الواتس اب . . . للنقاش :::

[عروووبة]

بالبداية . . أنا من أنصار النوكيا . . لآني أحب العراقة والأزرار

الآي فون سواء نقل وتكنولوجيا مدهشة من جد
بالذات أيفون 4s لو يحطون فيه لغة عربية يطلع شي شي

نبدأ بهذه الرااائعه لا اعلم قائلها بس هي زبدة الموضوع . . .

تـدوم لـي يا نوگيــا ياگحيــلان ..،
'جعلہ فـداگ بلاگ بيري وآيفـون..،'

اللي على شاشاتہم تقل ورعـان..،
'ماعاد تفرّق بين صـاحي ومجنون..،'
　
أول يلـج الصـوت في گـل ديـوان..،
'واليوم حتى الحگـي ماعاد يحگون..،'
　
قالوا تطور وأصبـح الناس طرمان..،
'أمحـق تطور جعلہـم مايفيـدون..،


لكن . . . كارثتي هي الواتس أب


.
.
قصتي
أن قدر الله على ونزلت برنامج الواتس اب على جوالي
والله لايوريكم شكل كل رفحاء دريوا أني منزله البرنامج ( البعض يحسب أني اشتريت بسم الله على بسم الله على أيفون )
طبعا أنا مدرعمه مادرى وش القصة
سألت قالوا يطلع اسمك عند راعين الواتس اب اللي مخزنين رقمك

وربي الكريم
بررررم
برررم
بررررم
نغمة الرسائل مثل حقت البلاك بيري <<< كأنه زغرودة عجوز بليا سنون

كلها سوالف وقرقر كثير

الفشله أنى لما افتحها يصير صحيين خضر
قال اخوي هذا معناه انك فتحتي الرسالة
قلت : والمرسل يدرى أنى فتحتها
قال : أيه

قلت أوخذت .. فتحتهن ولا رديت عليهن
الحين يزعلن . . << عاد ماحب احد يزعل على
.
.
أيه وهو يهديني الله وأنا أحذفه من جذوره
ويرجع جوالي الغالي لحالته الأولى
يتيم ماحدن يبيه
لازم واتس أب
.
.
للأمانة : لاحظت كل اللي حولي مستخدمين هالخدمة بشكل مدمر
أعتقد والله أعلم
أن دولاب السيئات لايقف ثانية
أنا عندي قاعدة ... لم أجمع حسانتي حتى أورثها الواتس اب أو كائن من كان

وللأمانة : وجدت أخواني ( يعنى صنف الرجال يمدحون هالصنف ) أكثر تحضر ومدنية باستخدام الخدمة يعنى علوم أإخبار روابط نصائح .... مهنا قرقر كثير
.
.
الحين قول ولى . . أبى أشتري أيفون بس شلون أقدر استخدم الخدمة دون الدخول بالثرثرة الحاصدة لكل مافيه ثواب وأقنع الشعب اللى عندى
.
.
راح أقولكم شي . . أحب أن تكون التكنولوجيا شي مفيد أحصد فيه من الحسنات قدر ما استطيع
ففيه خدمة موجودة بسواء
اشتراك بـ12ريال شهري
وترسل رسائل على راحتك من الساعة 12 إلى 9 صباحا
أنا استغليت الخدمة في رمضان
فأول ماتصك الساعة 1صبحا
في العشر الأواخر .. اشتغل على اللي عندي بالقائمة رسائل دعاء نصح أقوال ومضات
حتى الموتى الله يرحمهم أرسل لهم . .

أنا أحب الاجهزة والتكنلوجيا وأماشي العصر
وصعبه الواحد يتخلف عن الركب
لكن .. ليه دائم نستخدم الشي بالطريقة الغلط
أختى تسولف لى تقول بنات تهاوشن على سالفة قروب وما قروب .. يبن هذي ومايبن هذي

احيان افكر اسوى حملة . . ( لاتضع حسناتك بالواتس أب . . .


والله الهادي إلى سواء السبيل

[شمـــاليه]

حياتس وبياتس عروبه < من اليوم تحتري الماضوع


الواتس اب والـ BB نفس الشيء وحسب استخدام الشخص له
يعني محاتسيتس عنده الاثنين والله بس دفع فلوس على قل سنع لا اجيبه ولا اوديها ويجلس باليومين ما افتح الرسايل
اهم قروب عندي قروب خواتي..< فاطسات كلهن زيي اخر مايراعن له الواتس اب
الخميس متوفيه خالة زميلتي ومرسله لي تعلمني والله مافتحه الا قبل ساعتين وافتشلت منها..


عندي كذا قروب بس كلهن بنات محترمات ورسايلهن جميله وبالعكس مفيده جداً ومرات اسولف معهن ياصرت بالسياره والمسافه طويله
وفيه قروب جالسين يهددوني ياما ارسل لهن والا بيحذفوني
وارجع اقولتس حسب استخدام الشخص نفسه..


مرات لاجيت انام اقلب فيه شوي واناظره

[ريانه]

وعليك السلام والرحمه ..

عروبه ..تحسفت على عمري اللي مضى وماعندي اي فون


اواشكرك على الموضوع ..من جد المنتدى محتاج مواضيع خاصه فيه مو مواضيع سلف

الواتس اب مثله مثل اي تقنيه ترجع لطريقة استخدامنا لها ..زي الكاس نشرب فيه عصير وغيرنا يشرب فيه عصير منتهيه صلاحيته ومتخمر

بالنسبة لي الواتس اب لايمكن استغني عنه .. قربني كثيرر من اخواني واخوالي اللي بعضهم برا وبعضهم مشغول ومانشوفه كثيرر
صرنا نعيش يومهم تقريبا ً نتبادل الصور العفويه نعرف اخبارهم وتفاصيلهم الصغيره

صرت اكثر تواصل مع الصديقات والزميلات والقريبات ..

استغنينا به عن الايميل فهو اسرع واسهل

نتبادل اشياء خفيفه واشياء مفيده سواء برامج للتحميل او مواقع .. او اخبار

اما كلامك عن انه صار باب للسيئات .. فهناك فرق في السيئات ..هناك مقاطع اباحيه وهذه والعياذ بالله لايمكن ان نتبادلها او يراها أنسان يخشى ربه ينظر لها والله يراه
لكن هناك اشياء اقل كصور .. نكات .. مواضيع .. تعليقات وتدخل في باب انها لاتصلح لمن هم اقل من 16 فهذه مؤكد ان العاقل يعرف لمن يرسل ..
فهي مجرد اشياء لــ الضحك والتسليه

لما انام لازم احط الجوال على الصامت ..لان السوالف في القروبات لاتنتهي .. ناس تصحى وناس تنام
ناس في امريكا وناس في المانيا وناس في السعوديه


عروبه نزلت برنامج ( واتس اب ..بس شات صوتي ..يعني نسولف في القروب مع بعض ..باقي ينزلون لنا برنامج قهوه وتمر عشان تحلى الجلسه


كني هذرت واجد وكبيت غداي وعشاي

[صادق الاحاسيس]

هو البرنااامج حليووووو

للتواااصل

ولكن البعض يستخدمه جلسااات ام خماااس يعني حش وغيره

انا من ركبته قليل ما استخدم sms

على قولتهم وين اذنك ياحبشي قال هذي

يعني نفس الصرف

يعطيك العاافيه عروبتنااااا

[الواقع السعيد]

والله ياعروبه الواتس حلو ومو حلو حلو ان تجيك رسايل مفيده وتستفيدين منها وموحلو تجيك وحده مطسسه مطفيه ضوه ترزل وانتي بسابع نومه ليه داخله وماتردين والا اذغيرتي لقبك يجونك عاد المتطفلين من تقصدين وغيري لقبك مايصير احد يشوف لقبك ويفهمون قصدك خطا ياوووووويطي عاد انا اخر تفكيري كلام الناس

[عقارب]

انا من اول من نزل البرنامج اول ما نزلته كان
عندي حوالي 5 قبلي منزلين البرنامح

والان فوق 100 الي مخزن اسمائهم ومنزلين البرنامج
وفيه كذا مجموعه مسوينه



وله حسناته اكثر من سياته

وهو التواصل الدائم بين الاخوان والاهل
والاصدقاء


والشعب السعودي متفضي
اي حدث يصير
لزم يجيك رابط بمقطع عن هذا الحادثه وتكون توعويه اقلبها

وهذه من حسناته



وطبعآ ما طلع هذا البرنامج الا عشان الربح المادي من الشركه




شكرآ عرووووبه على طرح مثل هذا الموضوع

[شامي الدهيمان]

مساء الخير ياعروبة

وكل عام وانت بخير

الوتساااااااب ممكن تنزله على اي جوال طال عمرك وحسن عملك

اما الايفون ...... مابعده يكفي عن جميع الاجهزت كمبيوتر متنقل يغنيك عن كل شي

اما الوت طير شلوى وخاصة القروب تصير به بعض الفصلات

وبالآخر يرجع للمستخدم

[عروووبة]

حياتس وبياتس عروبه < من اليوم تحتري الماضوع


الواتس اب والـ BB نفس الشيء وحسب استخدام الشخص له
يعني محاتسيتس عنده الاثنين والله بس دفع فلوس على قل سنع لا اجيبه ولا اوديها ويجلس باليومين ما افتح الرسايل
اهم قروب عندي قروب خواتي..< فاطسات كلهن زيي اخر مايراعن له الواتس اب
الخميس متوفيه خالة زميلتي ومرسله لي تعلمني والله مافتحه الا قبل ساعتين وافتشلت منها..


عندي كذا قروب بس كلهن بنات محترمات ورسايلهن جميله وبالعكس مفيده جداً ومرات اسولف معهن ياصرت بالسياره والمسافه طويله
وفيه قروب جالسين يهددوني ياما ارسل لهن والا بيحذفوني
وارجع اقولتس حسب استخدام الشخص نفسه..


مرات لاجيت انام اقلب فيه شوي واناظره

ما طبنا ولا غداء الشر
إذا عندك بالقائمة تقريبا 100 اسم
وكل مجموعه تسوي قروب
وكل قروب قرقر كتير . . . ( لقد زدتي همي

وعلى قولت : موضي بروايتي مويضي بروايتك
ودي بهم مير المناعير صلفين

ماهى موشكلتى الناس الفاهم واللي تقدر الظروف والأوضاع
مير المطفق اللي وحتى وأنت نيم بعز غرقت نومك ساعات الفجر . . . بربرررربر

أستشفيت من ردك ( أن التطنيش وسيلة نافعة قد تجر عليك غضب البعض ولكن تقطع نفس البعض . . .

[عروووبة]

وعليك السلام والرحمه ..

عروبه ..تحسفت على عمري اللي مضى وماعندي اي فون


اواشكرك على الموضوع ..من جد المنتدى محتاج مواضيع خاصه فيه مو مواضيع سلف

الواتس اب مثله مثل اي تقنيه ترجع لطريقة استخدامنا لها ..زي الكاس نشرب فيه عصير وغيرنا يشرب فيه عصير منتهيه صلاحيته ومتخمر

بالنسبة لي الواتس اب لايمكن استغني عنه .. قربني كثيرر من اخواني واخوالي اللي بعضهم برا وبعضهم مشغول ومانشوفه كثيرر
صرنا نعيش يومهم تقريبا ً نتبادل الصور العفويه نعرف اخبارهم وتفاصيلهم الصغيره

صرت اكثر تواصل مع الصديقات والزميلات والقريبات ..

استغنينا به عن الايميل فهو اسرع واسهل

نتبادل اشياء خفيفه واشياء مفيده سواء برامج للتحميل او مواقع .. او اخبار

اما كلامك عن انه صار باب للسيئات .. فهناك فرق في السيئات ..هناك مقاطع اباحيه وهذه والعياذ بالله لايمكن ان نتبادلها او يراها أنسان يخشى ربه ينظر لها والله يراه
لكن هناك اشياء اقل كصور .. نكات .. مواضيع .. تعليقات وتدخل في باب انها لاتصلح لمن هم اقل من 16 فهذه مؤكد ان العاقل يعرف لمن يرسل ..
فهي مجرد اشياء لــ الضحك والتسليه

لما انام لازم احط الجوال على الصامت ..لان السوالف في القروبات لاتنتهي .. ناس تصحى وناس تنام
ناس في امريكا وناس في المانيا وناس في السعوديه


عروبه نزلت برنامج ( واتس اب ..بس شات صوتي ..يعني نسولف في القروب مع بعض ..باقي ينزلون لنا برنامج قهوه وتمر عشان تحلى الجلسه


كني هذرت واجد وكبيت غداي وعشاي

من أجمل المواضيع اللي استمتع بقراءتها وردود أعضائها . . . المواضيع الذاتية خاليه من كلسترول المنقول

للأمانة ردك .. يعزز جانب الاي فون لأن هذا اللي أبحث عنه
الشي الإيجابي بكل ماهو حولنا . . تدرين ريانة . . في داخل كل إنسان روح اعتقد أنها تتجدد مع تجدد البشر المحيطين بك
فلا أخفيك أني بعد ردك . . عزمت على تغيير نظرتي لهذه التكنولوجيا . . بمعنى
لو كل خير قال مالي . . . لما استفدنا من شي محيط بنا

استشفيت من ردك ( أنى يجب أن أحاول أن أجعل الواتس أب أكثر سعادة . . . وان لم يعجبنى الوضع فالنوكيا بمتناول الايدي

على حسب قرأتي في علم الريكي أيام زمان
أنتي تحملين شحنات موجبه تبعث على التفاؤل

[شمـــاليه]

أنتي تحملين شحنات موجبه تبعث على التفاؤل

عروبه دارسه كيمياء من وراي ؟

[شمـــاليه]

صح فيه نقطه نبهتني لها ريانه هي ان التواصل مع زميلاتي كنت منقطعه عنهم من الكليه وقبل الكليه
حتى لو ماسولفت بس اشوفهن يسولفن انبسط
والتواصل مع الاهل بعتبار ان الرسايل مشواااار ولا تاخذ مقطع كبير زي ماياخذ الواتس اب
بس الواتس اب على الدي اس ال 24 ساعه مشبوك ومتوافر دائما ً

[عروووبة]

هو البرنااامج حليووووو

للتواااصل

ولكن البعض يستخدمه جلسااات ام خماااس يعني حش وغيره

انا من ركبته قليل ما استخدم sms

على قولتهم وين اذنك ياحبشي قال هذي

يعني نفس الصرف

يعطيك العاافيه عروبتنااااا

من جانب الحلاوة حليو
مره اخوي جالس يقرأ لى الرسايل
خبر معلومة مقطع أشياء مفيدة . .

أختي جالسة تسولف لنا عن قروبها .. اليوم فلانة قالت كذا وزعلت فلانه وراحت للقروب الثاني تقول مابى القروب هذاك ولحقتها خويتها قالت ليه تضيفين فلانة قالت مو أنا فلانة قالت ( يعجنن عجن الله يستر )

استشفيت من ردك (الخدمة : حلوه وزينه ولكن حنا مجتمع نحتاج إلى إعادة تأهيل . .

يعافيك ربي ....

[عروووبة]

والله ياعروبه الواتس حلو ومو حلو حلو ان تجيك رسايل مفيده وتستفيدين منها وموحلو تجيك وحده مطسسه مطفيه ضوه ترزل وانتي بسابع نومه ليه داخله وماتردين والا اذغيرتي لقبك يجونك عاد المتطفلين من تقصدين وغيري لقبك مايصير احد يشوف لقبك ويفهمون قصدك خطا ياوووووويطي عاد انا اخر تفكيري كلام الناس

أولا .. حيا هلا بمن زارنا
أسعد الله أيامك واقعنا السعيد
.
.
من ناحية الفائدة متفقين . . لكن
مشكله حنا شعب (حساس وزعول ) ليه وليه . .

استشفيت من ردك ( السلبيين دمروا كل ماهو جميل للاسف . .

الواقع لاتغيب كثيرا . . .

[الحارس الذكي]

وعليكم السلام و رحمة الله وبركاته ..

موضوع رائع ..

صراحه برنامج حلوو ويخليك متواصل مع الاقارب ..

و يجيك واحد فااااضي ويقوم يسولف و انت مشغول ..

لكن ايجابياته اكثر من السلبيات ..

شكرا مره اخرى ..

[همّام]

شكرا لك أختي عروبة

استخدمه قليلا .. ولا أستخدمه إلا على شبكة الانتر نت
لا أحب استخدامه في السيارة وفي المجالس
لذلك قمت باغلاق اي طريق يوصله بشبكة شركات الاتصال
مما جعلني افلس من بعض المناسبات هههه وبعض القهاوي والعشيات الخاصه
.
.
.

في نظري أنه خدمة رائعة جدا وكما قال من سبقني حسنه حسن وقبيحه قبيح
وبحسب استخدام كل شخص ونيته

لكن مشكلته أصحاب النوايا الحسنة
الذي يبعثون كل برودكاست فيه خير او دعوة او أمر أو نهي دون أي تمحيص
لدرجة أني مرة قلت لواحد ( الله لا يهينك ) فقال لي تراه ما يجوز
قلت ليش ؟
قال شف واطلعني على الواتس اب
قائمة طويلة من الكلمات المحرمة التي تنتشر بين الناس حسب وصفهم
وفيه أنه لا يجوز أن تقول لأحد الله لا يهينك لأن الله لا يهين أحدا
فقلت له مباشرة : وماذا تقول في قوله تعالى ( ومن يهن الله فماله من مكرم )
وهذا أمر يتعلق بتوحيد الأسماء والصفات
ومثلها كثير

فتنتشر أمور ودعوة للخير بحسن نية وهي تحتوي على أخطاء ومغالطات كبيرة

وأيضا به يكذب الشخص الكذبة فتبلغ الآفاق
وتتبعها وتصحيحها أمر صعب جدا
ففي المنتديات تستطيع أن ترد وتعقب وتستطيع أن تنفي وتثبت
ومن أراد أن يتأكد يستطيع أن يبحث
لكن الواتس لا توجد فيه هذه الخدمات والتصحيح فيه صعب لأن السلسلة غير مترابطه ولأنه ليس كل أحد حريص على تصحيح أمر

المشكلة ليست في الواتس اب ولكن في طريقتنا في استخدامه

ومن ايجابياته تواصل ذوي الأرحام
فكثير من العوائل يضعون قروب خاص
يتواصلون من خلاله