][ تومي بي الذكرى ][

**شمـــاليه** · 26 Sep 2011, 05:09 AM

تومي بي الذكرى من السيف للسيف
والقلب نسناس الغرام ألتوابه

في ليلةٍ فيها تجر الغطاريف
موقف تعب ما فيه للنفس ثابه

ذكرى رسوم وهمس ود وسواليف
زالت .. ولا زالت محل الكتابه

يبقى لها في سيرة الحب تعريف
: أول غرامٍ ما يجي له مشابه.

ياغالي الذكرى... ذكرت المواليف
فأول مشاوير الغلاء والصبابه

كتمتها وأحلام عمري مراديف
أسعى وهي تسعى ورحنا نهابه

ما باقي إلا صورةٍ كنها طيف
وعطرٍ نسيم العشق للروح جابه

تأخذ لها في دوحة الروح تشريف
وتنزع عن الصمت المطول ثيابه

غيداّ طغت ما مثلها فالبشر شيف
لها على عرش الجمال الرحابه

تخلف موازين الرجال العواريـف
وراع الصواب إتضيعه من صوابه

معربة منسب لها الأوله كيف
من صلب شيخٍ كل مجدٍ رقابه

مروي عطش حدب السيوف المراهيف
راس الحسب وأًصل النسب والمهابه

محشومةٍ عندي مثل حشمة الضيف
وعلى لساني من غلاها رقابه

من دونها حالت دهور و صواديف
وكلٍ عذابه في حياته غدابه

أعدها من ضمن الأموات يا حيف
ويبقى الرجاء مع واحدٍ يرجابه

راحت ورحنا والخواطـر ملاهيف
وكلٍ يعيد الذاكره من عذابه

http://www.youtube.com/watch?v=qp0d8DSiEm4

مؤلمه

*شيله لـ ناصر السحياني

**عقارب** · 26 Sep 2011, 05:50 AM

الله على الشيله الحلوه

الله يعطيك العافيه يا شماليه

ويا زين قناه الصحراء
24 ساعه محطوطه على القناه

**شمـــاليه** · 27 Sep 2011, 05:01 AM

حياك وبياك عقارب
انا سمعتها في سيدي وحنا جايين من الرياض
اشكرك على مرورك

**ريانه** · 27 Sep 2011, 04:04 PM

ماشاء الله على هالصوت

ان شاء الله اسمعها بصوتك يالطخما اذا جيتي للرياض والا انا جيت رفحاء

**شمـــاليه** · 10 Oct 2011, 01:24 AM

هههههههههههه حياتس وبياتس ريانه
تحلّمي بي

آخر المشاركات

الموضوع: ][ تومي بي الذكرى ][

أدوات الموضوع

تقييم هذا الموضوع

عرض

][ تومي بي الذكرى ][

المواضيع المتشابهه

هاجس الذكرى

هزتني الذكرى

تونى بأول غرامى ماعرفتك

سوالف الذكرى

رحلة الذكرى

مواقع النشر (المفضلة)

مواقع النشر (المفضلة)

ضوابط المشاركة