بعض الرجاجيل لو تنتف شواربها

[شامي الدهيمان]

الدار لا كدرت صافي مشاربهــــــــا
ما قادنــي يمها شف ولا راده
أشوم عنها وأخليها وأجنبهــــــــــا
الذيب يبخص مصاديره وميراده
العين ما تبكي إلا من سبايبهــــــا
الوقت غلاب والعربان نقاده
سود الليالي كثيراتٍ عجايبهــــــــا
تضحك عيال الخدم وتزعل الساده
يا عل ربي يعدينا مصايبهـــــــــــــا
عن ما جرى للعرب ما هيب نشاده
أحدٍ يصدق بها وأحدٍ يكذبهـــــــــــا
وابن الرخم يحتفل في عيد ميلاده
أعز نفسي وأعزيها وأعاتبهــــــــــا
وكثر المجامل ترى ما هوب لي عاده
إن كان نفس الولد نالت مطالبهــــا
وإلا قعد مقعد الحقران مقعاده
كل الخلايق لها ربٍ يحاسبهـــــــــا
واللي تمني كثير مناه ما فاده
اللي يعمر بها واللي يخربهـــــــــــا
واللي يواعد ولا يصدق بميعاده
أرض الله الناس تسعى في مناكبها
كلٍ بفاله بمحداره ومسناده
بعض الرجاجيل لو تنتف شواربهـــــا
إن كان رأسه يخلي الزود وعناده
يمناً تقصر عن الماجوب عقبهـــــــا
تستاهل اللوم دوم الدوم وزياده

[عروووبة]

صح لسانك وعلا شانك
ابو نوف

صحيح والله
الوقت غلاب والعربان نقاده
سود الليالي كثيراتٍ عجايبهــــــــا

[شامي الدهيمان]

صح بدنك يا عروووبة اشو كربتي وجهي

انا كاشخ عندهم ومتنقي لهم افضل قصائد السامر

وآخرتها 86 متصفح ولا رد الا عرووووووووبه

[فزاع]

صح بدنك لاعدمناك

[شامي الدهيمان]

يسلم راسك اسعدني مرورك

[عقارب]

صح لسان الشاعر

ولشان الناقل اختيار جميل منك يا ابو نوف


الله يعطيك العافيه

[غزلان]

مشكووووووور اخوي شامي
ابيات رائعه
صح لسانك

[شامي الدهيمان]

عقارب """"""""غزلان

الف شكر لمروركم

[ريانه]

يارب مانكون مثل بعض اللي ذكرتهم بالقصيدة


شكراً أخينا شامي الدهيمان

ذائقة قويه تعكس بعض قناعاتك

[شمـــاليه]

صح لسان الشاعر ولاهنت شامي