الواتس اب . . . للنقاش :::

[عروووبة]

بالبداية . . أنا من أنصار النوكيا . . لآني أحب العراقة والأزرار

الآي فون سواء نقل وتكنولوجيا مدهشة من جد
بالذات أيفون 4s لو يحطون فيه لغة عربية يطلع شي شي

نبدأ بهذه الرااائعه لا اعلم قائلها بس هي زبدة الموضوع . . .

تـدوم لـي يا نوگيــا ياگحيــلان ..،
'جعلہ فـداگ بلاگ بيري وآيفـون..،'

اللي على شاشاتہم تقل ورعـان..،
'ماعاد تفرّق بين صـاحي ومجنون..،'
　
أول يلـج الصـوت في گـل ديـوان..،
'واليوم حتى الحگـي ماعاد يحگون..،'
　
قالوا تطور وأصبـح الناس طرمان..،
'أمحـق تطور جعلہـم مايفيـدون..،


لكن . . . كارثتي هي الواتس أب


.
.
قصتي
أن قدر الله على ونزلت برنامج الواتس اب على جوالي
والله لايوريكم شكل كل رفحاء دريوا أني منزله البرنامج ( البعض يحسب أني اشتريت بسم الله على بسم الله على أيفون )
طبعا أنا مدرعمه مادرى وش القصة
سألت قالوا يطلع اسمك عند راعين الواتس اب اللي مخزنين رقمك

وربي الكريم
بررررم
برررم
بررررم
نغمة الرسائل مثل حقت البلاك بيري <<< كأنه زغرودة عجوز بليا سنون

كلها سوالف وقرقر كثير

الفشله أنى لما افتحها يصير صحيين خضر
قال اخوي هذا معناه انك فتحتي الرسالة
قلت : والمرسل يدرى أنى فتحتها
قال : أيه

قلت أوخذت .. فتحتهن ولا رديت عليهن
الحين يزعلن . . << عاد ماحب احد يزعل على
.
.
أيه وهو يهديني الله وأنا أحذفه من جذوره
ويرجع جوالي الغالي لحالته الأولى
يتيم ماحدن يبيه
لازم واتس أب
.
.
للأمانة : لاحظت كل اللي حولي مستخدمين هالخدمة بشكل مدمر
أعتقد والله أعلم
أن دولاب السيئات لايقف ثانية
أنا عندي قاعدة ... لم أجمع حسانتي حتى أورثها الواتس اب أو كائن من كان

وللأمانة : وجدت أخواني ( يعنى صنف الرجال يمدحون هالصنف ) أكثر تحضر ومدنية باستخدام الخدمة يعنى علوم أإخبار روابط نصائح .... مهنا قرقر كثير
.
.
الحين قول ولى . . أبى أشتري أيفون بس شلون أقدر استخدم الخدمة دون الدخول بالثرثرة الحاصدة لكل مافيه ثواب وأقنع الشعب اللى عندى
.
.
راح أقولكم شي . . أحب أن تكون التكنولوجيا شي مفيد أحصد فيه من الحسنات قدر ما استطيع
ففيه خدمة موجودة بسواء
اشتراك بـ12ريال شهري
وترسل رسائل على راحتك من الساعة 12 إلى 9 صباحا
أنا استغليت الخدمة في رمضان
فأول ماتصك الساعة 1صبحا
في العشر الأواخر .. اشتغل على اللي عندي بالقائمة رسائل دعاء نصح أقوال ومضات
حتى الموتى الله يرحمهم أرسل لهم . .

أنا أحب الاجهزة والتكنلوجيا وأماشي العصر
وصعبه الواحد يتخلف عن الركب
لكن .. ليه دائم نستخدم الشي بالطريقة الغلط
أختى تسولف لى تقول بنات تهاوشن على سالفة قروب وما قروب .. يبن هذي ومايبن هذي

احيان افكر اسوى حملة . . ( لاتضع حسناتك بالواتس أب . . .


والله الهادي إلى سواء السبيل