يا ليتــــــها " ما راحت " وخلتني .'

[عقارب]

خايف عليها من الثرى غطاها والا الحصى حافيه اخاف اذاها
اكرم عليها بالكفن يا مطوع *بالبيت ضل فراشها وغطاها


اكرم عليها بالكفن هذي أمي *و اشهد عليها بما عطت يمناها
هذي الضحى والليل يتحرونه *هذي السماء و نجومها تنعاها


هذي السوالف مثلنا تبكيها *والأرض تنشد عن اثر لخطاها
هذي الكبيره كبر هذي الدنيا *هذي العظيمه جل من سواها


ابكي عليها مو نهار و ليله *و لا سنه تمشي واعد قضاها
ابكي عليها كثر ما شالتني *و كثر الحنين اللي اختلط بغناها


وكثرالأسامي و كثر من سموها و كثر النجوم و كثر من يرعاها
ابكي عليها من القهر يا دنيا *من لي أنا من لي عقب فرقاها


من فتحت عيني و لا خلتني *شوفوا ولدها بالقبر خلاها
هل التراب بوجهها ما قصر *شفتوا ولدها كيف هو جازاها


لوها مكاني كان ما سوتها *لكن اعز عيالها سواها
يا الدود شفها ذابله جنّبها *انا ولدها و حاضر وافداها


قطعني هاك اللي تبي من جسمي *بس الكريمة لا تجي بحذاها
و وصيك أمانه قل لها تعذرني و تكفى تروح تحب لي ما طاها


ابيها تغفر لي مثل ما كانت *كل خمله مني بطيبها ترفاها
يالله عساها بالنعيم الخالد *و عساها في جنة عدن سكناها


يا فضو هذا الكون يا هو خالي *يا ضيق هذي الدنيا يا مقساها
يا مر طعم فراقها يا مره *ماني مصدق ارجع ومالقاها


وشلون اجي غرفتها وما هي فيها وش عذري لسبحتها ومصلاها
شقول انا لدولابها وشنطتها *واذا سألني مشطها وحناها


وعباتها ومي زمزم ومصحفها *والمبخره ورشوشها ودواها
الكل في غرفتها متفقدها *حتى الجدار مفطّر و يرجاها


الكل يبكيها مهو ناسيها *يالله صبرني و شلون انساها
ياليتها ماراحت و خلتني او وسعت لي بالقبر وياها

*

القصيدة للشاعر / الحميدي الشمري
..
.

[ريانه]

رحم الله امهاتنا ..
الام هي ضياء الدنيا ..
اللهم لاتحرمنا من امهاتنا واكرمهم في الدنيا والآخرة

[ريانه]

رحم الله امهاتنا ..
الام هي ضياء الدنيا .
اللهم لاتحرمنا من امهاتنا واكرمهم في الدنيا والآخرة

[همّام]

الله يرحمها ويسكنها فسيح جناته وجميع المسلمين والمسلمات

اذكرها رحمة الله عليها
كنا ندخل بيتهم في قطعة سته بالجهراء بالكويت ونحن صغار
كانت حبيبه وطيبه


شكرا لك أخي عقارب

[عقارب]

رحم الله امهاتنا ..
الام هي ضياء الدنيا ..
اللهم لاتحرمنا من امهاتنا واكرمهم في الدنيا والآخرة

رحم الله الجميع


شكرآ على المرور اختي ريانه

وحياك الله

[فزاع]

يعطيك العافيه عقارب لاعدمناك

[عروووبة]

يعطيك العافيه عقارب
سلمت نقلك على هالرااائعه

[عقارب]

الله يرحمها ويسكنها فسيح جناته وجميع المسلمين والمسلمات

اذكرها رحمة الله عليها
كنا ندخل بيتهم في قطعة سته بالجهراء بالكويت ونحن صغار
كانت حبيبه وطيبه


شكرا لك أخي عقارب

الله يرحمها ويسكنها فسيح جناته



شكرآ همام على مرورك

وحياك الله

[شمـــاليه]

الله يرحمها
صح لسان الشاعر

[عقارب]

يعطيك العافيه عقارب لاعدمناك

الله يعافيك يا فزاع

حياك

[غزلان]

شكرا عقارب
ابيات رووووووعه
يعطيك العافيه

[شامي الدهيمان]

الله يرحم امواتنا واموات المسلمين

صح لسان الشاعر وسلمت يدالناقل