يالله ياقلبي.. كفـــايــة ماجرالك خلنا نمشــــي لو إنَّا مُرغميـــن ..

[مهيد الشمري]

.
.








- :
شوف موعدنا تعب ينطر وصالك
لين صــــار البُــعد أقرب لليقين ؟..
:
- ليه غبت وحارمـ(ن) عنِّي سؤالك
كيف مامرَّك ولا لحظــــــة حنين ؟!
:
- شِفْ سما ليلي بدونك كيف حَالِك
شِف صباحي كيف مُستاء وحزين
:
- شف عنا الدمعات والصوت مْتَهالك
وارحم اللي ذاب يسأل" إنت وين"؟؟
:
- جَـــاوِبَه هالحين في ضمَّة وصالك
ما أبي منِّك عــــــذر أو دمعتين ..
:
- يكفي اللي راح من عمر (وحلالك
كل ما باقــــي من ايام وسنين ..)
:
- ليتني أدري " أنا أسكن خيالك " ؟
والا مـا زارك خيالي بـأي حين !؟
:
- هل تحرر خافقك والحين جا لك
والا مثلي في زمن ولَّـى سجين؟
:
- استباحت غيبتك صدر(ن) لجالك!
ومالقى من يحْضِنَه غـــــير ( الأنين ) !
:
_ يالله ياقلبي.. كفـــايــة ماجرالك
خلنا نمشــــي لو إنَّا مُرغميـــن ..
:
- قم تولَّم للرحيل وخَلْ بالك ..
"انتبه كسرات هالخــــافق تبين "!



لــ بقايا روح


.

[شمـــاليه]

بقايا روح اللي معانا بالمنتدى؟؟اعرفها شخصيا ً شاعره رائعه لكنها تركته..

صح لسان الشاعر وسلمت على النقل الجميله
لاهنت

[مهيد الشمري]

.
.


هنيئا لـ أنفاسها بها ..

فهي لاتبخل مثلي و مثل بعض الناس .. فهي تكتب و تشعر و تثقل الآخرين بالجمال

و إن كنتي تعرفينها معرفه شخصيه فجميل جدا أن نراها هنا على الأقل كي نرى التنافس الشريف .

شكرا لتس والله لا يهينتس .


.