... لامد ّ مد ّ .. وشوف مدة يمينه

وادري لو إني قلت " تكفون ياعيال "
......... جاني يشيل الروح في راحتينه !

ياصاحبي جيتك وانا بشكي الحال
......... وبشكي عليك اشيا .. بعمري دفينه !

شتقول باللي لابغى الدمع ماسال
......... واللي يغني .. للمواني / حنينه !

ماعاد تسوى عيشة اليوم بريال !
.........ضاقت بعيني " ويل عيني " المدينه !

تعبت أنا احطب للصبر حزمة آمال
......... ومنّاك عمري يحطبنه .. اسنينه !!

قمت اكتم الضيقة وادور لها بال !
......... واكذب واقول لشين وقتي ! يازينه !

ماكل كلمة داخل الصدر تنقال
......... بعض الحروف تموت ظيم وغبينه !

قالوا تصبّر والأماني لها جال !
......... طيّب صبرنا لكن الجال ... وينه !؟

بركات الشمري

[زمان اول]

وادري لو إني قلت " تكفون ياعيال "
......... جاني يشيل الروح في راحتينه !

ياصاحبي جيتك وانا بشكي الحال
......... وبشكي عليك اشيا .. بعمري دفينه !

رآآآئع
الله يعطيك العااافيهـ
ومشكووور

[عقارب]

العفوووو

وحياك الله